"ვეკითხებოდი, რა დაგიშავე?" - ჯენიფერ ლოპესის ყოფილი ქმარი ოჯახის დანგრევაში P.Diddy-ს ადანაშაულებს და ამბობს, რომ ლოპესი მასთან ღალატობდა
ბოლო დროს დიდია ინტერესი დაკავებული რეპერის, P.Diddy-ს საქმის გარშემო. შეგახსენებთ, რომ გარდა იმ ბრალდებებისა, რომელიც წაყენებული აქვს, საზოგადოებას აინტერესებს იმ ვარსკვლავების აზრი, რომლებიც სხვადასხვა დროს რეპერთან მეგობრობდნენ. მათ შორისაა, ჯენიფერ ლოპესი, რომელიც ამ დრომდე კომენტარს არ აკეთებს მის ყოფილ პარტნიორზე, რომელსაც შესაძლოა, სამუდამო პატიმრობა მიესაჯოს.
- ლოპესის დედას არასოდეს მოსწონდა ქალიშვილის ურთიერთობა შონ კომბსთან (P.Diddy), როგორც აღმოჩნდა, ამისთვის მიზეზიც ჰქონდა. ამ ურთიერთობამ 1999 წელს ლოპესს სერიოზული პრობლემები შეუქმნა. ერთ საღამოს, როდესაც წყვილი ნიუ-იორკის ერთ-ერთ კლუბში იყო, სროლა დაიწყო. შეყვარებულები გაიქცნენ, თუმცა მოგვიანებით პოლიციამ ისინი დააკავა. ლოპესის დედამ შვილს პოლიციის განყოფილებაში უთხრა: "მე გითხარი, რომ არ დაგეშვა ეს ურთიერთობა!"
მედიაში წერდნენ, რომ ლოპესს იარაღი ჰქონდა კლუბში შეტანილი, თუმცა შონმა მისი დაცვა სცადა. საბოლოოდ, ორივე დაუსჯელი დარჩა. მიუხედავად ამ ინციდენტისა, მათი ურთიერთობა კიდევ ორ წელს გაგრძელდა. ქალმა მოგვიანებით აღიარა, რომ დაშორების მიზეზი ღალატი იყო, რითაც ძალიან დაიღალა.
- დღეს, როდესაც Diddy სერიოზულ დანაშაულებშია ეჭვმიტანილი, ჯენიფერი დუმს. თაყვანისმცემლები ფიქრობენ, რომ მას აქვს ინფორმაცია სამართალდამცავებისთვის. თუმცა შესაძლოა, ის შიშობდეს, რომ ზედმეტი საუბარი მის სიცოცხლეს საფრთხეს შეუქმნის.
ამ დროს კი, ლოპესის პირველი ქმარი ოჰანი ნოა, მედიასთან ყოფილ ცოლზე საუბრობს. იგი ამტკიცებს, რომ სწორედ შონ კომბსმა ითამაშა მნიშვნელოვანი როლი მის განქორწინებაში. "დიდის თაღლითობა დიდწილად ჩვენი დაშორების მიზეზი გახდა,“ - აცხადებს ნოა. ისინი 1997-1998 წლებში, მხოლოდ ერთი წელი იყვნენ დაქორწინებულები.
ნოა იხსენებს, რომ ლოპესი სრულიად შეიცვალა მას შემდეგ, რაც მას "მილიონები გადაუხადეს" და ამ დროს შონიც გამოჩნდა. "მას გადაუხადეს უზარმაზარი თანხები, დიდიც იქვე იყო და მის ალბომზე მუშაობდა. სწორედ მაშინ დაიწყო ღალატი ჩემმა ცოლმა,“ - ამბობს ნოა.
"მე ლოს-ანჯელესში ვიყავი და რესტორანს ვხსნიდი, ის კი მაიამსა და ნიუ-იორკს შორის ალბომზე მუშაობდა. ამ დროს დაიწყო ჯენიფერმა ჩემი ღალატი,“ - აღიარებს ნოა.
თუმცა მისი პირადი ტრაგედია აქ არ დასრულებულა. ახლა ნოა აცხადებს, რომ ლოპესმა მიზანმიმართულად გაანადგურა მისი კარიერა: "ვეკითხები ჯენიფერს, რა დაგიშავე, რომ მიჩივლე, დამადანაშაულე და ჩემს წინააღმდეგ ისტორიები მოიგონე? რამდენიმე კომპანიას უთხარი, რომ გავეთავისუფლებინე და ტელევიზიებს სთხოვე სამსახური არ მოეცათ ჩემთვის. თქვი სიმართლე და ყველაფერს მოეფინოს ნათელი", - ამბობს კაცი.
შეგახსენებთ, რომ 1997 წელს ჯენიფერ ლოპესმა კუბელ ოფიციანტზე, ოჰანი ნოაზე იქორწინა. ქორწინებამ მხოლოდ ერთ წელს გასტანა, თუმცა 2006 წელს ყოფილმა მეუღლეებმა სასამართლო დავა დაიწყეს, რადგან ოჰანი ნოა ლოპესთან პირადი ცხოვრების შესახებ სხვადასხვა პუბლიკაციებსა და მასალებს ავრცელებდა.