"მე აქ ვარ, ჩემი ხალხის გვერდით... ეს არის გზა, რასაც მე მივყვები ჩემს ცხოვრებაში" - ლაშა ბექაური

ჩემი აქ დგომის მიზეზი არის ის, რომ მე ვიყო ჩემი ქართველი ხალხის გვერდით, - ამის შესახებ ორგზის ოლიმპიურმა ჩემპიონმა ლაშა ბექაურმა განაცხადა, რომელიც თავისუფლების მოედანზე, “ქართული ოცნების” წინასაარჩევნო კამპანიის ფარგლებში გამართულ დასკვნით ღონისძიებას ესწრება.

როგორც ბექაურმა აღნიშნა, 26 ოქტომბრის არჩევნებზე ძალიან ბევრი რამ წყდება და ქართველმა ხალხმა სწორი გადაწყვეტილება უნდა მიიღოს.

"ჩემი აქ დგომის მიზეზი არის ის, რომ მე ვიყო ჩემი ქართველი ხალხის გვერდით. მე რასაც ვაკეთებ ცხოვრებაში, ვაკეთებ ჩემი ხალხისთვის და ვფიქრობ, რომ ეს არის ის, სადაც მე უნდა ვიყო, ეს არის ის გზა, რასაც მე მივყვები ჩემს ცხოვრებაში ჩემი ხალხისთვის, ჩემი პატრიოტიზმისთვის, ჩემი სარწმუნოებისთვის და მე აქ ვარ ჩემი ხალხის გვერდით.

ვფიქრობ, რომ ეს არჩევნები არის ძალიან მნიშვნელოვანი, უმნიშვნელოვანესი, რადგან კიდევ ვფიქრობ, რომ აქ ძალიან ბევრი რამ წყდება და ქართველმა ხალხმა უნდა მიიღოს სწორი გადაწყვეტილება, უნდა მოვიდეს და სწორ პოზიციაზე დადგეს”, - აღნიშნა ბექაურმა.

წაიკითხეთ ასევე:

• "მე, როგორც რიგითი ქართველი ახალგაზრდა ვთვლი, რომ უნდა დავიცვათ ოჯახური ღირებულებები, მშვიდობა და მხარი დავუჭიროთ "ქართულ ოცნებას" - ცოტნე ივანიშვილი