მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ტირანი დედაა. მაიძულებდა მეცხოვრა ისე, როგორც მას სურს" - ლუბა უსპენსკაიას დაკარგული შვილი გამოჩნდა და კრემლის პროპაგანდისტ მომღერალს ძალადობაში ადანაშაულებს
11:04 / 21-10-2024
ოქტომბრის დასაწყისში, ცნობილი რუსი მომღერლის ლუბა უსპენსკაიას ქალიშვილი გაუჩინარდა. მომღერალი შვილის დაკარგვაში უკრაინას ადანაშაულებდა. მისი თქმით, გოგონა უკრაინის სპეცსამსახურებმა გაიტაცეს და მის გამოყენებას დედის წინააღმდეგ აპირებდნენ. რამდენიმე დღეში ცნობილი გახდა, რომ ტატიანა პლაქსინა, არავის გაუტაცია. გოგონა ისრაელში იპოვეს და რუსეთში დააბრუნეს.
"ჩემო ძვირფასო მეგობრებო, უბედურება დამემართა! ახლახან ბაქოდან ჩამოვედი, ტანია - ჩემი ქალიშვილი, დაკარგულია! ვერ ვპოულობ… მისი ტელეფონები სახლშია. მეშინია, რადგან ეს შეიძლება დაკავშირებული იყოს ჩემს მოგზაურობებთან დონეცკსა და ლუგანსკში. ან შესაძლოა, ნარკომანებმა ან დილერებმა გაიტაცეს სადმე", – ამბობდა მომღერალი.
რუსეთში დაბრუნებულმა პლაქსინამ ადგილობრივ მედიასთან აღიარა, რომ რეალურად, ისრაელში ყოფნისა, ვარსკვლავი დედას ემალებოდა და ის სახლიდან საკუთარი ნებით გაიქცა.
"ველოდი, როდის დაღამდებოდა, გადავძვერი ღობეზე და მთელი დასახლება ფეხით გავირბინე. შემდეგ მანქანა გავაჩერე, რომელმაც გზაზე გამიყვანა. იქიდან ტაქსიში გადავჯექი და აეროპორტამდე მივედი. გაქცევაში არავინ დამხმარებია. მე მხოლოდ ფინანსურად და მორალურად დამეხმარნენ", - ამბობს ტატიანა.
მომღერლის ქალიშვილის თქმით, მთელი ეს დრო უსპენსკაიას შვილი ჩაკეტილი ჰყავდა და არ აძლევდა საშუალებას, რომ იმ ელიტური დასახლების საზღვრებს გასცდენოდა, სადაც მომღერლის სახლი მდებარეობს. პლაქსინა ამტკიცებს, რომ დედა მას მუდმივად აკონტროლებდა.
"მეშინოდა ძალიან, მტანჯავს, არაადეკვატური და ტირანი დედაა. სულ შიშში ვარ, რომ დედა რაღაცას ნახავს ან გაიგებს. ისე დამაშინა, რომ ხელჩაკიდებულები დავდიოდით. მაიძულებდა მეცხოვრა ისე, როგორც მას სურს, თითქოს მასზე ვიყავი მიბმული. უკვე 10 წელია ვემუდარები, - დედა, ცალკე მინდა ცხოვრება - მეთქი... მან კი ძალით დამაკავა და მაიძულა დახურულ დასახლებაში მეცხოვრა. ეს ერთხელ და სამუდამოდ უნდა დასრულებულიყო", - ჰყვება ტატიანა.
პლაქსინას თქმით, დედა მას პლასტიკური ოპერაციების გაკეთებას აიძულა, რაც საერთოდ არ უნდოდა.
"არ მინდოდა, რომ ოპერაციებს მიკეთებდნენ, მეხებოდნენ", - ტატიანას თქმით, მასზე სხვადასხვა პრეპარატებს ცდიდნენ.
"ერთხელ მაიძულა, კლინიკაში წავსულიყავი, რომ ჩემთვის დამამშვიდებელი გაეკეთებინათ. ფიზიკურად ჯანმრთელი ადამიანი ვარ. რატომ უნდა დამამშვიდონ? ჩემმა სხეულმა ამას ვეღარ გაუძლო. მოულოდნელად დავეცი და კლინიკაში სისხლის გუბეში ვიწექი,“ - ჰყვება გოგონა ბოლო ინციდენტის შესახებ.
წაიკითხეთ ასევე:
- სკანდალი კრემლის პროპაგანდისტი მომღერლის გარშემო: სად გაუჩინარდა უსპენსკაიას ქალიშვილი - "ან უკრაინაშია ან ეს უკავშირდება მის მეგობარს, რომელსაც ლუბას მოკვლა სურს"
- რუსი პროპაგანდისტი მომღერლის ოჯახური სკანდალი - რა შეემთხვა რეალურად ლუბა უსპენსკაიას ქალიშვილს, რომელიც უკრაინაში ეგონათ და ისრაელში აღმოჩნდა
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
