მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
“ეს არის ბოლო გაფრთხილება... 5 დღეში ამ ხელისუფლებას გავუშვებთ - ჩვენი არჩევანი არის ევროპაში“ - მარში დაიწყო: ოპოზიციური კოალიციების ლიდერები მხარდამჭერებს მიმართავენ
18:15 / 20-10-2024
“ეს არის ბოლო გაფრთხილება არჩევნებამდე ბიძინა ივანიშვილისთვის, რომ ქართველი ხალხი ევროპულ მომავალს არ დათმობს!- კიდევ ერთხელ გავაგონოთ ბიძინა ივანიშვილს ამაყი, ევროპელი, თავისუფლებისმოყვარე ქართველი ხალხის ხმა“,- ამის შესახებ “ერთიანობა ნაციონალური მოძრაობის” თავმჯდომარემ, თინა ბოკუჩავამ მარშის სახელწოდებით - “საქართველო ირჩევს ევროკავშირს“ დაწყებამდე განაცხადა.
მისივე თქმით, დარწმუნებულია, რომ ქართველი ხალხი არ დათმობს ისტორიულ არჩევანს.
“ძალიან მნიშვნელოვანი მარშია ჩვენი ქვეყნის ევროპული მომავლისთვის. ეს არის ბოლო გაფრთხილება არჩევნებამდე ბიძინა ივანიშვილისთვის, რომ ქართველი ხალხი ევროპულ მომავალს არ დათმობს! ძალიან დიდი იმედი მაქვს, რომ თავისუფლების მოედანზე შემოგვიერთდებიან მოქალაქეები, რათა ბევრი ვიყოთ, კიდევ ერთხელ გავაგონოთ ბიძინა ივანიშვილს ამაყი, ევროპელი,თავისუფლებისმოყვარე ქართველი ხალხის ხმა, რომელიც არ დათმობს ისტორიული არჩევანის რეალიზების საშუალებას. ჩვენთვის დღეს მთავარია ყველა ერთად ვიდგეთ საქართველოს მოქალაქეებთან, საქართველოს თითოეული მოქალაქე წყვეტს ჩვენი ქვეყნის, შვილების, ევროპული მომავლის ბედს.
ჩვენ მოვისმინეთ ივანიშვილი როგორ იმუქრება კონსტიტუციის შეცვლით, მათ შორის, დარწმუნებული ვარ, მის ბოროტ გეგმებში ერთ-ერთია კონსტიტუციის 78-ე მუხლის გაუქმება, სადაც გაწერილია ევროატლანტიკური ინტეგრაციის მნიშვნელობა. მას ამის შესაძლებლობა არ მიეცემა. ქართველი ხალხი საკუთარი არჩევანით დაიცავს საქართველოს კონსტიტუციას და ევროპული არჩევანის რეალიზების შანსს“, - აღნიშნა ბოკუჩავამ.
- “თავისუფლებას და ხალხის არჩევანს ვერაფერი გააჩერებს,“- ამის შესახებ კოალიცია “ძლიერი საქართველოს“ლიდერმა, მამუკა ხაზარაძემ, მარჯანიშვილის მოედანზე მარშის სახელწოდებით - “საქართველო ირჩევს ევროკავშირს“ დაწყებამდე განაცხადა.
მისივე თქმით, მნიშვნელოვანია, რომ ყველა იმ ადამიანს ხმა გავაგონოთ, რომელიც დღეს კიდევ ორჭოფობს მივიდეს, თუ არა არჩევნებზე.
“თავისუფლებას და ხალხის არჩევანს ვერაფერი ვერ გააჩერებს. “რუსული კანონებით“ და ყველა იმ ქმედებებით, რომლითაც “ქართულმა ოცნებამ“ - რუსულმა ხელისუფლებამ საქართველოში გზა ქართველი ხალხის ნებას გადაუკეტა, ეს არ გაუვა. სულ 5 დღე დარჩა და 5 დღეში ჩვენ ამ ხელისუფლებას, ბიძინა ივანიშვილის თამადობით გავუშვებთ იქ, სადაც მათი ადგილია, რუსეთისკენ. ეს ქვეყანა, იმ გზას დაადგება, რაც ჩვენი ეროვნული არჩევანია და ეს არის ევროპული არჩევანი, ეს არის კონსტიტუციით გამაგრებული ხალხის არჩევანი და სწორედ, ეს არის ხალხის გამოხატულება, რასაც ახლა თქვენ ხედავთ.
მნიშვნელოვანია, რომ ყველა იმ ადამიანს ხმა გავაგონოთ, რომელიც დღეს კიდევ ორჭოფობს მივიდეს, თუ არა არჩევნებზე. მათ უნდა დაინახონ, რომ მათი შვილების, ოჯახის წევრების ბედი და ასევე, შემოსავალი, კეთილდღეობა, სტაბილურობა, მშვიდობა დამოკიდებულია იმაზე, რომ ისინი არჩევნებზე მივიდნენ და ხმა განსხვავებას მისცენ. აუცილებელი არ არის ხმა ჩვენ მოგვცენ, მაგრამ აუცილებელია ხმა ოპოზიციურ პარტიებს მისცენ. იმიტომ, რომ “ქართული ოცნება“ არის გასაშვები და ეს ქვეყანა კოალიციურმა მთავრობამ უნდა მართოს, თუ ჩვენ გვინდა ძალიან სწრაფი ნაბიჯებით პროგრესისკენ წავიდეთ“, - განაცხადა ხაზარაძემ.
- “კოალიცია ცვლილებისთვის“ ლიდერის, ნიკა გვარამიას თქმით, “ეს დღე გამაერთიანებელია, რადგან ევროკავშირისკენ სწრაფვის სურვილი აერთიანებს არამარტო ქართველ ხალხს, არამედ მათ წარსულს, აწმყოსა და მომავალს“.
“ჩვენ ახლა მივდივართ თავისუფლების მოედანზე, მაგრამ მთელი ქვეყანა - ევროპაში. სინამდვილეში, ვისაც არ უნდა ვაძლევდეთ ხმას, ეს გვინდა, მაგრამ ზოგმა ამომრჩეველმა არ იცის, რომ ვისაც ის ხმას აძლევს შეიძლება ის სულ სხვაგან მიდიოდეს. “ქართული ოცნების“ ამომრჩეველსაც მოვუწოდებ, რომ მოვიდეს და ყველას, საკუთარი არჩევანის ჩათვლით, დაანახოს, რომ ჩვენი არჩევანი არის ევროპაში.
ეს დღე გამაერთიანებელია, რადგან ეს სურვილი აერთიანებს არამარტო ქართველ ხალხს, არამედ მათ წარსულს, აწმყოსა და მომავალს. ყველა პროდასავლური ოპოზიციური ძალა, არასამთავრობო სექტორი, ჟურნალისტები დარწმუნებული ვარ, აქ იქნება. ასევე დარწმუნებული ვარ, რომ ყველანაირი პოლიტიკური გემოვნების ქართველი ადამიანიც იქნება აქ“, - განაცხადა ნიკა გვარამიამ.
თბილისში, დღეს, მარში "საქართველო ირჩევს ევროკავშირს" იმართება. ორგანიზატორების ინფორმაციით, მოქალაქეები დედაქალაქში ხუთ სხვადასხვა ლოკაციაზე შეიკრიბნენ და თავისუფლების მოედნისკენ მიემართებიან.
იხილეთ ასევე:
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
