18 წლის ქვრივი, ქმრის ცხედართან ერთად, ცოცხლად დაწვეს - 37 წლის შემდეგ დამდგარი სამართალი და ამბავი, რომელმაც ინდოეთსა და მსოფლიოში დიდი პროტესტი გამოიწვია
37 წლის წინ ინდოეთში უმძიმესი შემთხვევა მოხდა. 18 წლის ქვრივი რუპ კანვარი ინდუისტური ტრადიციის მიხედვით ქმრის ცხედართან ერთად დაწვეს.
- ახლახან, სასამართლომ გაამართლა რვა მამაკაცი, რომლებიც ქალის სიკვდილში იყვნენ ბრალდებულები. კიდევ ერთხელ გაიხსენეს ტრაგედია, რომელიც ქვეყანაში დატრიალდა.
ინდუისტურ მითოლოგიაში არსებობს ერთ-ერთი მითი, როდესაც ღვთაება შივას საცოლემ, ჩაშლილი ქორწილის გამო თავი კოცონზე დაიწვა. ინდოეთში სატის სახელით საუკუნეების განმავლობაში საყოველთაოდ ცნობილი ქვრივთა გარდაცვლილ მეუღლეებთან ერთად ცოცხლად დაწვის ადათი გავრცელდა, რომელიც ინგლისის კოლონიურმა მთავრობამ 1829 აკრძალა.
მაგრამ, წლების განმავლობაში, ვინც აღნიშნულ რიტუალში მონაწილეობდა სასამართლოს მიერ გამართლდა.
რაჯასტანის 14 ქალისგან მიერ შექმნილმა ჯგუფმა წერილი გაუგზავნა მთავრობას, სადაც ასაჩივრებენ სასამართლოს გადაწყვეტილებს და მოუწოდებენ, რომ ყველაფერი გააკეთონ, რომ კიდევ არ მოხდეს ქალების მსხვერპლშეწირვა. წერილში აღნიშნეს, რომ მსგავსმა გამამართლებელმა განაჩენმა შესაძლოა ისევ დააბრუნოს ტრადიცია ქვეყანაში.
რა მოხდა წლების წინ
1987 წლის 4 სექტემბერს სოფელ დეორალაში 18 წლის მოზარდის გარდაცვალება უმძიმეს აქტად იქცა. სოფლის ასობით მაცხოვრებელი უყურებდა, როგორ დაიწვა ცოცხლად ქალი, ტრადიციის სახელით.
როგორც მოგვიანებით იხსენებდნენ, გოგონა საქორწილო სამოსში იყო გამოწყობილი და მსვლელობას უძღვებოდა სოფლის ქუჩებში. შემდეგ კალთაში ჩაჯდა, რელიგიური საგალობლები წაიკითხა, და ამ დროს, თან ნელ-ნელა იწვოდა.
მომხდარს აპროტესტებდნენ ჟურნალისტები, იურისტები, სამოქალაქო საზოგადოება და ქალთა უფლებების აქტივისტები - თავდაპირველად, კანვარის მშობლებიც კი. ისინი შტატის დედაქალაქ ჯაიპურში ცხოვრობდნენ, სოფლიდან სულ რაღაც ორ საათში, მაგრამ მათი სიძის გარდაცვალებისა და მათი ქალიშვილის დაღუპვის შესახებ მეორე დღის გაზეთიდან შეიტყვეს.
მოგვიანებით განაცხადეს, რომ მათი ქალიშვილის ქმედება ნებაყოფლობითი იყო. მედიის ინფორმაციით, პოზიცია ზეწოლის შედეგად შეიცვალეს.
- მომხდარს აპროტესტებდა ყველა, კანვარის გარდაცვალებიდან 13 დღის შემდეგ 200 000 ადამიანი დაესწრო დემონსტრაციას, სადაც გოგონას ფოტოები და პლაკატები იყიდებოდა. მალე გაირკვა, რომ გოგონა სოფლის მოსახლეობამ აიძულა რომ თავი დაეწვა.
ჟურნალისტმა გეეტა სეშუმ, რომელიც სოფელს ინციდენტიდან სამი კვირის შემდეგ ეწვია BBC-თან განაცხადა, რომ "ადგილზე სიტუაცია დაძაბული იყო, რის გამოც, ძალიან გაუჭირდა თვითმხილველებთან საუბარი“.
1987 წლის 11 ნოემბერს გაპროტესტდა ზოგიერთი ინდუისტური თემის მოძველებული ტრადიცია, სადაც ქვრივები იძულებულნი იყვნენ ჩაეტარებინათ სატი - ისინი სხდებოდნენ გარდაცვლილი ქმრის გვამთან და მათთან ერთად იწვოდნენ.
- მოგვიანებით გაირკვა რომ როდესაც კანვარის ქმრის მაალ სინგჰის ცხედარი სოფელში მიიტანეს, გოგონა სახლიდან გაიქცა და დაიმალა. მოგვიანებით იპოვეს და აიძულეს ცხედართან ერთად გაევლო სოფლის გზები, რაც რიტუალის ნაწილი იყო. ზოგიერთი თვითმხილველი იხსენებდა, რომ გოგონას პირიდან ქაფი გადმოსდიოდა. ეჭვობენ, რომ ნარკოტიკული საშუალება დაალევინეს.
როდესაც ცეცხლი აანთეს, ყვირილითა და ტირილით, ნაპირზე დაბრუნდა, მაგრამ ის ისევ გვამთან დააბრუნეს.
როდესაც ჟურნალისტი კანვარის ოჯახის წევრებს შეხვდა, ისინი გაბრაზებულები იყვნენ, მაგრამ მათ მოგვიანებით შეცვალეს თავიანთი პოზიცია.
ადგილობრივი უფლებადამცველი ქალბატონი სეშუ ამბობს, რომ ინციდენტის შემდეგ სოფელში ვიზიტისას ყველა ერთ აზრზე იყო და მომხდარს ამართლებდნენ. ყველაზე ტრაგიკული, კი ის იყო რომ კანვარის სიკვდილი გამოიყენა რაჯპუტის საზოგადოებამ, პოლიტიკური სარგებლისა და ფულის საშოვნელად.
„მომხრეებს სურდათ ამ ადგილას ტაძრის აშენება, მაგრამ ახალი კანონი, რომელიც კრძალავდა სატის განდიდებას, ასევე კრძალავდა ტაძრების მშენებლობას ან თანხის შეგროვებას ვიზიტორებისგან. ახლა გამამართლებელმა განაჩენმა შეიძლება ხელი შეუწყოს რელიგიური ტურიზმის აღორძინებას“.
დეორალაში, იმ ადგილს, სადაც კანვარი გარდაიცვალა, წლების მანძილზე ვიზიტორები არ აკლია. ერთი წლის წინ გადაღებულ ფოტოზე ნაჩვენებია ოჯახი, რომელიც ანთებს ნათურას კანვარისა და მისი მეუღლის ჩარჩოში ჩასმული სურათის წინ, რომელიც მოთავსებულია აგურის პატარა სტრუქტურის ქვეშ, რომელიც დაფარულია წითელი და ოქროსფერი შარფით.