"ქართული ღვინის ფესტივალზე" Hotsale.ge-მა გამარჯვებულ სტუმრებს სასტუმროს ვაუჩერები გადასცა
„ქართული ღვინის ფესტივალი 2024“ წარმატებით დასრულდა. წელს ფესტივალის პარტნიორმა კომპანიამ Hotsale.ge-მა ღონისძიების სტუმრებისთვის განსაკუთრებული საჩუქრები დააწესა და პრემიუმ კლასის სასტუმროების ვაუჩერები გადასცა.
შემთხვევითობის პრინციპით გათამაშდა ისეთი სასტუმროების მოსაწვევები, როგორიცაა: სავანეთი • SAVANETI, მტევინო • MTEVINO და წყალტუბო პლაზა • TSKALTUBO PLAZA.
სასტუმროების შესახებ:
სავანეთი მდებარეობს თელავთან ახლოს, ისტორიულ სოფელ იყალთოში, თბილისიდან 97 კმ-ში. სასტუმრო „სავანეთი“ აკმაყოფილებს თანამედროვე და საერთაშორისო სტანდარტებს და უზრუნველყოფს სტუმრის მაქსიმალურ კომფორტს. სასტუმროს ნომრებიდან იშლება ულამაზესი ხედი ალაზნის ველსა და კავკასიონის მთავარ ქედზე. სასტუმროში განთავსებულია გარე აუზი, რესტორანი, ლაუნჯი, 5 სრულად აღჭურვილი საკონფერენციო დარბაზი, საბილიარდო, მარანი და ენოთეკა; სავანეთის რესტორანი სტუმრებს ნატურალური, ადგილობრივი წარმოების, სეზონური პროდუქტებით დამზადებულ კახურ ტრადიციულ და ევროპულ კერძებს სთავაზობს.
მეღვინეობა „მტევინო“ მდებარეობს საგარეჯოს რაიონ, სოფელ ხაშმში, თბილისიდან 40 წუთის სავალ გზაზე. თუ გსურთ თქვენთვის მნიშვნელოვანი თარიღის აღნიშვნა ან უბრალოდ მეგობრების ვიწრო წრეში სასიამოვნო დროის გატარება, „მტევინოში“ დაგხვდებათ სასიამოვნო გარემო, უგემრიელესი კერძები და ღვინის დიდი არჩევანი. სასტუმროს ტერიტორიაზეა მარანი. თანამედროვე, ევროპული სტანდარტებით აღჭურვილ ქარხანაში კი 10 დასახელების ღვინო იწარმოება. მტევინო სტუმრებს სთავაზობს: ღვინის მარნის ტურს, კულინარიულ მასტერკლასებს, ღვინის ვერანდას / სადღესასწაულო სივრცეს, ღია კაფეს, ღვინის მაღაზიასა და ბიზნეს შეხვედრების ოთახს. განტვირთვისა და დასვენებისთვის კი სასტუმროს ტერიტორიაზე დაგხვდებათ: ბილიარდი, მაგიდის ჩოგბურთი და სამაგიდო თამაშები. მომავალ ზაფხულს „მტევინო“ ახალი სივრცეები დაგხვდებათ. თქვენ შეძლებთ უკვე აუზით, საუნით და პადელის კორტებით სარგებლობას
წყალტუბო პლაზა • TSKALTUBO PLAZA
სასტუმრო მდებარეობს ქალაქ წყალტუბოს ცენტრში, მთავარ მოედანზე და გთავაზობთ თანამედროვე, კომფორტულ გარემოს სანიმუშო სერვისით. სასტუმრო „წყალტუბო პლაზა“ გთავაზობთ ხუთი სხვადასხვა ტიპის 75 ნომერს, 2 საკონფერენციო დარბაზს და აუზს. ჯამში შესაძლებელია 150 სტუმრის განთავსება. სასტუმროს პრიორიტეტია მაღალი ხარისხის მომსახურება, რომელიც მაქსიმალურად შეესაბამება სტუმრის მოთხოვნებს. # 2 სახელმწიფო აბაზანაში, "წყალტუბო პლაზას"-ს სტუმრებს აქვთ -15% იანი ფასდაკლება გამაჯანსაღებელ პროცედურებზე
შეგახსენებთ, რომ „ქართული ღვინის ფესტივალი“ ყოველ შემოდგომაზე ტარდება, ქართული ღვინის კულტურის პოპულარიზაციას და მის საერთაშორისო აღიარებას ემსახურება.
R