მნიშვნელოვანი ინფორმაცია
8
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ეს არ არის "გამარჯვების გეგმა", ეს არის უკრაინის "უბედურების გეგმა" - ზელენსკის სძულს უკრაინელები“ - მარია ზახაროვა
10:53 / 17-10-2024
მარია ზახაროვა - ვოლოდიმირ ზელენსკი “გამარჯვების გეგმით“ ნატო-ს რუსეთთან პირდაპირ კონფლიქტისკენ უბიძგებს - ეს არის არა გამარჯვების, არამედ უკრაინისა და უკრაინელების უბედურების გეგმა
“ვოლოდიმირ ზელენსკი თავისი “გამარჯვების გეგმით“ ნატო-ს რუსეთთან პირდაპირი კონფლიქტისკენ უბიძგებს და დაჟინებით მოითხოვს რუსეთის ტერიტორიაზე დარტყმის ნებართვის მიღებას“, - ამის შესახებ რუსეთის საგარეო საქმეთა სამინისტროს პრესსპიკერმა, მარია ზახაროვამ განაცხადა.
”ეს, რა თქმა უნდა, არ არის გეგმა, ეს არის არათანმიმდევრული ლოზუნგების ნაკრები, ეს არის სისხლიანი დორბლი ნეონაცისტური მკვლელის ტუჩებზე,” - აღნიშნა ზახაროვამ.
მისი თქმით, გეგმის ერთ-ერთი პუნქტი არის მორიგი ისტერიკა უკრაინის ნატო-ში მიწვევასთან დაკავშირებით, რაც, ზელენსკის თვალთახედვით, გამბედაობის მტკიცებულება უნდა იყოს და აჩვენოს, თუ როგორ ხედავენ პარტნიორები უკრაინას “უსაფრთხოების არქიტექტურაში“.
“მე შემიძლია ვუთხრა ზელენსკის, თუ მან არ იცის. კიევის რეჟიმის პარტნიორებმა უკვე აჩვენეს, თუ როგორ ხედავენ უკრაინას უსაფრთხოების არქიტექტურაში: ისინი ხედავენ უკრაინას კუბოში და უკრაინის მოქალაქეებს ასევე საფლავში“, - აღნიშნა ზახაროვამ.
მისი თქმით, გამარჯვების გეგმის შემდეგ პუნქტში საუბარია წერტილოვან ოპერაციებზე გარკვეულ ადგილებში.
“როგორ სურს მას ამის მიღწევა? ზოგადად, სასაცილოა ამის თქმა: მის პარტნიორებთან ერთად რუსეთის ავიაციისთვის ზიანის მიყენებით. ანუ ის უბიძგებს ნატო-ს ჩვენს ქვეყანასთან პირდაპირ კონფლიქტისკენ და კვლავ დაჟინებით მოითხოვს რუსეთის ტერიტორიაზე შორ მანძილზე მოქმედი იარაღის გამოყენების ნებართვას“, - აღნიშნა ზახაროვამ.
მისი თქმით, ის, რაც ვოლოდიმირ ზელენსკიმ წარადგინა არის არა უკრაინის გამარჯვების, არამედ უბედურების გეგმა
"ეს არ არის ზელენსკის "გამარჯვების გეგმა", ეს არის უკრაინის და უკრაინელი ხალხის "უბედურების გეგმა", ვფიქრობ, ზელენსკიმ საბოლოოდ დაუმტკიცა ყველას, რომ სძულს უკრაინელები იმდენად, რომ შესაძლებელია ამას უკრაინოფობია ეწოდოს“, - აღნიშნა ზახაროვამ.
შეგახსენებთ, გუშინ უკრაინის პრეზიდენტმა, ვოლოდიმირ ზელენსკიმ უმაღლეს რადას გამარჯვების გეგმა წარუდგინა. დღეს კი ის ამ გეგმას ევროპულ საბჭოზე ევროკავშირის ლიდერებს გააცნობს.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
