მნიშვნელოვანი ინფორმაცია
7
მაისიდღის ზოგადი ასტროლოგიური პროგნოზი
ოთხშაბათი, მთვარის მეთერთმეტე დღე დაიწყება 15:27-ზე, მთვარე ქალწულშია
დაასრულეთ ძველი საქმეები, ახლების დაწყებას ნუ იჩქარებთ. გადაწყვეტილებების მიღებისას მეტი დაფიქრება გმართებთ. მოერიდეთ ფინანსური საკითხების მოგვარებას. ცუდი დღეა ვაჭრობისათვის. საქმეებისა და ურთიერთობის გარჩევა სხვა დღისთვის გადადეთ. კარგი დღეა შემოქმედებითი საქმიანობისთვის. შეძლებისდაგვარად მოერიდეთ მჭრელი და მჩხვლეტავი ნივთების გამოყენებას. პური შეგიძლიათ დატეხოთ. კარგი დღეა ხანგრძლივი მოგზაურობის დასაწყებად. საცხოვრებელი ადგილის, სამსახურის, საქმიანობის შესაცვლელად. კარგი დღეა ნიშნობისა და ქორწინებისათვის. კუჭის გადატვირთვას არ გირჩევთ. მოერიდეთ რთულად გადასამუშავებელი საკვების მიღებას. კარგია სეირნობა, ბაღსა და ბოსტანში მუშაობა; ვარჯიში; ორგანიზმის გაწმენდა და ფიტოთერაპია.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“დედას არ სურს ჩემთან ურთიერთობა... მამა იყო ცოლიანი, ჰყავდა ორი შვილი, დედა არ იყო გათხოვილი“ - რას ჰყვება თამუნა მუსერიძე ბიოლოგიური დედის შესახებ (ვიდეო)
09:48 / 17-10-2024
ჟურნალისტმა თამუნა მუსერიძე ბიოლოგიურ დედასთან შეხვედრის დეტალებზე ისაუბრა. მუსერიძე ვიდეომიმართვაში ამბობს, რომ ბიოლოგიურმა მამამ შვილის არსებობის შესახებ არ იცოდა, ხოლო ბიოლოგიურ დედას მასთან ურთიერთობის სურვილი არ აქვს.
- "p.s. რადგან ბევრი კითხვა გაჩნდა, პოსტს ჩავასწორებ და რომელიმე საიტი თუ გააზიარებთ, გთხოვთ სათაურიანად გააზიარეთ. მამამ არათუ ჩემი არსებობა, არამედ ორსულობაც კი არ იცოდა" ,- ასათაურებს მუსერიძე ვიდეოს, სადაც ბიოლოგიურ დედასთან შეხვედრის დეტალებს ჰყვება.
“ისტორია არის ასეთი - მე არ ვარ მოპარული ბავშვი. ჩემი ცხოვრებისა და ისტორიის გადასარჩენად, ვერ ვიტყვი იმას, რომ მე მომიპარეს სამშობიაროდან. მე რომ ვთქვა, რომ ვარ მოპარული ბავშვი, სიმართლე გასკდება და მერე იმ დედებს არ დაუჯერებენ, ვისაც ბავშვები მართლა მოჰპარეს. ამდენ ადამიანს საკუთარი ისტორიისთვის, ნამუსის მოსაწმენდად ვერ გავწირავ.
გამაშვილეს, მამა იყო ცოლიანი, რომელსაც ჰყავდა ორი შვილი, დედა არ იყო გათხოვილი, იყო 21 წლის და ნუ მოხდა... მესმის მაშინდელი მდგომარეობა, ოჯახის განცდები, იმიტომ რომ 80-იან წლებში, საქართველოში ბავშვის უმამოდ გაჩენა იყო ოჯახისთვის ტრაგედიის ტოლფასი. ყველამ იცის ეს და ამიტომაც ამის მიმღებლობა მაქვს აბსოლუტურად.
დედასთან შეხვედრის ვიდეო ვერ დავდე, იმიტომ რომ არ სურს გამოჩენა. მას აქვს სიმსივნე, მძიმე ფორმებში. დედას არ სურს ჩემთან ურთიერთობა, რას ვიზამთ, ყველას არ შეიძლება უნდოდე და მოსწონდე. ნუ, არიან ადამიანები, ვისაც არ უნდიხარ და არ მოსწონხარ... არ უნდა გამოჩენა და არც ჩემთან კონტაქტი.
ღმერთია მოწმე და ყველა ის ადამიანი, ვინც თავიდანვე სიმართლე იცოდა, რომ მაქსიმალურად ვეცადე კბილებით მომეტანა აქამდე ეს ამბავი. მაქსიმალურად ვეცადე, რომ არ გამემჟღავნებინა, მაგრამ ფაქტი არის ეს!
ძალიან გთხოვთ, არ დაწეროთ უარყოფითი კომენტარები არავის მიმართ, ჯანმრთელობის მდგომარეობის გამო. ზეგიდან დავიწყებ ასმაგად იმ ადამიანების დახმარებას, ვინც ეძებს საკუთარ შვილს.
სამჯერ ვესაუბრე სულ ჩემს ბიოლოგიურ მშობელს და უკვე მესამედ, გათენებამდე პეტრესავით თქვა ჩემზე უარი," - ამბობს თამუნა მუსერიძე გამოქვეყნებულ ვიდეოში.
- ჟურნალისტმა ბიოლოგიური მშობლები რვაწლიანი ძებნის შემდეგ იპოვა. მისი ბიოლოგიური მამა ცნობილი მეგრელი ქორეოგრაფი გურგენ ხორავაა.
გურგენ ხორავა ცნობილი ქართველი მსახიობი, მოცეკვავე და ქორეოგრაფია, ის ცეკვავდა „სუხიშვილებში", არის ზუგდიდის მუნიციპალიტეტის ხელოვნებისა და კულტურის განვითარების ცენტრის სახალხო ქორეოგრაფიულ ანსამბლ "ფენიქსის" სამხატვრო ხელმძღვანელი და ქორეოგრაფი.
ჟურნალისტმა 31 წლის ასაკში გაიგო, იმის შესახებ, რომ ის “აყვანილი“ იყო. მას შემდეგ ბიოლოგიური მშობლების ძიება არ შეუწყვეტია.
თამუნა მუსერიძე ბი-ბი-სის 2023 წლის ასი ყველაზე გავლენიანი ქალის სიაში მოხვდა. აღსანიშნავია, რომ ის პირველი ქართველი ქალია, რომელიც ამ სიაში აღმოჩნდა
მან 2017 წელს დააფუძნა "ფეისბუკ"-ჯგუფი "ვეძებ" და ათეულობით ადამიანს აპოვნინა დედა, მამა, დედმამიშვილები, ნათესავები... თავისი ბიოლოგიური მშობლების ძიების პროცესში მან აღმოაჩინა, რომ საქართველოში მე-20 საუკუნიდან არსებობდა ჩვილებით ვაჭრობის მავნე პრაქტიკა, რის გამოც, ბევრი ბავშვი გარდაცვლილად გამოაცხადეს და უკანონოდ გააშვილეს.
რამდენიმე თვის წინ კი პრეზიდენტმა ღირსების მედლით დააჯილდოვა.
იხილეთ ასევე:
- "ნანატრი შვილის პოვნას გილოცავთ გურგენი მასწავლებელო" - ვინ არის ცნობილი ზუგდიდელი ქორეოგრაფი, რომელიც მუსერიძის ბიოლოგიური მამა აღმოჩნდა: ემოციური შეხვედრის დეტალები
- "ხალხი რომ წერს, დედა გამოაჩინეო, ასჯერ დავწერე, რომ დედა არ არის საქართველოში და..." - ბიოლოგიური მშობლების პოვნის რა დეტალებს ამხელს თამუნა მუსერიძე?
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ახალი რომის პაპის ასარჩევად კონკლავი სიქსტეს კაპელაში დღეს შეიკრიბება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
