მნიშვნელოვანი ინფორმაცია
28
მარტიდღის ზოგადი ასტროლოგიური პროგნოზი
შაბათი, მთვარის ოცდამეათე დღე დაიწყება 07:05-ზე მთვარის პირველი დღე დადგება 14:57-ზე, მთვარე ვერძშია
შუადღემდე დაასრულეთ ძველი საქმეები. გათავისუფლდით უსარგებლო ნივთებისაგან. კარგია შემოქმედებითი საქმიანობა, სწავლა. აკონტროლეთ ემოციები. კარგი დღეა დასვენებისთვის. ბუნებაში, ქალაქგარეთ სასეირნოდ.
საღამოს დაგეგმეთ ახალი საქმეები, მაგრამ მათი დაწყებისგან თავი შეიკავეთ. მოერიდეთ ყველა მნიშვნელოვან საქმეს, გადაწყვეტილებას. კონფლიქტისგან თავი შეიკავეთ. მოერიდეთ ფიზიკურ გადაღლას, მოსალოდნელია ტრავმები. არ გადატვირთოთ კუჭი. მოერიდეთ ცხელ და ცხარე საკვებს. არ მიიღოთ ალკოჰოლი. თავის ტკივილი რომ აირიდოთ, არ გადაიღალოთ გონებრივი სამუშაოთი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ნინო სუხიშვილი - „საზოგადოება ივერიისას“ მიზნები ჩემს საქმიანობასთან სრულ თანხვედრაში მოდის, რადგან ორივე ეროვნულ საქმეს ვემსახურებით“
14:32 / 16-10-2024
1945 წელს ილიკო სუხიშვილმა და ნინო რამიშვილმა შექმნეს ოჯახური წამოწყება, რომელიც დღეს ქართული კულტურის ნაწილი და სახელმწიფო ანსამბლია. ანსამბლმა პირველი კონცერტი 1945 წლის 11 ივნისს გაიმართა, 1948 წელს კი - პირველად გასცდა საბჭოთა კავშირის საზღვრებს. 1970 წელს მას „აკადემიურის“ სტატუსი მიენიჭა. ქართველი მოცეკვავეები რეკორდს რეკორდზე ამყარებდნენ და გაუგონარ პრეცედენტებს ქმნიდნენ. სუხიშვილები პირველი და ამ დრომდე ერთადერთი ფოლკლორული ანსამბლია, რომელიც ლა-სკალაში წარდგა მაყურებლის წინაშე. 1967 წელს მილანის ამ პრესტიჟულ დარბაზში გამართული კონცერტი სხვა რამითაცაა გამორჩეული — სუხიშვილებმა ენრიკო კარუზოს რეკორდი მოხსნეს, რადგან კონცერტის შემდეგ სცენაზე ფარდა 14-ჯერ აიწია.
ილიკო სუხიშვილმა, რომელიც წარმოშობით ქართლიდან იყო, თაობიდან თაობამდე გადაცემული ცეკვები დაამუშავა და დიდ სცენაზე გაიტანა. ნინო რამიშვილი მანამდე კლასიკურ ბალეტს ცეკვავდა. ახალ ჩამოყალიბებულ ანსამბლში კი მათ სწორედ საკუთარი ცოდნა და გამოცდილება, ფოლკლორული ცეკვისა და ბალეტის ელემენტები გააერთიანეს.
„სუხიშვილები“ გახლავთ ანსამბლი, რომელიც მუდმივად სიახლეებზეა ორიენტირებული და სწორედ ეს გახლდა მისი წარმატების ერთ-ერთი საიდუმლო. თუმცა, ცეკვა მხოლოდ ილეთები არაა. სანახაობისთვის დიდი ყურადღება ექცევა კოსტიუმებს. ამ მიმართულებით სუხიშვილებზე თავდაპირველად სოლიკო ვირსალაძე ზრუნავდა, დღეს კი მოცეკვავეების ჩაცმულობა ნინო სუხიშვილს აბარია. ნინო თავდაპირველად სოლიკოს ასისტენტიც იყო. ნატურალური ქსოვილებითა და სხვადასხვა ტექნიკით — ქარგვით, ფერწერით, აპლიკაციით, მეტალითა და ძვირფასი ქვებით — გაფორმებული კოსტიუმები, რომლებიც მაყურებლის ყურადღებას უმალ იქცევენ.
ნინო სუხიშვილი 2007 წლიდან არის ანსამბლის დირექტორი და გენერალური პროდიუსერი. მისი თანამონაწილეობით განხორციელდა ყველასთვის კარგად ნაცნობი პროექტი "რამიშვილები", რომლის კოსტიუმების შექმნაშიც მან დიდი წვლილი შეიტანა. მისი ნამუშევრები გამოფენილია ევროპის არაერთ ქვეყანაში და კერძო კოლექციონერების კოლექციებსაც ამშვენებს. დღეს ის ძმასთან, ილიკო სუხიშვილთან ერთად წარმატებით აგრძელებს დასის ხელმძღვანელობას.
ნინო სუხიშვილი ანსამბლის პარალელურად, აქტიურად არის ჩართული ქვეყნისთვის მნიშვნელოვან საზოგადოებრივ საქმიანობაში. ის გახლავთ „საზოგადოება ივერიისას“ ქტიტორთა სათათბიროს წევრი. რა საქმიანობას ახორციელებს ნინო, როგორც „საზოგადოება ივერიისას“ წევრი, თავად მოგვიყვება.
რატომ გადაწყვიტეთ ყოფილიყავით „საზოგადოება ივერიისას“ ქტიტორთა სათათბიროს წევრი?
ჩემთვის ძალიან დიდი პატივი იყო, როდესაც “საზოგადოება ივერიისას” ქტიტორთა საბჭოს წევრობა შემომთავაზეს. სახელოვანი და პატივსაცემი თანამემამულეების გვერდით დგომა და მათთან ერთად საქველმოქმედო საქმიანობაში ჩართვა ჩემთვის ბევრს ნიშნავდა. „საზოგადოება ივერიისა“ დიდ ეროვნულ საქმეს აკეთებს. ჩვენი პირველი პროექტი გახლდათ მახათას მთაზე ივერიის ღვთისმშობლის ხატის სახელობის ტაძრის მშენებლობა, რომელშიც მთელი ერი გაერთიანდა. ეს იყო ნათელი მაგალითი იმისა, რომ „როცა ერთად ვართ, ყველაფერი გამოდის ღვთის წყალობით“.
რატომ არის მნიშვნელოვანი ქვეყნისთვის ის პროექტები, რომლებსაც „საზოგადოება ივერიისაა“ ახორციელებს?
„საზოგადოების ივერიისას“ ყველა პროექტი ქვეყნისთვის ძალიან მნიშვნელოვანია. ერთი მხრივ, ის ემსახურება კულტურული მემკვიდრეობის დაცვას, მეორე მხრივ კი, საზოგადოებამდე მიაქვს ინფორმაცია, თუ რამდენად მნიშვნელოვანია ეს ყველაფერი. მისი მიზანია, მოხდეს კეთილი საქმის გარშემო გაერთიანება, კულტურული მემკვიდრეობის შენახვა, ინტელექტუალური საკუთრების დაცვა, ჩვენი ერის სულიერ აღზრდაზე ზრუნვა. ამაში კი ჩართული არიან ის ადამიანები, რომლებიც საზოგადოების დიდი პატივისცემით სარგებლობენ.
როგორია თქვენი საქმიანობისა და „საზოგადოება ივერიისას“ მიზნების თანხვედრა?
„საზოგადოება ივერიისას“ მიზნები ჩემს საქმიანობასთან სრულ თანხვედრაში მოდის, რადგან ორივე ეროვნულ საქმეს ვემსახურებით. მე თავს პატრიოტ ადამიანად ვთვლი, ჩემი საქმე ქვეყნის და ერის სამსახურში დგომაა. ზუსტად ასევე ვაფასებ „საზოგადოება ივერიისას“ საქმიანობას.
„საზოგადოება ივერიისა“ ჩაერთო გელათის გადარჩენის საქმეში. რამდენად მნიშვნელოვანია ეს პროექტი?
გელათის სამონასტრო კომპლექსი საქართველოს ეროვნული განძი და მსოფლიო მემკვიდრეობის ძეგლია. მართალია, საქართველოში უამრავი სამონასტრო კომპლექსი არსებობს, მაგრამ თავისი მნიშვნელობით გელათს ცოტა თუ შეედრება. მისი მრავალფუნქციური დატვირთვიდან გამომდინარე, გამორჩეულ სასულიერო კერად იქცა.
აქ არის დაცული ქართული მონუმენტური მხატვრობის უამრავი შესანიშნავი ნიმუში, XII საუკუნის მოზაიკა კი - მსოფლიო მნიშვნელობის შედევრია. როდესაც საქმე ისეთი მნიშვნელობის ძეგლების კონსერვაცია-რესტავრაციას ეხება, საჭიროა მცოდნე ადამიანების - კომპეტენტური ჯგუფების, როგორც ქართველი, ასევე საერთაშორისო ექსპერტების ჩართულობა.
"საზოგადოება ივერიისას" პროექტებისთვის შემოწირულების გაღება შესაძლებელია სხვადასხვა ბანკის ანგარიშზე ნებისმიერი ოდენობის თანხის გადარიცხვით ან მითითებულ ნომერზე 0901777777 დარეკვით. ზარის ღირებულება 1 ლარია.
გიზიარებთ ანგარიშის ნომრებს:
- სს „ლიბერთი ბანკი": LBRTGE22 ანგარიშის ნომერი: GE35LB0775555555555555
- სს „საქართველოს ბანკი“: BAGAGE22 ანგარიშის ნომერი: GE35BG0000000555555555
- სს „თი ბი სი ბანკი“: TBCBGE22 ანგარიშის ნომერი: GE96TB7005555555555555
R
მკითხველის კომენტარები /
2 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
16 ხიდი და 3 კვანძი, ვნახოთ სად გაივლის და რა დაჯდება თბილისის შემოვლითი გზის 11 კმ-იანი მონაკვეთი
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ქართლის დედამ - მარიკა ლორთქიფანიძემ ბრძანა, რომ მახათამ უნდა აღადგინოს გელათის, გრემის, იყალთოს აკადემიების საქმიანობა, ხოლო ნინო სუხიშვილი დღევანდელ საქართველოში ერთერთი გამორჩეული მანდილოსანია