მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ინდოეთის ტიტანიკი" და დავიწყებული ტრაგედია - როგორ ჩაიძირა გემი მილიონობით განძითა და ასობით ადამიანით: ჩაძირვის ადგილას 60 ტონა ვერცხლის ზოდები იპოვეს
14:13 / 16-10-2024
"ინდოეთის ტიტანიკი" - ასე უწოდებენ საკრუიზო ლაინერს, რომელიც ძვირფას ტვირთთან ერთად 1942 წლის 20 ნოემბერს იაპონურმა წყალქვეშა ნავმა ჩაძირა.
ძვირფასი ტვირთი ჩაძირვიდან 75 წლის შემდეგ ამოიღეს.
გემზე, რომელიც ინდოეთიდან სამხრეთ აფრიკაში გაემგზავრა, 958 ადამიანი იმყოფებოდა, მათ შორის იყო 732 მგზავრი. ორთქლის გემი სავსე იყო 6,000 ტონა ტვირთით, რომელიც 60 ტონა ვერცხლის ზოდებსაც მოიცავდა.
გემს მხოლოდ ცხრა სამაშველო ნავი ჰქონდა და როდესაც მას იაპონიის საიმპერატორო საზღვაო ძალების წყალქვეშა ნავმა ორი ტორპედო ესროლა 23 ნოემბრის ადრეულ საათებში, SS Tilawa ინდოეთის ოკეანის ფსკერზე, სეიშელის კუნძულებიდან 930 მილის დაშორებით, ჩრდილო-აღმოსავლეთით, თავის ტვირთთან ერთად ჩაიძირა.
- ტრაგედიამ 280 ადამიანის სიცოცხლე შეიწირა,
"ინდოეთის ტიტანიკის" ჩაძირულ განძს ყურადღება 2014 წელს მიექცა. იმ წელს ბრიტანულმა კომპანიამ სახელად Argentum Exploration Ltd.-მ ნამსხვრევების მოსაძებნად და ტერიტორიის შესასწავლად საძიებო მისია წამოიწყო.
გემი დაახლოებით 4,500 მეტრის სიღრმეზე აღმოაჩინეს.
სამი წლის შემდეგ, Argentum-მა წარმატებით ამოიღო 2,391-დან 2,364 ერთეულამდე ვერცხლის ზოდი.
- ძვირფასი ტვირთი გემის ოპიუმის ოთახში აღმოაჩინეს.
შემდეგ ის გაერთიანებულ სამეფოში გადაიტანეს, სადაც Argentum-მა საზღვაო სამართლის თანახმად თავის საკუთრებად გამოაცხადა და სამხრეთ აფრიკისგან ამოღებისთვის თანხის გადახდა მოითხოვა.
თუმცა, სამხრეთ აფრიკამ ეს მოთხოვნები უარყო და საკითხი უზენაეს სასამართლომდე მივიდა, რომელმაც მაისში დაადგინა, რომ $43 მილიონის ღირებულების ვერცხლი სამხრეთ აფრიკას ეკუთვნოდა.
გადარჩენილთა მოგონებები
კატასტროფას გადარჩენილი ადამიანები ტრაგედიის დღეს იხსენებენ. BBC-ისთან საუბარში ალვინდ ჯანიმ, რომელიც შემთხვევის დღეს სამი წლის იყო, დეტალურად აღწერა დედამისის გმირული ძალისხმევა, რომ ის დახრჩობისგან გადაერჩინა.
- "წამიყვანა და ზურგზე შალით მიმიმაგრა, რათა ხელები თავისუფალი ჰქონოდა და შემდეგ ნელ-ნელა თოკით ჩავიდა სამაშველო ნავში, ისინი დაახლოებით 15-20 ადამიანს უშვებდნენ. ნავში რამდენიმე ორცხობილა და წყალი იყო", - ჰყვება ჯანი.
კიდევ ერთი გადარჩენილი, ტეჯ პრაკაში, რომელიც მაშინ ცხრა წლის იყო, იხსენებს, როგორ ივსებოდა გემი წყლით.
"გავიგონე, როგორ მეძახდა მამაჩემი და შემდეგ ვიგრძენი, რომ წყალი ყველგან იყო. მან თქვა “მომეცი ხელი”, ამიყვანა და სამაშველო ნავში წამიყვანა", - იხსენებს ქალი.
ნაცვლად იმისა, რომ უსაფრთხოდ დარჩენილიყო თავის ქალიშვილთან ერთად, თავისი ძმების მოსაძებნად უკან დაბრუნდა. სწორედ მაშინ გემს კვლავ დაარტყა იაპონურმა წყალქვეშა ნავმა.
- "დავინახე, რომ ხალხი ყვიროდა. ტიროდა, გემისკენ ავიხედე, მამაჩემს ველოდებოდი. სავსე მთვარე იყო, როდესაც დიდი აფეთქების მსგავსი ხმა გავიგეთ, შავი კვამლი დავინახე და გემი ჩაიძირა."
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
