"საიდუმლო კარი" ანტარქტიდაზე: რა ეგონათ და რა აღმოჩნდა სინამდვილეში? - მეცნიერების ახსნა

ანტარქტიდის ირგვლივ არსებული საიდუმლოებები ყოველთვის ინტერესის საგანს წარმოადგენდა. გაყინული კონტინენტის აღმოჩენის დღიდან იქ არსებულმა პირობებმა მეცნიერთა ყურადღება მიიქცია.

• მას მრავალი შეთქმულების თეორია უკავშირდება, მათ შორისაა, თეორია ანტარქტიდაზე "უცხოპლანეტელების ბაზების და ძველი ცივილიზაციების შესახებ".

ცოტა ხნის წინ, Google Maps-ის საშუალებით ანტარქტიდაში "საიდუმლო კარი" შენიშნეს, რომელიც აძლიერებს შეთქმულების თეორიებს. შეთქმულების თეორიების მოყვარულები თვლიან, რომ ეს "დედამიწის ცენტრის შესასვლელია" - ბევრი შეთქმულების თეორეტიკოსი თვლის, რომ დედამიწის ცენტრისკენ მიმავალი გზა, სწორედ ანტარქტიდაშია. ამის მტკიცებულება დიდი ხნის წინ დაკარგული დღიურია, რომელიც გარდაცვლილ საზღვაო ოფიცერს, ადმირალ რიჩარდ ბირდს ეკუთვნოდა.

დღიურში დეტალურადაა აღწერილი ბირდის სავარაუდო შეტაკება მოწინავე ცივილიზაციასთან კონტინენტის ქვეშ (კერძოდ, სამხრეთ პოლუსის ქვეშ). ამ დღიურის მიხედვით, ბირდს მომხდარი მოვლენების შესახებ საუბარი აუკრძალეს.

უნდა აღინიშნოს, რომ ეს იდუმალი "კარი" იაპონური შოუას სადგურის სამხრეთ-აღმოსავლეთით შენიშნეს.

პროფესორმა ბეთან დევისმა, ნიუკასლის უნივერსიტეტის გლაციოლოგიის პროფესორმა, ამ ფოტოს ყველაზე რეალური ახსნა მოუძებნა:

• "ეს ადგილი არის სწრაფი ზღვის ყინულის არეალში, აღმოსავლეთ ანტარქტიდაში, სანაპიროსთან ახლოს. იქ წყალი საკმაოდ ზედაპირულია. რაც შეეხება იდუმალ "კარს" - ის აისბერგია, რომელიც ერთ ადგილასაა გაჭედილი და დნება. მსგავსი აისბერგების პოვნა ამ ადგილას არ გაგიჭირდებათ".

წყარო