"აკრძალულ ხიდზე" გადაღების დროს 29 წლის მამაკაცი დაიღუპა - "იქ ასვლა არავითარ შემთხვევაში არ შეიძლებოდა": რა მოხდა ესპანეთში
26 წლის ბრიტანელი მამაკაცი ესპანეთში, ხიდიდან ჩამოვარდნის შემდეგ გარდაიცვალა. ადგილობრივი ხელისუფლების ცნობით, უბედური შემთხვევა მაშინ მოხდა, როდესაც ის სოციალური მედიისთვის კონტენტის შექმნას ცდილობდა.
მერის ოფისმა კვირას გავრცელებულ განცხადებაში განაცხადა, რომ მამაკაცი, რომლის ვინაობასაც პოლიცია არ ამხელს, ცენტრალურ ტალავერა დე ლა რეინაში, კასტილია-ლა მანჩას ხიდზე ასვლისას ჩამოვარდა.
მაკარენა მუნიოზმა, სამოქალაქო უსაფრთხოების კანცლერმა აღნიშნა, რომ მამაკაცს თან 24 წლის ბრიტანელი მოქალაქეც ახლდა და წყვილი იქ სოციალური მედიისთვის "კონტენტის შესაქმნელად" იმყოფებოდა.
მუნიოზმა დაამატა: "შევძელით გაგვერკვია, რომ ისინი ტალავერაში ხიდზე ასასვლელად ემზადებოდნენ, რათა სოციალური ქსელებისთვის ვიდეო გადაეღოთ, რამაც ეს სამწუხარო შედეგი გამოიწვია."
- მისივე თქმით, ხიდზე ასვლა "აკრძალულია" და "არავითარ შემთხვევაში არ შეიძლება", რაც სამოქალაქო უსაფრთხოების საბჭოს "მრავალჯერ აქვს გამეორებული".
გაერთიანებული სამეფოს საგარეო საქმეთა სამინისტროს წარმომადგენელმა განაცხადა: "ჩვენ სამძიმარს ვუცხადებთ ესპანეთში გარდაცვლილი ბრიტანელი მამაკაცის ოჯახს და კონტაქტში ვართ ადგილობრივ ხელისუფლებასთან."
კასტილია-ლა მანჩა ტახოს მდინარეზე დგას, ის 2011 წელს გაიხსნა.
192 მეტრი სიმაღლის სტრუქტურა შედგება მთავარი ბეტონის პილონისგან, რომლის ცენტრიდანაც სამკუთხედის ფორმით მრავალი მავთული გამოდის.