"საჯარიმოში არასწორ გადაწყვეტილებებს ვიღებდით" - რა თქვა ვილი სანიოლმა ალბანეთთან მარცხის შემდეგ და რატომ ათამაშა ნაკრები განსხვავებული ტაქტიკით
საქართველოს ეროვნული ნაკრების მთავარმა მწვრთნელმა, ვილი სანიოლმა ალბანეთთან მატჩის შემდეგ მარცხის მიზეზებზე ისაუბრა.
"ზოგჯერ, მარცხის შემდეგ, ყველაფრის უარყოფითად დანახვა გვსურს. ჩვენ ბურთსაც ვაკონტროლებდით და მეტი საგოლე შესაძლებლობა გვქონდა. მარცხის მიზეზი ალბათ ისაა, რომ საჯარიმოში არასწორ გადაწყვეტილებებს ვიღებდით.
დღეს ძალიან შემტევი შემადგენლობა დავაყენეთ, რადგან ვიცოდით, ალბანეთი დაცვიდან ითამაშებდა. ფეხბურთელებს ახალი ტაქტიკას ცუდად არ მიუღიათ. მაგრამ შანსები ვერ გამოვიყენეთ, ამის გარეშე კი შედეგის მიღწევა შეუძლებელია. იმედია, აქედან ბევრს ვისწავლით, თუმცა ეს ძალიან გულდასაწყვეტი მარცხი იყო", - აღნიშნა ჩვენი გუნდის მთავარმა მწვრთნელმა.
- სანიოლმა ასევე აღნიშნა, რომ დღევანდელ ნაკრებს არ ჰყავს გიორგი ქოჩორაშვილის პოზიციაზე სხვა მსგავსი სტილის ფეხბურთელი და ამიტომ იძულებულია განსხვავებულ ტაქტიკას მიმართოს.
"ვფიქრობ, მოედანზე საუკეთესო შემადგენლობა დავაყენე. ქოჩორაშვილის პოზიციაზე ჩვენ სხვა მსგავსი სტილის ფეხბურთელი არ გვყავს და ამას უნდა შევეგუოთ, ამის გამო განსხვავებულ ტაქტიკასა და ფეხბურთელებს გამოვიყენებთ.
რაც შეეხება მიქაუტაძეს, მასზე ბევრს ვერაფერს ვიტყვი. მხარი უნდა დავუჭიროთ, მაგრამ ემჩნეოდა, რომ უთამაშებელია. იმედია, ვითარება შეიცვლება", - აღნიშნა მთავარმა მწვრთნელმა.
- ცნობისთვის, "ერთა ლიგის" ფარგლებში საქართველო თბილისში, მიხეილ მესხის სახელობის სტადიონზე ალბანეთს დაუპირისპირდა და ანგარიშით 0-1 დამარცხდა.
ნახეთ ასევე:
საქართველოს ნაკრები ალბანეთთან დამარცხდა - სტუმრებმა მატჩი მინიმალური სხვაობით მოიგეს
როგორი შეფასებები მიიღეს საქართველოს ნაკრების ფეხბურთელებმა ალბანეთთან მატჩში?