ძიუდოს ნაკრების მთავარი მწვრთნელი დაქორწინდა - ვინ არის ლაშა გუჯეჯიანის რჩეული: კადრები ქორწილიდან, რომელსაც გამორჩეული სტუმრები ესწრებოდნენ

საქართველოს ძიუდოს ნაკრების მთავარი მწვრთნელი ლაშა გუჯეჯიანი დაქორწინდა. მისი რჩეული გვანცა ჩიხლაძეა.

საქორწინო ცერემონიალი 12 ოქტომბერს გაიმართა. წყვილის გაბედნიერება იზეიმეს საქართველოს ძიუდოს ნაკრების წევრებმა და სხვა ცნობილმა სპორტსმენებმა.

“ვულოცავ ლაშას გაბედნიერებას, ერთ უღელში ულამაზეს მეუღლესთან შებმას და ვუსურვებ ყველაფერს იმ საუკეთესოს, სადაც მხოლოდ უფლის ნება კურთხევა იქნება და ახალგაზრდა ულამაზეს ოჯახს, საკეთილდღეოდ გამოადგება,“ - წერს SHIDO, რომელიც ქორწილიდან ფოტოებს და ვიდეოს გვიზიარებს.

ჯვრისწერას და ქორწილს სხვა სტუმრებთან ერთად ესწრებოდნენ ძიუდოს ლეგენდა - ტატო გრიგალაშვილი მეუღლესთან, თაკო გოგოლაძესთან ერთად. საქართველოს ძიუდოს ფედერაციის ვიცე-პრეზიდენტი, გიორგი ათაბეგაშვილი, მეუღლესთან ერთად, ასევე ძიუდოისტი ილია სულამანიძე და მისი რჩეული თაკო მეგრელიძე.

იხილეთ ასევე:

• ძიუდოისტი წყვილი, რომელთა ხელის თხოვნის ვიდეო ვირუსულად გავრცელდა, დაქორწინდა - ეთერ ლიპარტელიანისა და თემურ ნოზაძის ფოტოები