მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“ჰეზბოლას" თავდასხმა ისრაელის სამხედრო ბაზაზე მსხვერპლით დასრულდა, აშშ კი ისრაელში ანტისარაკეტო სისტემას და ჯარისკაცებს გაგზავნის - უახლესი დეტალები
11:08 / 14-10-2024
ისრაელის თავდაცვის ძალების ცნობით, ჩრდილოეთ ისრაელში, სამხედრო ბაზაზე განხორციელებული დრონებით თავდასხმის შედეგად ოთხი ჯარისკაცი დაიღუპა და 60-ზე მეტი ადამიანი დაშავდა.
Magen David Adom-ის (MDA) სამედიცინო სამსახური მსხვერპლის შესახებ დეტალებს აკონკრეტებს. მათი თქმით, თავდასხმის შედეგად 61 ადამიანი დაშავდა, ხოლო 37 სასწრაფო სამედიცინო დახმარების და ვერტმფრენების საშუალებით, სხვადასხვა საავადმყოფოებში გადაიყვანეს.
ხოლო ქალაქ ბინიამინას მიმდებარედ განხორციელებული თავდასხმის შედეგად, მძიმედ დაშავდა შვიდი ჯარისკაცი.
მომხდარზე პასუხისმგებლობა “ჰეზბოლამ“ აიღო და განაცხადა, რომ ეს იყო პასუხი ისრაელის მიერ ხუთშაბათს სამხრეთ ლიბანსა და ბეირუთში განხორციელებულ თავდასხმებზე.
დაჯგუფების ცნობით, ისრაელის თავდაცვის ძალების გოლანის ბრიგადის სასწავლო ბანაკზე იერიში “დრონების ნაკადის“ გამოყენებით მიიტანეს. მათივე თქმით, ეს არის პასუხი ხუთშაბათს სამხრეთ ლიბანსა და ბეირუთში ისრაელის თავდასხმების სანაცვლოდ.
“მტერს ვპირდებით, რომ ის, რაც დღეს ჰაიფას სამხრეთით მოხდა, არაფერია იმასთან შედარებით, რაც მოხდება, თუ ისრაელი გადაწყვეტს გააგრძელოს აგრესია ჩვენი მშვიდობიანი ხალხის წინააღმდეგ“, - ნათქვამია წერილში.
“ჰამასი“ კი ისრაელს 22 ადამიანის, მათ შორის 15 ბავშვის მკვლელობაში ადანაშაულებს. მათი თქმით, ღაზას სკოლაზე თავდასხმას, რომელსაც თავშესაფრად იყენებდნენ, დიდი მსხვერპლი მოჰყვა.
“ჰამასის“ მიერ მართული სამოქალაქო თავდაცვის სააგენტო ამბობს, რომ კვირას ნუსეირათის ბანაკზე თავდასხმის შედეგად კიდევ 80 ადამიანი დაშავდა.
აშშ ისრაელში ანტისარაკეტო სისტემას და ჯარისკაცებს გაგზავნის
შეერთებულმა შტატებმა განაცხადა, რომ ისრაელში თანამედროვე ანტისარაკეტო სისტემა THAAD-ს და ამერიკელ ჯარისკაცებს გააგზავნის. აშშ-ის პრეზიდენტის, ჯო ბაიდენის განმარტებით, აღნიშნული ნაბიჯის მიზანი ისრაელის დაცვაა.
ამასთან, პენტაგონის პრესსპიკერმა, გენერალ-მაიორმა პატრიკ რაიდერმა განაცხადა, რომ ეს განლაგება არის უფრო ფართო კორექტირების ნაწილი, რომელიც აშშ-ის სამხედროებმა განახორციელეს ბოლო თვეებში ისრაელის მხარდასაჭერად და ამერიკელი პერსონალის დასაცავად ირანის და ირანის მიერ მხარდაჭერილი ჯგუფების თავდასხმებისგან.
Reuters-ი წერს, რომ ისრაელის საკუთარი სამხედრო შესაძლებლობების გათვალისწინებით, აშშ-ის სამხედრო განლაგება ისრაელში, წვრთნების მიღმა, იშვიათია. შეერთებული შტატების ჯარები ბოლო თვეებში დაეხმარნენ ისრაელს ახლო აღმოსავლეთში სამხედრო გემებისა და გამანადგურებლებისგან თავის დაცვაში, როდესაც ის ირანის თავდასხმის ქვეშ მოექცა, მაგრამ ისინი ისრაელის ფარგლებს გარეთ იყვნენ ბაზირებული.
ისრაელის პრემიერ-მინისტრის, ბენიამინ ნეთანიაჰუს განცხადებით “ჰეზბოლა“ გაერო-ს სამშვიდობო ძალებს ცოცხალ ფარად იყენებს
“ბატონო გენერალურო მდივანო, გაარიდეთ UNIFIL-ის ძალები საფრთხის ზონას. ეს უნდა გაკეთდეს ახლავე და დაუყოვნებლივ. უარი UNIFIL-ის ჯარისკაცების ევაკუაციაზე მათ “ჰეზბოლას“ მძევლებად აქცევს. ეს საფრთხეს უქმნის როგორც მათი, ასევე ჩვენი ჯარისკაცების სიცოცხლეს. ვწუხვართ, UNIFIL-ის ჯარისკაცების დაშავების გამო და ყველაფერს ვაკეთებთ, რომ ისინი არ დაშავდნენ, მაგრამ ამის უზრუნველსაყოფად მარტივი და აშკარა გზა არის უბრალოდ მათი საფრთხის ზონიდან გაყვანა“, - აცხადებს ნეთანიაჰუ ანტონიო გუტერეშისათვის გაგზავნილ მიმართვაში.
მისი თქმით, ევროპელმა ლიდერებმა უნდა გააკრიტიკონ არა ისრაელი, არამედ “ჰეზბოლა“, რომელიც გაერო-ს დროებით ძალებს ცოცხალ ფარად იყენებს.
იხილეთ ასევე:
- "ჰეზბოლა“ გაერო-ს სამშვიდობო ძალებს ცოცხალ ფარად იყენებს, გაიყვანეთ ისინი საფრთხის ზონიდან ახლავე, დაუყოვნებლივ - ბენიამინ ნეთანიაჰუ ანტონიო გუტერეშს
- ისრაელის თავდაცვის ძალების ცნობით, ბეირუთში “ჰეზბოლას“ კიდევ ერთი მეთაური მოკლეს - რა ხდება ცნობილი?
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
