როგორ გაგრძელდა "კოსტაიას" ცხოვრება ცნობილი ფილმის შემდეგ - 4 ქორწინება, 20 წლით უმცროსი ცოლი, კრიმინალური წარსული და შვილი, რომელიც მამის კვალს გაჰყვა: არჩილ გომიაშვილის ისტორია

მწყემსის, პოლიტიკური დამნაშავის შვილი, თავად ოთხჯერ გასამართლებული და ოთხჯერ დაქორწინებული არჩილ გომიაშვილის შესახებ უნდა მოგიყვეთ. ცოტამ თუ იცის, გომიაშვილის ცხოვრებიდან ეს დეტალები, კაცი, რომელიც ცნობილი გახდა ოსტაპ ბენდერის როლით გაიდაის კომედიაში "თორმეტი სკამი".

არჩილ გომიაშვილის ცხოვრებაზე შეიძლება ისეთივე საინტერესო რომანი დაიწეროს, როგორიც თავად იყო ცხოვრებაში. როგორ წარიმართა მსახიობის ცხოვრება, რა შეცდომების გამო დაკარგა თავისუფლება და როგორ განვითარდა მისი შემოქმედებითი კარიერა სტატიაში მოგიყვებით.

მწყემსისა და პოლიტიკური დამნაშავის შვილი

მსახიობი არჩილ გომიაშვილი მაშინდელ საბჭოთა კავშირში ოსტაპ ბენდერის როლით გახდა ცნობილი. თუმცა, თავად მსახიობი ამ როლს კარიერაში განსაკუთრებულად არ მიიჩნევდა, მას კიდევ სხვა უამრავი როლი ჰქონდა შესრულებული, თუმცა მაყურებელს სწორედ ეს პერსონაჟი შეუყვარდა.

გომიაშვილის ცხოვრება არანაკლებ ფერადი და მრავალფეროვანი იყო, როგორც მისი ცნობილი პერსონაჟის. მომავალი მსახიობი 1926 წლის 23 მარტს საქართველოში დაიბადა. მამამისი ყოფილი მწყემსი იყო, რომელმაც დროთა განმავლობაში კარგი პოლიტიკური კარიერა გაიკეთა და სასწავლებლად რუსეთში წავიდა. მოსკოვიდან არჩილის მამა ოჯახთან ერთად დონბასში გააგზავნეს ქვანახშირის პროფკავშირის თავმჯდომარედ, რის შემდეგაც 1930 წელს დააპატიმრეს და რამდენიმე წლით გამოსასწორებელ ბანაკში გაგზავნეს. ამ დროს გომიაშვილის ვაჟი დედასთან ერთად საქართველოში დაბრუნდა და სამხატვრო ტექნიკუმში ჩააბარა.

კრიმინალური წარსული და ქუჩის ბიჭობა

მსახიობი არჩილ გომიაშვილი აღფრთოვანებით ჰყვებოდა, როგორი საინტერესო ცხოვრება ჰქონდა თბილისში. მოგვიანებით იხსენებდა: "ოთხჯერ ვიჯექი ციხეში! ეს ყველაფერი კი ახალგაზრდობაში მოხდა. შენახული მაქვს ფოტოებიც: მე ციხეში, ნარზე წამოწოლილი, კამერაში...".

პირველად ციხეში პოლიტიკური მოტივით ჩადენილი დანაშაულის გამო მოხვდა. მაშინ გომიაშვილი მხოლოდ 17 წლის იყო და არალეგალური ჟურნალის გამოცემაში მონაწილეობდა. როგორც თავად ამბობდა, კარგად ვერ აღიქვამდა სიტუაციის სირთულეს და ლიტერატურის შინაარსს. მისი აზრით, იმ პირობებში კანონ მორჩილი მოქალაქის გაზრდა რთული იყო. ქუჩა, რომელზეც ის ცხოვრობდა, კრიმინალით იყო სავსე. თავიდან 10 წელი მიუსაჯეს, საიდანაც 4 წელი მოიხადა და შემდეგ ვოლგა-დონის არხის მშენებლობაზე გადაიყვანეს. იგივე ბედი გაიზიარა მისმა 18-მა თანამშრომელმა, რომლებიც ჟურნალის გამოცემაში მონაწილეობდნენ.

მშენებლობაზე გადაყვანის შემდეგ არჩილმა წერილი მისწერა მაშინდელ შინაგან საქმეთა მინისტრს, რის შემდეგაც დანაშაული მოუხსნეს და გაათავისუფლეს, რადგან დამნაშავე არ ყოფილა. მეორედ ციხეში სიყვარულის გამო მოხვდა. მისი შეყვარებული ცნობილი მსახიობი ლუდმილა ცელიკოვსკაია იყო. ერთხელ, ქალი რესტორანში დაპატიჟა, მათთან მთვრალი კაცი მივიდა და მსახიობის მეწყვილის ცეკვაზე დაპატიჟება სცადა. სიტუაცია კონტროლიდან გამოვიდა და არჩილმა იჩხუბა. ამჯერად ციხეს მალე დააღწია თავი.

ციხეში კიდევ ორჯერ ქურდობის გამო მოხვდა. ერთ-ერთი მათგანი ძალიან საინტერესო ისტორიაა, თუ როგორ მოეწყო გომიაშვილი თბილისში რუსული დრამის თეატრში სამუშაოდ და ერთხელ, თავის მეგობართან ერთად, ღამით დარბაზის ყველა სავარძელს ტყავის გადასაკრავი მოხსნა და მეწაღეს მიჰყიდა. ბუნებრივია, ბიჭები დაიჭირეს და არჩილი ციხეში ორი წლით ჩასვეს.

„ქურდული ბიოგრაფია“ დასრულდა, როცა 27 წელი შეუსრულდა.

მსახიობის კარიერა და გზა დიდებისკენ

32 წლის ასაკში არჩილ გომიაშვილმა მუშაობა ერისთავის თეატრში დაიწყო, შემდეგ კი ისევ თბილისის რუსულ თეატრში. მსახიობი სპექტაკლ „ოსტაპ ბენდერის თავგადასავალში“ დააკავეს. ეს იყო მონო-სპექტაკლი, სადაც გომიაშვილი არა მხოლოდ დიდ კომბინატორს, არამედ ყველა სხვა პერსონაჟსაც თამაშობდა, მათ შორის ზოსია სინიცკაიას. ამ სპექტაკლით მსახიობი უამრავ ქალაქში მოგზაურობდა.

მალე მისი დებიუტი ეკრანებზე შედგა ფილმში „ცნობილია პირადად“ გადაიღეს. შემდეგ იყო ბევრი ეპიზოდური როლი, მათ შორის კოსტაია, გენიალურ ფილმში „რაც გინახავს, ვეღარ ნახავ“. თუმცა პოპულარობა 1971 წელს მოვიდა, როცა ეკრანებზე გამოვიდა ლეონიდ გაიდაის ფილმი „თორმეტი სკამი“, სადაც მან ერთ-ერთი მთავარი როლი ითამაშა. ამ ფილმის შემდეგ იყო სხვა წარმატებული ნამუშევრები, მაგრამ მაყურებელს სწორედ ეს პერსონაჟი შეუყვარდა. მას შემდეგ „თორმეტი სკამის“ არაერთი ვერსია გადაიღეს, მაგრამ არჩილ გომიაშვილის მიერ ნათამაშები ოსტაპ ბენდერი, დღემდე ყველაზე პოპულარულად რჩება.

ფილმის გადაღებების შემდეგ არჩილმა მოსკოვში ბინა მიიღო. ბევრმა არ იცის, რომ ის ცნობილ ფილმში „გაზაფხულის 17 გაელვება“ შტირლიცის როლზე იყო განხილული, მაგრამ მისი კანდიდატურა არ დაამტკიცეს. მიუხედავად ამისა, რომ გომიაშვილი ისეთ ცნობილ ფილმებში თამაშობდა, როგორებიცაა „მიმინო“ და „სტალინგრადი...“

პირადი ცხოვრება

არჩილ გომიაშვილს მრავალფეროვანი პირადი ცხოვრება ჰქონდა. პირველად იანა მაილოვაზე იქორწინა, რომელთანაც ქალიშვილი შეეძინა. თუმცა შვილის შეძენამ ეს ქორწინება ვერ გადაარჩინა და წყვილი მალევე დაშორდა. მოგვიანებით არჩილს თავის კოლეგა – ლიანა მანჯავიძე შეუყვარდა. ორი ვაჟის შეძენის შემდეგ, ეს ქორწინებაც დაინგრა. ოჯახის დაშლის მიზეზი მსახიობის „ცუდი რეპუტაცია“ გახდა. ის ცნობილი იყო, როგორც "მექალთანე" და ცოლი მუდმივად ეჭვიანობდა. მიუხედავად იმისა, რომ არჩილს მართლა ჰქონდა რომანები. ოჯახის დანგრევა არ უნდოდა, რადგან ძალიან უყვარდა თავისი ვაჟები, მაგრამ დროთა განმავლობაში სკანდალებისგან დაიღალა და წავიდა.

ის მთელი სიცოცხლის მანძილზე ინარჩუნებდა ურთიერთობას შვილებთან და ყოველთვის ეხმარებოდა მათ. მისი უმცროსი ვაჟი, ლეგენდარული მიშა გომიაშვილი, ერთადერთი აღმოჩნდა, რომელიც მშობლების კვალს გაჰყვა და მსახიობი გახდა.

მსახიობის რომანი რეჟისორ ტატიანა ლიოზნოვასთან საინტერესოდ დასრულდა. მიუხედავად ახლო ურთიერთობისა, სწორედ მან თქვა უარი, რომ არჩილს შტირლიცის როლი ეთამაშა. ამ ნაბიჯმა განარისხა და ქალთან სიცოცხლის ბოლომდე ყველანაირი კონტაქტი შეწყვიტა.

მსახიობი კიდევ ერთ ოფიციალურ ქორწინებაში იყო, როდესაც კოლეგა ტატიანა ოკუნევსკაიაზე იქორწინა. თუმცა ეს ურთიერთობაც დასრულდა.

წარუმატებელი ქორწინებების შემდეგ, ოჯახზე აღარ ფიქრობდა, მაგრამ ყველაფერი მაშინ შეიცვალა, როდესაც ბალერინა ტატიანა გაიცნო, რომელიც მასზე ორჯერ უმცროსი იყო. გაცნობისას თავად 44 წლის იყო, ქალი 20 წლის. ასაკობრივ სხვაობას პრობლემა არ შეუქმნია და მსახიობმა მეოთხედ იქორწინა. ტატიანას და არჩილს ორი ქალიშვილი შეეძინათ.

78 წლის ასაკში არჩილს ონკოლოგიური დაავადება დაუდგინეს. ინტენსიურმა მკურნალობამ გარკვეული შედეგი გამოიღო, და რთული ოპერაციის შემდეგ, ამერიკის ერთ-ერთ საუკეთესო კლინიკაში გადაფრინდა.

გომიაშვილი ავადმყოფობას მხნეს იტანდა, ხუმრობდა და ოპტიმისტურად იყო განწყობილი. მისი მდგომარეობა დროთა განმავლობაში გაუმჯობესდა და არჩილი დაუყოვნებლივ დაბრუნდა სახლში, სადაც მეგობრებთან ერთად გამოჯანმრთელება აღნიშნა, მაგრამ დაავადების აღმოჩენიდან ერთ წელიწადში 2005 წლის 31 მაისს, ლეგენდარული ოსტაპ ბენდერი გარდაიცვალა.

მსახიობი მიშა გომიაშვილი მამის გარდაცვალებაზე ჟურნალ თბილისელებში იხსენებდა:

„ ფილტვში სიმსივნე აღმოაჩნდა. დიაგნოზი მოსკოვში დაუსვეს. ოპერაციის გაკეთება ნიუ-იორკში მოისურვა. მოსკოვში რომ გაკეთებულიყო, ალბათ, დღეს ცოცხალი იქნებოდა. მერე დაიწყო მისი ჯანმრთელობის გაუარესება – მეტასტაზები ყველგან წავიდა. ბურდენკოს კლინიკის დირექტორმა მითხრა, ძალიან მეშინია მისთვის ოპერაციის გაკეთება, ვერ გადაიტანსო. ოპერაცია რომ გაკეთდეს, როგორ იქნება საქმე-მეთქი. ერთ კვირას ერთი ხელი გაუჩერდება, მეორე კვირას მეორე. წლებზე აღარ არის ლაპარაკი, სამი თვე თუ იცოცხლებსო. ვუთხარი, თუ შეიძლება, მამას დაველაპარაკები და პასუხს გეტყვით-მეთქი, საერთოდ, მამაჩემს ვერაფერს დაუმალავდი, ყველაფერი უნდა სცოდნოდა.

კარგად იცოდა, რაც ხდებოდა მის თავს, მაგრამ ბუნებით ძლიერი იყო. პალატაში შევედი და ვუთხარი, რაშიც იყო საქმე. ოპერაცია რომ არ გავიკეთო, რა მოხდებაო? ვუთხარი ლაპარაკი სიცოცხლის მცირე ხნით გახანგრძლივებაზეა. ასე რომ, შენი გადასაწყვეტია-მეთქი. ეს რომ ვუთხარი, მითხრა, მღვდელი მომიყვანეო. მეორე დღეს გამოაცხადა, ოპერაციას არ ვიკეთებ, სახლში წამიყვანეთო. ორი დღის მერე თბილისში გადაღება უნდა მქონოდა და გადმოვფრინდი, ჩემი ძმა დარჩა მასთან. ორი დღის შემდეგ ჩემმა ძმამ დამირეკა და მითხრა, ოპერაციის გაკეთება გადაწყვიტაო. როგორც კი თვითმფრინავი აეროპორტში დაჯდა, გადავრეკე და მითხრეს, საოპერაციოში ახლახან შეიყვანესო. მივუსწარი.

კონოვალოვის კაბინეტში ვიჯექი და დიდ ტელევიზორში ვუყურებდი ოპერაციას. კონოვალოვი რომ გამოვიდა საოპერაციოდან თქვა, არ შეგეშინდეთ, ალბათ, ერთი კვირა მაინც ვერ გამოვა მდგომარეობიდანო, მაგრამ მამამ საღამოს თვითონ მოიძრო მილები და პალატაში გადაყვანა მოითხოვა. დერეფანში რომ მოჰყავდათ, მისი გინება გავიგონე – აბსოლუტურად საღ გონზე იყო. გადავიყვანეთ თუ არა, ფეხზე დადგა. მერე სიმსივნემ თავში დაიწყო ზრდა.“