"ღმერთო, მოგიწია, ძალიან ძლიერად ჩაგერტყა ჩემთვის... სახლი ჩამომენგრა, გაკვეთილი უფრო ადრე უნდა მესწავლა" - ჯენიფერ ლოპესი ბენ აფლეკთან დაშორების შესახებ პირველად საუბრობს
ჯენიფერ ლოპესი ბენ აფლეკთან დაშორების შემდეგ პირველად საუბრობს იმ გამოცდილებაზე, რომელიც ამ ურთიერთობამ შესძინა.
- ჟურნალ Interview-სთან ინტერვიუში ლოპესმა თქვა, რომ მან ბენთან დაშორების შემდეგ უდიდესი ტკივილი გადაიტანა, თუმცა "ერთი წამითაც" კი არაფერს ნანობს.
"ამ ყველაფერმა თითქმის, გამანადგურა. მაგრამ ახლა ვფიქრობ, “ჯანდაბა, ზუსტად ეს იყო საჭირო, ეს მჭირდებოდა. მადლობა, ღმერთო. ვწუხვარ, რომ ამდენი ხანი დამჭირდა. ვწუხვარ, რომ ეს ჩემთვის ამდენჯერ უნდა გაგეკეთებინა. გაკვეთილი უფრო ადრე უნდა მესწავლა. ამას მივხვდი. მოგიწია, ძალიან ძლიერად ჩაგერტყა ჩემთვის. სახლი ჩამომენგრა. აღარაა საჭირო, ეს კიდევ ერთხელ მოხდეს", - თქვა ჯენიფერმა.
- ვარსკვლავმა ასევე ისაუბრა იმაზე, თუ რა ისწავლა რთული პერიოდის განმავლობაში და თქვა, რომ საბოლოოდ, გონება გაუნათდა.
" ვფიქრობ, ეს არის ის, რაც მიყვარს ცხოვრებაში: რომ არ არსებობს საბოლოო წერტილი. არსებობს მხოლოდ გაუმჯობესება და ზრდა, თუ ეს გსურს. ან იზრდები, ან კვდები, მე კი გზის გაგრძელება მინდა", - თქვა მომღერალმა.
- ჯენიმ პირად ცხოვრებაზე საუბრისას ისიც აღნიშნა, რომ "არავის აღარ ეძებს".
"არავის ვეძებ, რადგან იმ ყველაფრის ფონზე, რაც ბოლო 25-30 წლის განმავლობაში, ამ სხვადასხვა რთულ სიტუაციაში ყოფნისას გავაკეთე, საინტერესოა, რა შემიძლია გავაკეთო, როცა მხოლოდ მე ვიფრენ. რა იქნება, თუ უბრალოდ, თავისუფალი ვიქნები?" - აღნიშნა ლოპესმა.