მამამ 11 თვის ჩვილი "ფეისბუქით" გაყიდა, მიღებული თანხა კი აზარტული თამაშების ონლაინ პლატფორმაზე ჩარიცხა - რას წერს მედია ინდონეზიაში მომხდარ დანაშაულზე

ინდონეზიაში, კაცმა, ცოლისგან ფარულად, 11 თვის ჩვილი "ფეისბუქით" გაყიდა, მიღებული თანხა კი აზარტული თამაშების ონლაინ პლატფორმაზე ჩარიცხა - მამაკაცი პოლიციამ უკვე დააკავა. გავრცელებული ინფორმაციით, მან შვილი 730 ფუნტ სტერლინგად გაყიდა.

• 36 წლის მამაკაცი მას შემდეგ დააკავეს, რაც ბავშვის დედამ იჩივლა. კაცმა დანაშაული მალევე აღიარა და განაცხადა, რომ შვილი ვალების დაფარვის მიზნით გაყიდა. პოლიციამ ასევე დააკავა მყიდველებიც. მათ ადამიანებით ვაჭრობაში ედებათ ბრალი.

ინდონეზიის ბავშვთა დაცვის კომისიამ დაგმო შოკისმომგვრელი ინციდენტი.

ამ შემთხვევამდე რამდენიმე კვირით ადრე, პოლიციამ ბავშვებით ვაჭრობისთვის რვა ადამიანი დააკავა. ისინი ბავშვების გასაყიდად სოციალურ ქსელებს იყენებდნენ.

პოლიციის ცნობით, ისინი ბავშვების რეკლამირებას ახდენდნენ Facebook-ზე და 10 მილიონიდან 15 მილიონ ინდონეზიურ რუპიამდე (490-დან 740 ფუნტამდე) აფასებდნენ. შემდეგ ბალიში მიჰყავდათ, სადაც ხელახლა ყიდდნენ 45 მილიონ რუპიად (2195 ფუნტი).