საქართველოს პროკურატურა ქორეოგრაფის მიერ, 12 წლის მოსწავლის ცემის ფაქტზე, განცხადებას ავრცელებს
საქართველოს პროკურატურამ, წინასწარი შეცნობით არასრულწლოვანის მიმართ ძალადობის ფაქტზე ერთ პირს ბრალდება წარუდგინა.
როგორც გავრცელებულ განცხადებაშია აღნიშნული, შინაგან საქმეთა სამინისტროს მიერ ჩატარებული გამოძიებით დადგინდა, რომ 10 სექტემბერს, ბათუმში, მოსწავლე - ახალგაზრდობის სასახლეში, ცეკვის მასწავლებელმა არასრულწლოვან მოსწავლეზე ფიზიკურად იძალადა, რის შედეგადაც არასრულწლოვანმა სხეულის მსუბუქი ხარისხის დაზიანება მიიღო.
პროკურატურამ ცეკვის მასწავლებელს ბრალდება საქართველოს სისხლის სამართლის კოდექსის 126-ე მუხლის პირველი პრიმა ნაწილის ,,ა’’ ქვეპუნქტით (ძალადობა, წინასწარი შეცნობით არასრულწლოვანის მიმართ), რაც სასჯელის სახედ და ზომად 2 წლამდე თავისუფლების აღკვეთას ითვალისწინებს.
მომხდარი ქმედების საფუძველზე პედაგოგი სამსახურიდან გაათავისუფლეს. ბათუმის საქალაქო სასამართლომ ბრალდებულს აღკვეთის ღონისძიების სახედ გირაო 2000 ლარის ოდენობით შეუფარდა.
სისხლის სამართლის საქმე არსებითი განხილვისათვის ბათუმის საქალაქო სასამართლოში კანონით განსაზღვრულ ვადაში წარიმართება. სისხლის სამართლის საქმეზე გამოძიება გრძელდება.
იხილეთ ასევე:
- "ვინანიებ... დედა ახალი გარდაცვლილი მყავდა, ამიტომ ვერ შევიკავე თავი, ოჯახს დავდევდი და ვთხოვდი, პატიებას" - ბათუმელი ქორეოგრაფის პირველი კომენტარი ბრალდებაზე
- "მერაბმა ჩემი ოჯახის წევრებს აქეთ უჩივლა, რა მონანიება... ერთი თვეა ჯოჯოხეთში ვცხოვრობთ, ვიდეოს ბოლომდე ვერ ვუყურე" - რას ჰყვება 12 წლის მოზარდის პოლიტიკოსი მამა?