"მშობლებს, რომელთა შვილებს სისტემატურად სცემდა ეს ნაძირალა, პირში წყალი აქვთ ჩაგუბებული" - რას წერს ბაია პატარა ბათუმში მომხდარ დანაშაულზე?
გუშინ, "ბათუმელების" მიერ გავრცელებულ ვიდეოს, სადაც ჩანს, რომ როგორ სცემა ბათუმის მოსწავლე ახალგაზრდობის სასახლეში ცეკვის მასწავლებელმა 12 წლის მოზარდს, საზოგადოების მხრიდან აღშფოთება მოჰყვა. უფლებადამცველი ბაია პატარაია სოციალურ ქსელში ვიდეოს აქვეყნებს და მომხდარში მშობლებსაც ადანაშაულებს, რომლებიც საკუთარ შვილებს ვერ იცავენ.
- მშობლებს, რომელთა შვილებს სისტემატურად სცემდა ეს ნაძირალა - პირში წყალი აქვთ ჩაგუბებული. მე არ მესმის, რატომ არ უნდა დაიცვა საკუთარი შვილი, რატომ უნდა აცემინო ვიღაც მამაძაღლს.
ვინ დაიცავს ბავშვს, საკუთარი მშობელი თუ არ დაიცავს?! ვის და რას აფარებთ ხელს საკუთარი შვილების ხარჯზე?! ცუდი მშობლები ხართ! ცუდი მშობლები ხართ ისინი, ვინც ვიღაც „ნაბიჭვარს“ იცავთ და საკუთარ შვილებს - არა! მორღვეული გაქვთ მორალიც და ღირებულებებიც! ავადაა საზოგადოება, რომელიც მოძალადეს იცავს და ბავშვს - არა!
მომხდარი სავარჯიშო დარბაზში დამონტაჟებულმა კამერებმა დააფიქსირა. ფაქტზე უკვე დაწყებულია გამოძიება, თუმცა მასწავლებელ მერაბ დოლიძეს ბათუმის საქალაქო სასამართლოს მოსამართლე თამარ ბეჟანიშვილმა აღმკვეთი ღონისძიების სახით 2000-ლარიანი გირაო შეუფარდა, ის არ დაუკავებიათ.
კადრებში ჩანს, როგორ ძალადობს 12 წლის ბიჭზე ქორეოგრაფი. მის შეკავებას კი დარბაზში შესული ქალი ცდილობს, რომელიც „ბათუმელების“ ინფორმაციით, მისი მეუღლეა.
ამ დროისთვის ambebi.ge მომხდარზე დამატებით დეტალებს არკვევს და მალე ვრცელ სტატიას შემოგთავაზებთ.
წაიკითხეთ ასევე: