მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ცოტა ეგზოტიკურია, როდესაც საეკლესიო წარმომადგენელს გზავნი ამ მისიით..." - რატომ ჩავიდა მეუფე იაკობი ამერიკაში?!
12:07 / 08-10-2024
- რამდენიმე დღის წინ ცნობილი გახდა, რომ მთავარეპისკოპოსი იაკობი აშშ-ში, სახელმწიფო დეპარტამენტში შეხვდებოდა სახელმწიფო მდივნის თანაშემწეს ევროპისა და ევრაზიის საკითხებში, ჯიმ ო'ბრაიენს. იმ დროისთვის, როდესაც ჩვენი სტატია იწერება, ამ შეხვედრაზე ჯერ ისევ ბევრი არაფერია ცნობილი... გარდა იმისა, რომ საპატრიარქოს ინფორმაციით, ეს ვიზიტი მათი ორგანიზებული არ ყოფილა.
ბევრმა ეს აღიქვა, როგორც ხელისუფლების მცდელობა აშშ-თან დიალოგის და რომ მეუფე კომუნიკატორის როლში იყო ჩასული ამერიკაში...
ირაკლი მელაშვილი, პოლიტიკის ანალიტიკოსი:
"ხელისუფლების და ქვეყნის საქმეც ძალიან ცუდად ყოფილა, თუ საქართველოს მთავრობის კომუნიკატორის როლი მეუფე იაკობმა უნდა შეასრულოს... მე ამის დაჯერება მიჭირს. ჩემი აზრით, ეს ეპისკოპოსი თავისი ძალიან მძიმე ანტიდასავლური და ანტიდემოკრატიული განცხადებების გამო მიიწვიეს, რათა რაღაცნაირად აუხსნან, თუ რა შედეგები შეიძლება ჰქონდეს ამ ყველაფერს ქვეყანაში. მოკლედ, როგორც მთელ ქვეყანაში, ეკლესიაში პრობლემები გვაქვს, ჩვენი პატრიარქი, სამწუხაროდ, ჯანმრთელობის მდგომარეობის გამო ვეღარ მართავს სიტუაციას და რამდენიმე მღვდელმთავარი, რომლებმაც 90-იან წლებში საერო ცხოვრებაში ვერ ნახეს თავისი ადგილი და წავიდნენ ეკლესიაში, ახლა ეკლესიიდან ცდილობენ დაუმტკიცონ საერო პირებს, რომ ის რომ თავის დროზე ერში ვერაფერს მიაღწიეს და ლუზერები იყვნენ, საზოგადოების ბრალი იყო და ახლა ყველაზე მაგრები არიან, სურთ უკვე პოლიტიკაში დაიმკვიდრონ თავი, რაც ძალიან საშიში პროცესია. ეს თუ არ გაჩერდა, შეიძლება ძალიან მძიმე შედეგები მივიღოთ. არ არსებობს არცერთი ქვეყანა, დაწყებული მართლმადიდებლური კვიპროსიდან, სადაც საეკლესიო პირების პოლიტიკაში ჩარევამ სიკეთე მოიტანა. ისინი შეიძლება ქვეყნის შიგნით მედიატორები იყვნენ, დაპირისპირებული მხარეების მორიგებას და მშვიდობის დამყარებას ეცადონ, მაგრამ პოლიტიკაში ასეთი მასშტაბით ჩარევა, მუქარა და ა.შ. კარგად არსად დამთავრებულა. ამერიკელები, ჩემი აზრით, იაკობისთვის ამის ახსნას შეეცდებოდნენ...“
ამ საკითხზე ექსპერტები გაზეთ "კვირის პალიტრასთანაც“ საუბრობენ.
მირიან მირიანაშვილი, ექსპერტი:
"ამერიკაში ეპისკოპოსის გაგზავნა შეიძლება სწორედ აშშ-თან გადატვირთვის სტარტის ცდა იყოს. ჩემი აზრით, სწორედ ასე ჩათვალა ეს ვიზიტი ამერიკის ხელისუფლებამ, რომ მღვდელმთავარი ივანიშვილის გაგზავნილი პირია. ამიტომ შეხვდნენ და რაც მთავარია, შეხვედრის შესახებ ინფორმაცია წინასწარ გაასაჯაროვეს.
როგორც დასავლელ პოლიტიკოსთა და ანალიტიკოსთა წრეებში განიხილავენ, ამერიკელები მეუფე იაკობს სწორედ იმ მიზნით შეხვდნენ, აქედან იყო ინფორმაცია, რომ მას საქართველოდან გარკვეული ეპისტოლე ჩააქვს. შესაძლებელია, ნაბიჯი, რაზეც ზემოთ მოგახსენეთ, ივანიშვილმა უნდა გადადგას-მეთქი, სწორედ მეუფე იაკობის მეშვეობით უკვე გადადგა. სიმართლე გითხრათ, ცოტა ეგზოტიკურია, როდესაც საეკლესიო წარმომადგენელს გზავნი ამ მისიით, მაგრამ ვინაიდან პრემიერ-მინისტრისთვის კარი დახურული აღმოჩნდა, ეს ცუდი ვარიანტი არაა, მით უმეტეს, ამერიკელებმა იციან, რა დიდი მნიშვნელობა აქვს საპატრიარქოს საქართველოში და ჩათვალეს, რომ ეს კომუნიკაცია არ იქნებოდა რთული და გაუგებარი.
რა გზავნილი გადასცა მეუფე იაკობმა ამერიკელებს ივანიშვილისგან, არ ვიცი, მაგრამ ერთი რამ შემიძლია გითხრათ - ჩემი აზრით, ეს არის პირადად ივანიშვილის გზავნილი, თორემ მეუფე იაკობს, ჩემი დიდი პატივისცემის მიუხედავად, ამერიკის ხელისუფლება სალაპარაკოდ არ შეხვდებოდა. ამიტომ ახლა შედეგებს უნდა ველოდოთ. ყველაფერი ორ-სამ დღეში გაირკვევა"... გააგრძელეთ კითხვა
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
