მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“ასლან აბაშიძის "აღორძინებას" უფრო საინტერესო და უფრო ენერგიული საარჩევნო პროგრამა ჰქონდა, ვიდრე “ქართულ ოცნებას“ - ანა დოლიძე
11:23 / 08-10-2024
“ასლან აბაშიძის "აღორძინებას" უფრო საინტერესო და უფრო ენერგიული საარჩევნო პროგრამა ჰქონდა, ვიდრე “ქართულ ოცნებას“ - მათი ამბავი დამთავრებულია, სძინავთ, სულს ღაფავენ“, - ამის შესახებ კოალიცია “ძლიერი საქართველოს“ ერთ-ერთმა ლიდერმა, ანა დოლიძემ ჟურნალისტებს განუცხადა.
მისივე თქმით, ბიძინა ივანიშვილის საარჩევნო პროგრამის წარდგენაზე არდასწრება არის მინიშნება იმის, რომ ამ პარტიის გამარჯვებისა და ხელისუფლებაში დარჩენის რწმენა არ არსებობს.
“ასლან აბაშიძის აღორძინებას უფრო საინტერესო და უფრო ენერგიული საარჩევნო პროგრამა ჰქონდა, ვიდრე “ქართულ ოცნებას“. ვისაც ახსოვს ასლან აბაშიძის “აღორძინება“ რა მდგომარეობაში იყო, ის დამეთანხმება. ეს საარჩევნო პროგრამა დასტურია იმის, რომ “ქართული ოცნების“ ამბავი დამთავრებულია. არც კომპეტენცია არაა, არც ნება და არც ენერგია არაა. დგანან და სძინავთ, სულს ღაფავენ და მგონი, მართლა ფიქრობენ 27 ოქტომბერს როგორმე სახლში დარჩნენ. მე ვფიქრობ, რომ როგორც 1-ელი ოქტომბრის არაღნიშვნა, ასევე [ბიძინა ივანიშვილის] საარჩევნო პროგრამის წარდგენაზე არდასწრება არის მინიშნება იმის, რომ ამ პარტიის გამარჯვებისა და ხელისუფლებაში დარჩენის რწმენა არ არსებობს. არავითარი ენერგია, მუხტი და შინაარსი ამ პროგრამაში არ იყო“, - განაცხადა დოლიძემ.
რაც შეეხება პრეზიდენტის იმპიჩმენტის საკითხს, დოლიძის განცხადებით, ის არის თითიდან გამოწოვილი საკითხი.
“პრეზიდენტის იმპიჩმენტი არის თითიდან გამოწოვილი საკითხი. როგორც შარშან გადაფარეს შოვის ტრაგედია ამ თემით, შოვის ტრაგედიის მერე დაიწყეს იმპიჩმენტი, ახლა ცდილობენ ყურადღება წაიღონ იმ საკითხებიდან, რომელიც ხალხისთვის არის მნიშვნელოვანი და ეს არის კეთილდღეობის საკითხები“, - განაცხადა დოლიძემ.
ცნობისთვის, “ქართულმა ოცნებამ“ 7 ოქტომბერს საარჩევნო პროგრამის პრეზენტაცია გამართა. პროგრამა საზოგადოებას პრემიერ-მინისტრმა, ირაკლი კობახიძემ წარუდგინა. პრეზენტაციას პარტიის საპატიო თავმჯდომარე, ბიძინა ივანიშვილი არ ესწრებოდა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
