“ახლანდელი “ქოცები“ კიდევ უფრო წყალწაღებულ მდგომარეობაში იმყოფებიან - მიხეილ სააკაშვილი
"ერთიანობა-ნაციონალური მოძრაობის" აქციაზე კუნთმაგარმა “ქოცების“ ტიტუშკებმა თავდასხმა მოაწყვეს - ეს თავდასხმები უმწეობის და მათი სრული უპერსპექტივობის განცდის გამოხატულებაა, - ამის შესახებ საქართველოს მესამე პრეზიდენტი, მიხეილ სააკაშვილი “ფეისბუქზე“ წერს.
მისი თქმით, “ქართული ოცნება“ იყენებს იმ მეთოდებს, რა მეთოდებსაც 2003 წელს ასლან აბაშიძე და ლევან მამალაძე იყენებდნენ.
“გუშინ "ერთიანობა-ნაციონალური მოძრაობის" აქციაზე კუნთმაგარმა “ქოცების“ ტიტუშკებმა თავდასხმა მოაწყვეს. ზუსტად იგივეს გვიკეთებდნენ 2003-ში ასლან აბაშიძე და ლევან მამალაძე, მაგრამ მათ ამან ვერ უშველა.
ახლანდელი “ქოცები“ კიდევ უფრო წყალწაღებულ მდგომარეობაში იმყოფებიან. ეს თავდასხმები უმწეობის და მათი სრული უპერსპექტივობის განცდის გამოხატულებაა”, - წერს მიხეილ სააკაშვილი.