ბორის ჯონსონის თქმით, ნეთანიაჰუმ მის აბაზანაში მოსასმენი მოწყობილობა დაამაგრა - რას იხსენებს ბრიტანეთის ექსპრემიერი მემუარებში?

დიდი ბრიტანეთის ყოფილი პრემიერ მინისტრი, ბორის ჯონსონი ამბობს, რომ თავის პირად აბაზანაში იპოვა მოსასმენი მოწყობილობა მას შემდეგ, რაც ეს აბაზანა ისრაელის პრემიერ-მინისტრმა, ბენიამინ ნეთანიაჰუმ გამოიყენა. ჯონსონის თქმით, მოწყობილობების აბაზანაში უსაფრთხოების ჯგუფმა, გეგმური შემოწმების დროს აღმოაჩინა.

• ბენიამინმა და ბორისმა ერთმანეთი 2017 წელს გაიცნეს, როდესაც ჯონსონი ბრიტანეთის საგარეო საქმეთა მინისტრი იყო. აღნიშნულის შესახებ ჯონსონი საუბრობს თავის მემუარებში სახელწოდებით “Unleashed”, რომლის ფრაგმენტიც Daily Telegraph-მა გამოაქვეყნა.

"ბიბი ცოტა ხნით შევიდა (აბაზანაში) და შეიძლება ეს დამთხვევა იყოს და არც იყოს, მაგრამ მოგვიანებით მითხრეს, რომ როდესაც რეგულარულ შემოწმებას ატარებდნენ, უნიტაზის ჩასარეცხ ყუთში მოსასმენი მოწყობილობა იპოვეს“, - წერს ჯონსონი.

"დეილი ტელეგრაფმა" ჯონსონს უფრო მეტი დეტალის მოყოლა სთხოვა, თუმცა ექსპრემიერმა თქვა, რომ ყველაფერი ამ თემაზე, რისი გაზიარებაც ხალხისთვის სურდა, მის წიგნში წერია.

საინტერესოა ერთი დეტალი, რომელსაც ჯონსონის ამ მონათხრობის შემდეგ მედია იხსენებს - 2019 წელს POLITICO წერდა, რომ აშშ-ის მთავრობას სჯეროდა, რომ ისრაელი იყო პასუხისმგებელი თეთრ სახლში და ვაშინგტონში, სტრატეგიულ ადგილებში სათვალთვალო მოწყობილობების განთავსებაზე.