ცნობილი უკრაინელი მომღერალი, ტრაგიკული ქორწინების შემდეგ, ქართველ ბიზნესმენზეა შეყვარებული - ვინ არის იური აროშიძე, რომელიც ბელორუსში ცხოვრობს
პოპულარული უკრაინელი მომღერალი ტინა კაროლი, რომელიც პირად ცხოვრებას მალავს, მარტო აღარ არის. 39 წლის ქალი 30 წლის ქართველზეა შეყვარებული.
იური აროშიძე ბელორუსიდან არის, უკრაინული მედია წერს, რომ ბიჭს იქ სამხედრო სამსახურიც აქვს გავლილი.
იური უკვე 16 წელია, რაც აშშ-ში ცხოვრობს, თუმცა ხანდახან უკრაინაშიც ჩადის.
"იური აროშიძე 30 წლისაა. დედა უკრაინელი ჰყავს, მამა - ქართველი. დაიბადა და გაიზარდა ბელორუსის ქალაქ ნესვიჟში. ახლა ბიჭი ტინათი ძალიან მოხიბლულია. იური აროშიძე Protez Foundation-ის პრეზიდენტია. ეს ფონდი პროთეზებს ამზადებს და ჩვენს ჯარისკაცებს რეაბილიტაციაში ეხმარება" - წერს ადგილობრივი მედია.
ვინ არის ტინა კაროლი
ტინა კაროლი (ნამდვილი სახელი ტატიანა ლიბერმანი) — უკრაინელი მომღერალი, მსახიობი და ტელეწამყვანია. 2017 წელს მას უკრაინის სახალხო არტისტის ტიტული მიენიჭა. ქალი უკრაინის შეიარაღებული ძალების სიმღერისა და ცეკვის ანსამბლის სოლისტია. 2005 წელს ახალგაზრდა შემსრულებლების მუსიკალური კონკურსის „ახალი ტალღა“ ლაურეატი გახდა. 2006 წელს ევროვიზიის კონკურსზე უკრაინის სახელით გამოვიდა სიმღერით „Show Me Your Love“ და მეშვიდე ადგილი დაიკავა.
ტრაგიკული ქორწინება
მომღერლის პირველი ქორწინება ტრაგიკულად დასრულდა. ევგენი ოგირმა და ტინა კაროლმა კიევის-პეჩორის ლავრაში იქორწინეს, თუმცა ცერემონიას უსიამოვნებებიც ახლდა. ტინას ფატა ტაძარში ანთებული სანთლისგან დაიწვა, ხოლო კაბა, რომელიც ქიმწმენდაში ჩააბარა, დაიკარგა.
2008 წლის ნოემბერში წყვილს ვაჟი შეეძინა. მომღერალი ხშირად ამბობდა, რომ ისინი ჰარმონიასა და თანხმობაში ცხოვრობდნენ და კამათისთვის დრო არ რჩებოდათ.
2012 წელს ევგენის კუჭის კიბო აღმოაჩნდა, რომელიც განუკურნებელი აღმოჩნდა. 2013 წლის 28 აპრილს კაცი გარდაიცვალა. მაშინ მსოფლიო შეძრა ვიდეომ, სადაც ჩანს, რომ მეუღლის სიკვდილის დღეს მომღერალი სცენაზე დგას და მსმენელისთვის მღერის. იქამდე კი ამბობს, რომ ეს მისი მეუღლის უკანასკნელი სურვილი იყო.
როდესაც ევგენი გარდაიცვალა, თინა 28 წლის იყო. მას შემდეგ მომღერალი აღარ დაქორწინებულა, არ ჰქონია ოფიციალურად დადასტურებული ურთიერთობები.
უკრაინაში გამორჩეულად უყვართ კაროლი. ახლა ყველა წერს მის რომანზე 30 წლის ბიზნესმენ, იური აროშიძესთან. იმედი აქვთ, რომ ქართველი მამაკაცი საყვარელ მომღერალს გააბედნიერებს.
ტინა კაროლი საქართველოში არაერთხელ არის ნამყოფი. 2021 წელს, პროექტ "ცეკვავენ ვარსკვლავებში" იმღერა. 2023 წელს კი უკრაინელი პოპ ვარსკვლავი საქართველოს ესტუმრა - მომღერალმა "მონო ჰოლში" საქველმოქმედო კონცერტი გამართა.