მელანია ტრამპი ქმრის წინააღმდეგ - ყოფილი პირველი ლედის განცხადება, რომლითაც ის დონალდ ტრამპს დაუპირისპირდა

აშშ-ის ყოფილი პირველი ლედი, მელანია ტრამპი იმ ქალების რიცხვს შეუერთდა, რომლებიც აბორტის უფლებას მხარს უჭერენ და ქმრის, დონალდ ტრამპის საწინააღმდეგო განცხადება გააკეთა.

• გავრცელდა ვიდეო რგოლი, სადაც აშშ-ის ყოფილი პირველი ლედი ამბობს, რომ მხარს უჭერს ყველა ქალის არსებით უფლებას, რომელიც ქალებს აქვთ დაბადებიდან.

მელანიას ეს აშკარა პოზიცია სრულად ეწინააღმდეგება დონალდ ტრამპის აზრს ამ საკითხთან დაკავშირებით. დონალდ ტრამპისთვის ფაქტობრივად, საარჩევნო კამპანიის ნაწილია აბორტის უფლების შეზღუდვა.

• "არ არსებობს კომპრომისის ადგილი, როდესაც საქმე ეხება იმ არსებით უფლებას, რომელსაც ყველა ქალი ფლობს დაბადებიდან - ეს არის ინდივიდუალური თავისუფლება", - ამბობს მელანია ტრამპი.

ეს ვიდეო გავრცელდა ერთ დღეში მას შემდეგ, რაც "გარდიანმა" გამოაქვეყნა ნაწყვეტი ექსპირველი ლედის ახალი წიგნიდან - Melania.

ყოფილი პირველი ლედი თავის მემუარებში წერს:

"აუცილებელია გარანტირებული იყოს, რომ ქალებს აქვთ უფლება თვითონ მიიღონ გადაწყვეტილება შვილების გაჩენის შესახებ, მათივე რწმენის საფუძველზე, მთავრობის მხრიდან ყოველგვარი ჩარევისა და ზეწოლის გარეშე.

რატომ უნდა ჰქონდეს ვინმეს უფლება, გარდა თავად ქალისა, განსაზღვროს როგორ მოექცევა ის საკუთარ სხეულს? ქალის ფუნდამენტური უფლებაა შეწყვიტოს ორსულობა, თუ მას სურს“, - წერს მელანია ტრამპი.