"ბუნებითაც ჩემპიონი ყოფილა - დრო უშურველად დაგვითმო, შეგვაქო, მოგვესიყვარულა, დაგვასაჩუქრა" - მერაბ დვალიშვილი "ბერი ანდრიას ფონდს" ესტუმრა
UFC-ის ქართველი ჩემპიონი, მერაბ დვალიშვილი "ბერი ანდრიას ფონდს" ესტუმრა. როგორც ფონდის მიერ გამოქვეყნებულ ინფორმაციაშია აღნიშNული, მერაბმა მათ საჩუქრები გადასცა.
"ფონდის დახმარების ცენტრში მერაბ დვალიშვილის მოულოდნელმა სტუმრობამ ძალიან გაგვახარა!
UFC- ის საჩემპიონო ქამრის მფლობელი სუპერმსუბუქ წონაში, ბუნებითაც ჩემპიონი ყოფილა - დრო უშურველად დაგვითმო - შეგვაქო, მოგვესიყვარულა, დაგვასაჩუქრა, ჩვენი ფონდის შვილობილების კეთილი ნების ელჩის მოვალეობა სიხარულით და სიამაყით იტვირთა და ამ საპატიო მოვალეობის პირნათლად შესრულება აღგვითქვა!
უფლის წყალობით, ულევი გამარჯვება შენ, ჩვენო ჩემპიონო მერაბ!" - ნათქვამია გამოქვეყნებულ ინფორმაციაში.