მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ტყუილ-მართალი P. Diddy-ს წვეულებებზე - უმძიმესი დანაშაული და შეთქმულების თეორიები
14:20 / 01-10-2024
რეპერ P. Diddy-ს დაკავებამ და წაყენებულმა ბრალდებებმა, მათ შორის ადამიანებით ვაჭრობის თაობაზე, არაერთი შეთქმულების თეორია წარმოშვა.
- განსაკუთრებით აქტუალურია თეორია, რომელიც რეპერის კოლეგებსა და ახლო მეგობრებს, ჯეი ზისა და ბიონსეს უკავშირდება. გაჩნდა ეჭვი, რომ გავლენიანი ცოლ-ქმარი, P.Diddy-სთან ერთად, კონკურენტებს სხვადასხვა გზებით იშორებდა.
ინტერნეტში ვირუსულად გავრცელდა J. Cole-ის სიმღერა She Knows. სიმღერაში არის ასეთი მონაკვეთი: "დაისვენე მშვიდად, ალია". ეს შეეხება მომღერალ ალიას, რომელიც 22 წლის ასაკში ავტოკატასტროფაში გარდაიცვალა. ახლა მის სიკვდილს ჯეი-ზისა და P Diddy-ის უკავშირებენ. ერთ-ერთი ვერსიით, მათ სურდათ მომღერლის "მოშორება", რათა ბიონსეს კარიერას ხელი არ შეშლოდა. გარდა ამისა, გავრცელებული ინფორმაციით, ალიას ჯეი-ზისთან რომანი ჰქონდა. სიმღერა 2013 წელს გამოვიდა. კიდევ ერთი თეორიის მიხედვით, ჯეი ზი და P Diddy მაიკლ ჯექსონის სიკვდილშიც არიან გარეულები.
უცხოურ მედიაში გაიხსენეს, დუეინ დევისი, რომელიც 1996 წელს რეპერ თუფაქ შაკურის მკვლელობაში დაადანაშაულეს. ის ამბობდა, რომ შონ კომბსმა, იგივე დიდიმ მას ამისთვის 1 მილიონი დოლარი გადაუხადა. მაშინ სასამართლომ ბრალდებულს არ დაუჯერა. ემინემმა მალევე ამ თემაზე გარეპა, ტექსტში ისმის სიტყვები: "მაგრამ, კელს, იმ დღეს, როცა ჰიტს გამოუშვებ, დიდი აღიარებს, რომ პაკი მან მოკლა".
გარდა ამისა, Eminem-ის ივლისში გამოშვებულ ტრეკში Fuel, P Diddy-ის მიმართ სხვა ბრალდებებიც გახმაურდა. სიმღერის რეფრენში (სტრიქონი, რომელიც მეორდება) ემინემი სიტყვაში rapper განზრახ ტოვებს ერთ ასოს P-ს, რის შედეგადაც გამოდის სიტყვა "მოძალადე" (raper). ასევე, განმეორებადი სიტყვა "essay" ისე გამოითქმის, რომ წააგავს სექსუალური ძალადობის შემოკლებულ ფორმას (SA - sexual assault). კუპლეტი მთავრდება ფრაზით: "Wait, he didn't just spell the word 'Rapper' and leave out a P, did he?" ("დაიცადე, მან სიტყვა Rapper თქვა და P უბრალოდ გამოტოვა, არა?"). ტრეკის დასასრულს სიტყვები P, did he ისე ჩნდება, თითქოს "P Diddy"-ს აღნიშნავს.
ასევე გავრცელდა თეორია, რომ კანიე უესტმა განზრახ შეურაცხყო ტეილორ სვიფტი საჯაროდ, თითქოსდა ცდილობდა მისი სტატუსის დაწევას ჯეი-ზისა და ბიონსეს თვალში, რათა ტეილორს ალიასა და სხვა კონკურენტების ბედი არ სწვეოდა. 2009 წლის MTV Video Music Awards-ზე, როცა ტეილორ სვიფტი ჯილდოს საუკეთესო ქალის ვიდეოსთვის იღებდა, კანიე უესტი მივიდა, მიკროფონი გამოართვა და განაცხადა, რომ ბიონსეს ვიდეო "Single Ladies (Put a Ring on It)" იყო "ყველა დროის ერთ-ერთი საუკეთესო ვიდეო". ბევრი ამტკიცებს, რომ კანიე სვიფტის დაცვას ცდილობდა.
შეგახსენებთ, რომ 54 წლის შონ კომბსის დაკავების შემდეგ, მისი ორგანიზებული წვეულებების შესახებ სხვადასხვა დეტალი გამოაშკარავდა. ითქვა, რომ ამ წვეულებებს სხვადასხვა "დაშვების დონე" ჰქონდა: ერთ დონეზე ესწრებოდნენ ვარსკვლავები, როგორიცაა ლეონარდო დიკაპრიო, სარა ჯესიკა პარკერი, კელი ოსბორნი, ჯეი ზი და ბიონსე, მერაია კერი და მისი ქმარი ნიკ კენონი, ტომი ლი და პამელა ანდერსონი, კიმ კარდაშიანი და მრავალი სხვა. ხოლო სხვა დონეზე, რომელიც "ფრიქ-შოუს" სახელით იყო ცნობილი, ხდებოდა უკანონო ქმედებები: ქალები და მამაკაცები ნარკოტიკებს იღებდნენ და მათ აიძულებდნენ სექსუალურ აქტებში მონაწილეობას.
პროკურორების თქმით, "ფრიქ-შოუს" მონაწილე ქალები იმდენად გადაღლილები იყვნენ სექს-მარათონებით, რომ მათ კათეტერების დადგმაც კი სჭირდებოდათ. ამჟამად რეპერი პატიმრობაშია: მოსამართლემ უარყო მისი თხოვნა 50-მილიონდოლარიანი გირაოს სანაცვლოდ გათავისუფლების შესახებ.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
