“მოგლეჯილია ათეულობით მრავალწლიანი ხე, დაზიანდა ელექტრო გადამცემი ბოძები, გაითიშა დენი და შეწყდა წყალმომარაგება“ - ძლიერმა ქარმა ზუგდიდში პრობლემები შექმნა

ძლიერმა ქარმა ზუგდიდის მუნიციპალიტეტში პრობლემები შექმნა.

ძლიერი ქარის შედეგად წაიქცა ხეები, დაზიანდა ელექტრო გადამცემი ბოძები, რამდენიმე ადმინისტრაციულ ერთეულს შეუწყდა ელექტრო ენერგიის მიწოდება, ქალაქში აბონენტებს შეუწყდათ წყალმომარაგება.

მუნიციპალიტეტის მერიის ინფორმაციით, ძლიერი ქარის გამო, ქალაქსა და სოფლებში მოგლეჯილია ათეულობით მრავალწლიანი ხე, რამაც გზების ჩახერგვა გამოიწვია. თუმცა მუნიციპალური სამსახურების სწრაფი რეაგირების შედეგად ყველა მიმართულებით გზის გაწმენდა უმოკლეს დროში მოხდა.

ძლიერმა ქარმა ასევე დააზიანა ელექტროგადამცემი კაბელები, რის გამოც დასახლებების ნაწილს ელექტრი ენერგია არ მიეწოდება, მიმდინარეობს აღდგენითი სამუშაოები. ზუგდიდის მერის რომელიც ადგილზე ეცნობა არსებულ ვითარებას აცხადებს რომ სახურავი დაუზიანდა ხუთ კერძო და 2 საჯარო დაწესებულებას. ზარალს სპეციალური კომისია შეისწავლის.