გაიზარდა, მაგრამ მისი გარეგნობა თითქმის არ შეცვლილა... - როგორ გამოიყურება ცნობილი მიმების გმირი, რომელიც ახლა 18 წლისაა: "წარმატებული ჩვილის" ისტორია
ცნობილი ინტერნეტ მიმის ვარსკვლავს 25 სექტემბერს 18 წელი შეუსრულდა. სემ გრინერი, რომელსაც "წარმატებული ჩვილი" უწოდეს, ამბობს, რომ პოპულარობა თავიდან აშინებდა და ამან გარკვეულწილად მის ცხოვრებაზე უარყოფითად იმოქმედა. თუმცა მოგვიანებით ეს ცნობადობა მას სამედიცინო ხარჯების დაფარვაშიც კი დაეხმარა.
საინტერესოა, რომ სახალისო ფოტო დედამ შემთხვევით გადაუღო ფლორიდის სანაპიროზე. მაშინ ბიჭი მხოლდო 11 თვის იყო, როდესაც მისმა ფოტომ მსოფლიოში ყველაზე ცნობილი მემეს სტატუსი მოიპოვა. გრინერის მშობლების თქმით, ისინი ვერასოდეს წარმოიდგენდნენ, რომ ეს ფოტო ამდენ ადამიანს მოეწონებოდა.
"ეს მართლაც განსაკუთრებულია, რადგან სემი ნაადრევად დაბადებული ბავშვი იყო. ამის გამო, მას 6 თვის ასაკში თავის ტვინზე ოპერაცია დასჭირდა. ამიტომ, ძალიან სასიამოვნოა, რომ მას "წარმატებულ ჩვილს" უწოდებენ", - თქვა ბიჭის დედამ.
რა გავლენა მოახდინა პოპულარობამ სემ გრინერის ცხოვრებაზე?
14 წლის ასაკში სემმა აღიარა, რომ პოპულარობა აშინებდა და ცხოვრებაში ხელს უშლიდა. ქუჩაში მას ახლობლები სთხოვდნენ მემეს მსგავსი პოზების მიღებას, რაც ბიჭს არ მოსწონდა. მაგრამ მოგვიანებით სწორედ ცნობადობა დაეხმარა საჭირო თანხები მოეგროვებინა მამის მკურნალობისთვის, რომელსაც თირკმელების დაავადება აწუხებდა.
კაცს სასწრაფოდ ორგანოს გადანერგვა დასჭირდა, და ოპერაციის ღირებულება ძალიან მაღალი იყო. ამიტომ ბიჭის ოჯახმა გადაწყვიტა გულშემატკივრებისთვის ფინანსური მხარდაჭერა ეთხოვათ. "წარმატებული ჩვილის" მემეს პოპულარობის წყალობით, თანხა ერთ კვირაში მოაგროვეს, და გრინერის მამას წარმატებით გაუკეთდა ოპერაცია.
როგორ ცხოვრობს ახლა სემ გრინერი?
ამჟამად 18 წლის ბიჭი ხელოვნებით არის დაინტერესებული და ხატავს. თუმცა აღნიშნავს, რომ ის ჩვეულებრივი თინეიჯერია, და არა ვარსკვლავი. თუმცა უამრავი გულშემატკივარი წერს და მათი თქმით, სემი გაიზარდა, მაგრამ მისი გარეგნობა თითქმის არ შეცვლილა.
