11
მაისიდღის ზოგადი ასტროლოგიური პროგნოზი
უკვე რამდენიმე დღეა, რაც ცნობილი რეპერის, შონ ჯონ ქომბსის, იგივე P Diddy-ს გარშემო სკანდალი გრძელდება და სულ უფრო სერიოზულ სახეს იღებს.
რამდენიმე დღის წინ, რეპერი ნიუ-იორკში დააკავეს და მას სექსუალურ ტრეფიკინგში, ძალადობასა და ხალხის პროსტიტუციაში ჩართვის ბრალდებები წაუყენეს. მისი ადვოკატი, მარკ აგნიფილო, მედიასთან კომენტარს აკეთებს ქომბსის დაკავების დეტალებზე და სახლში ჩხრეკის დროს აღმოჩენილ 1000 ბოთლ, ბავშვის ზეთის საკითხზე.
- "არ ვიცი საიდან გაჩნდა მედიაში ციფრი 1000... ვფიქრობ, ეს უბრალოდ მეტისმეტი იყო", - თქვა ადვოატმა და ასევე ხუმრობით აღნიშნა: "ქომბსი დიდი რაოდენობით ყიდულობს პროდუქტებს და მარაგები აქვს ყველგან, სადაც სახლი აქვს".
ბრალდებაში აღწერილია, რომ სექს წვეულებების დროს რეპერი კომერციულ სექსმუშაკებს და მსხვერპლებს აიძულებდა სექსუალურ აქტებში ჩართვას. ბრალდებაში ნათქვამია, რომ ქომბსი მათ ვიდეოებს უღებდა და ამ კადრებს ინახავდა, მსხვერპლებს ასევე აკრძალულ ნივთიერებებს ურიგებდა.
აღნიშნული ბრალდებები სერიოზულ ზიანს აყენებს შონ ქომბსის რეპუტაციას, თუმცა მისი იურიდიული გუნდი ამტკიცებს, რომ საქმე არასწორად არის წარმოებული.
- ბრალდებაში ასევე აღწერილია ბავშვის ზეთის პოვნის ფაქტი და ნათქვამია: "2024 წლის მარტში, მაიამსა და ლოს-ანჯელესში შონ ქომბსის საცხოვრებელი სახლების ჩხრეკისას სამართალდამცავებმა ამოიღეს სხვადასხვა "ეროტიკული წარმოდგენებისთვის“ საჭირო ატრიბუტები, მათ შორის ნარკოტიკები, 1000-ზე მეტი ბოთლი ბავშვის ზეთი და ლუბრიკანტი".
ქომბსი ნიუ-იორკში 16 სექტემბერს დააკავეს.17 სექტემბრის მოსმენაზე თავი უდანაშაულოდ გამოაცხადა.
რეპერის დაკავებიდან რამდენიმე დღეში1999 წელს გადაღებული ვიდეო გავრცელდა, სადაც ის წინასწარმეტყველებს, რომ ოდესმე გრანდიოზული წვეულებების გამო, მის დაპატიმრებას შეეცდებოდნენ.
"გაიგებთ ჩემს წვეულებებზე, მათ დახურვას ეცდებიან. ალბათ, დამაპატიმრებენ, ათასგვარ გიჟურ რაღაცას გააკეთებენ, მხოლოდ იმიტომ, რომ ჩვენ კარგი დროის გატარება გვინდა. ჩვენ არ გავჩერდებით, გავაგრძელებთ მხიარულებას. ყველას ვახალისებთ, ვინც არ უნდა იყოს", - ამბობდა მაშინ რეპერი.
ფედერალური აგენტები 25 მარტს ჩხრეკის ორდერით შევიდნენ შონ დიდი კომბსის ლოს-ანჯელესისა და მაიამის ვილებში.
- სამართალდამცავი ორგანოდან წყარომ NBC News-ს უთხრა, რომ მუსიკალური მაგნატი მაიამის ტერიტორიაზე ჩხრეკის დროს ადგილზე იმყოფებოდა.
გამოძიების შესახებ ინფორმაცია მას შემდეგ გაჟღერდა, რაც ქომბსს არაერთმა ადამიანმა უჩივლა. მას სექსუალური ძალადობის ბრალდებები ჯერ კიდევ 2023 წლის ნოემბერში წაუყენეს. ამას მუსიკოსი მაშინაც კატეგორიულად უარყოფდა.
"საზიზღარი ბრალდებები წამოაყენეს ჩემს წინააღმდეგ. ესენი ის ადამიანები არიან, რომლებიც იოლ ფულს ეძებენ", დაწერა მან დეკემბერში Instagram-ზე გამოქვეყნებულ პოსტში. "მინდა განვაცხადო: არ ჩამიდენია ის საშინელებები, რომლებიც ჩემ შესახებ ითქვა. ვიბრძოლებ ჩემი სახელის, ჩემი ოჯახისა და სიმართლისთვის.“
ჩატარებული ჩხრეკის მიუხედავად და ასევე არაერთი საჩივრისა, მაშინ რეპერი არ დაუკავებიათ.
ქომბსი ახლახან დააკავეს - "ჩვენ ვწუხვართ ამ გადაწყვეტილების გამო, ბატონი კომბსის წინააღმდეგ უსამართლო გამოძიებას აწარმოებს აშშ-ის პროკურორის ოფისი. ის არ არის იდეალური ადამიანი, მაგრამ არ არის კრიმინალი. ბატონი ქომბსი თანამშრომლობდა გამოძიებასთან და ის ნებით ჩავიდა ნიუ-იორკში გასულ კვირას, რომ ბრალდებები მოესმინა“, - განაცხადა მისმა ადვოკატმა მარკ აგნიფილომ E! News-თან.
ბრალდებაში ნათქვამია, რომ დიდი "მუქარით აიძულებდა ქალებსა და სხვა ადამიანებს მის ირგვლივ, დაეკმაყოფილებინათ სექსუალური სურვილები. ასევე დაეცვათ მისი რეპუტაცია და დაემალათ ის, რაც მის სექს-წვეულებებზე ხდებოდა. აღნიშნული ქმედებები გრძელდებოდა ათწლეულზე მეტი ხნის განმავლობაში, ხოლო პროკურორების თქმით, აღნიშნული ქცევა 2008 წელს დაიწყო.
"დოკუმენტებში წერია, რომ რეპერი იყენებდა იმ ადამიანებს, რესურსებს და გავლენას, რაც ბიზნეს იმპერიიის წყალობით ჰქონდა და რომლის ლიდერიც თავად იყო. საუბარია ისეთ დანაშაულებზე, როგორიცაა სექსუალური ტრეფიკინგი, იძულებითი შრომა, გატაცება...“
მედიაში ვრცელდება ინფორმაცია, რომ დაკავებულ რეპერზე 24-საათიანი დაკვირვება მიმდინარეობს, რათა თვითმკვლელობა არ სცადოს.
ორი დღის წინ, უცხოურ მედიაში გამოქვეყნდა ინფორმაცია, რომ მოწამვლის შიშით, Diddy ციხეში ჭამაზე უარს ამბობს და პარანოიდულ მდგომარეობაში იმყოფება.
ასევე ცნობილია, რომ ის შავ საქმეებს მარტო არ აკეთებდა. მის "წვეულებებს“ ჰოლივუდის ვარკვლავებიდან არაერთი ცნობილი სახე ესწრებოდა, მათ შორის დასახელდნენ ლეონარდო დიკაპრიო, ასევე ეშტონ კატჩერი, მეუღლე მილა კუნისთან ერთად, ბიონსე და ჯეი ზი. საუბარია სერიოზულ დანაშაულებზე, თუმცა რამდენად დაინდობს ამერიკული სამართალი დანარჩენ ვარსვკვლავებს ამას დრო გვიჩვენებს.
- კავშირი ჯეი ლოსა და ბენ აფლეკთან
რეპერი და ჯენიფერ ლოპესი ერთად იყვნენ 1999-2001 წლამდე. ჭორების თანახმად, დიდიმ გადაიღო მათ შორის ინტიმური ვიდეო. წყაროების ცნობით, სწორედ ეს ვიდეო გახდა მაშინ ბენიფერის დაშორების მიზეზი.
ნახეთ ასევე:
ფულს იშოვნიან და ყველაფრის უფლებას აძლევენ თავს.ოღონდ გაერთვნენ და იმხიარულონ და რა მკრეხელობას არ მოიგონებენ.გვინდა ამერიკა და რა გვინდა ნეტავი თუ ვიცით?უხამსობა წაიშლბაო და თქვენც ნუ აქვეყნებთ ამდენ უხამსობას
ტრამპის დანაშაულებების არ იყოს, ამისნაირი ქმედებები ჩვეულებრივ მოქალაქეს რომ ჩაედინა, ალბათ სიკვდილით დასჯას გამოუტანა სასამართლო. ის ჯერ კიდევ გარეთ გულაობს, ესეც არაა მთლად ცუდ ხასიათზე.