მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ძალიან მძიმე იყო შეფასებები - ერთ-ერთმა პირდაპირ თქვა, რომ თუ ასე გაგრძელდა, საქართველო ბელარუსი გახდება" - დეკანოიძე ევროსაბჭოს მისიის წევრებთან შეხვედრის შემდეგ
18:09 / 24-09-2024
პარტნიორების მხრიდან შეფასებები ძალიან მძიმე იყო - ერთ-ერთი ჩვენი კოლეგისგან პირდაპირ ითქვა, რომ იმ შემთხვევაში, თუ ბიძინა ივანიშვილი და “ქართული ოცნება“ ზეწოლასა და რუსული გავლენის გააქტიურებას გააგრძელებს, საქართველო ბელარუსი გახდება , - ამის შესახებ ჟურნალისტებს დეპუტატმა ხატია დეკანოიძემ პარლამენტში, ევროპის საბჭოს სადამკვირვებლო მისიის წევრებთან შეხვედრის შემდეგ განუცხადა.
დეკანოიძის ინფორმაციით, სადამკვირვებლო მისიას ძალადობასთან დაკავშირებული მასალა გადაეცა.
შეხვედრაზე საუბარი შეეხო კონკრეტული ოპოზიციური პარტიების, არასამთავრობო ორგანიზაციებისა და დეპუტატების მიმართ ანტიკორუფციული ბიუროს სადამსჯელო მექანიზმად გამოყენებას.
მისივე თქმით, ასევე ისაუბრეს ბიძინა ივანიშვილის ძალიან მკვეთრ განცხადებაზე, “რომელიც საქართველოს მოქალაქეებისა და ჯარისთვის ღირსების აყრის კონტექსტში ბოდიშის მოხდას გულისხმობდა“.
“ჩვენი მთავარი გზავნილი, რა თქმა უნდა, შეეხებოდა საქართველოში არსებულ ვითარებას, დემოკრატიის კუთხით ძალიან სერიოზულ, დამძიმებულ სიტუაციას და ოპოზიციის სერიოზულ ძალისხმევას, რაც იმას გულისხმობს, რომ გვჯერა და ვაკეთებთ ყველაფერს, რათა 26 ოქტომბერს საქართველოს მოქალაქეების ნება დაფიქსირდეს. ჩვენ გვაქვს რწმენა, რომ ბიძინა ივანიშვილს აუცილებლად დავამარცხებთ!
ჩვენი პარტნიორების მხრიდან შეფასებები იყო ძალიან მძიმე. ეს არის ევროსაბჭოს საპარლამენტო ასამბლეის სადამკვირვებლო მისია, რომელმაც ძალიან კარგად იცის საქართველოში არსებული პრობლემები. ერთ-ერთი ჩვენი კოლეგისგან პირდაპირ ითქვა, რომ იმ შემთხვევაში, თუ ბიძინა ივანიშვილი და “ქართული ოცნება“ ზეწოლას და რუსული გავლენის გააქტიურებას გააგრძელებს, საქართველო გახდება ბელარუსი.
ეს იყო პირდაპირი სიტყვები, რომელიც ერთ-ერთი კოლეგისაგან მოვისმინეთ.
ასევე გამოთქვეს მზადყოფნა, რომ ყველა დარღვევა, რომელიც წინასაარჩევნო პერიოდში, არჩევნების დღეს თუ არჩევნების შემდეგ იქნება, დაფიქსირდება და შეფასდება“, - განაცხადა ხატია დეკანოიძემ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უძრავი ქონება საქართველოში: ეკონომიკაზე გავლენა, ტენდენციები და პროგნოზები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
