მუსიკალურმა ფესტივალმა "ღამის სერენადებმა" ჩეხური მუსიკის საღამო გამართა

ლიანა ისაკაძის სახელობის საერთაშორისო ფესტივალის „ღამის სერენადების“ ფარგლებში 18 სექტემბერს კონსერვატორიის მცირე დარბაზში ჩეხური მუსიკის საღამო გაიმართა.

პიანისტმა და კომპოზიტორმა გიორგი შავერზაშვილმა მევიოლინე გიორგი ხაინდრავასთან ერთად ბედრჟის სმეტანას, ანტონინ დვორჟაკისა და ლეო იანაჩეკის მუსიკა შეასრულა. კონცერტში მონაწილეობა მიიღეს მოწვეულმა სტუმრებმაც.

გიორგი ისაკაძე, „ღამის სერენადების“ სამხატვრო ხელმძღვანელი:

„ძალზედ ატმოსფერული საღამო იყო. შესრულდა შესანიშნავი, ემოციური, სენტიმენტალური დვორჟაკის სმეტანას ნაწარმოებები. გიორგი შავერზაშვილმა და გიორგი ხაინდრავამ საოცრად შეასრულეს პროგრამა. ესეთი საღამოები ხელს უწყობს ქვეყნებს შორის ურთიერთობებს. მადლობა მინდა გადავუხადო ჩეხეთის საელჩოსა და პირადად ელჩს თანამშრომლობისთვის და ფესტივალის მხარდაჭერისათვის. ჩვენ კი ველოდებით მსმენელს დასკვნით კონცერტზე კონსერვატორიაში 20 სექტემბერს“.

ნინა ცაგარელი, „ღამის სერენადების“ დირექტორი:

„ლიანა ისაკაძის სახელობის ფესტივალის "ღამის სერენადების" ფარგლებში ჩატარდა უკვე 6 კონცერტი - ბორჯომში ბათუმში და თბილისში. 20 სექტემბერს დასკვნითი კონცერტი გველოდება. ვსარგებლობ შემთხვევით და მადლობას ვუხდი საქართველოს კულტურის და სპორტის სამინისტროს, აჭარის განათლების, კულტურისა და სპორტის სამინისტროს, ქალაქ თბილისის მერიას, ქალაქ ბათუმის მერიას, ქალაქ ბორჯომის მერიას, იტალიის საელჩოს საქართველოში, ბრაზილიის საელჩოს საქართველოში, ჩეხეთის საელჩოს საქართველოში, ეროვნულ სიმფონიურ ორკესტრს, სასტუმროს ჰილტონ გარდენ ინნ თბილისი, სასტუმროს ბორჯომი ლიკანი.“

პერტ კუბერნატი, ჩეხეთის სრულუფლებიანი ელჩი საქართველოში:

„პირადად ჩემთვის და ჩეხეთის საელჩოსთვის დიდი პატივია ვიყოთ ისეთი შესანიშნავი ღონისძიების მონაწილენი როგორიცაა “ღამის სერენადების” ფესტივალი. ეს წელი ჩვენთვის განსაკუთრებულია, რადგან ვზეიმობთ ჩეხური მუსიკის წელს, რომლის ტრადიცია 1924 წლით თარიღდება, როდესაც პირველად იგი აღინიშნა ბედჟიხ სმეტანას დაბადების ასწლეულთან დაკავშირებით. როგორც ამბობენ, ჩვენ ვართ მუსიკის ქვეყანა და გვსურს გავუზიაროთ ის ჩვენს მეგობრებს საქართველოში. ვიმედოვნებთ, რომ ეს ღონისძიება გააღრმავებს ურთიერთობებს ჩეხეთსა და საქართველოს შორის. დიდი მადლობა მინდა გადავუხადო ფესტივალის დირექტორს ქალბატონ ნინა ცაგარელს, სამხატვრო ხელმძღვანელს ბატონ გიორგი ისაკაძეს და ყველა მუსიკოსს, ვინც ეს საღამო შესაძლებელი გახადა.“

გიორგი შავერზაშვილი, პიანისტი:

„ფესტივალი „ღამის სერენადები“ რომ განსაკუთრებული ფესტივალია ყველასთვის ცნობილია. წელს ქალბატონი ლიანას გარეშე იმართება და ამიტომ ეს ყველაფერი ძალიან სევდიანია. ჩემი მონაწილეობა წლევანდელ ფესტივალში განისაზღვრა ჩეხური მუსიკის კლასიკოსის სმეტანას 200 წლისთავთან დაკავშირებით და მიეძღვნა ჩეხურ მუსიკას, სხვა ჩეხი კომპოზიტირების ნაწარმოებებიც შევასრულე და მიმაჩნია, რომ ჩეხური მუსიკა საკმაოდ საინტერესოა, არაჩვეულებრივი კომპოზიტორები ჰყავთ. მგონია, რომ ძალზეც კარგი კონცერტი გამოგვივიდა.“

თბილისი, ვანო სარაჯიშვილის სახელობის სახელმწიფო კონსერვატორია, მცირე დარბაზი

18 სექტემბერი, 18:00

ჩეხური მუსიკის საღამო

• გიორგი შავერზაშვილი - ფორტეპიანო, საქართველო
• გიორგი ხაინდრავა - ვიოლინო, საქართველო

სპეციალური სტუმრები:

• ემა ნესნიდალოვა - ვიოლინო. ჩეხეთი
• სარა ნესნიდალოვა - ფორტეპიანო, ჩეხეთი
• ტომაშ ტულაჩეკი - ვიოლინო, ჩეხეთი

პროგრამა:

ბედრჟიხ სმეტანა - ნუგეში (ციკლიდან „ზმანებები“) №2

• ქათამი (ციკლიდან „ჩეხური ცეკვები“, მეორე რვეული)
• ფურიანტი (ციკლიდან „ჩეხური ცეკვები“ II), თხზ. 21 №1
• მეგობრული პეიზაჟი (ციკლიდან „ჩანახატები“), თხზ.5 №3
• სკერცო-პოლკა (ციკლიდან „ჩანახატები“), თხზ.5 №1
• ანდანტე ფორტეპიანოსთვის მი-ბემოლ მაჟორი
• ორი პოლკა - (ციკლიდან „ჩეხური ცეკვები“) (1877)
• პოლკა ფა მინორი, თხზ. 7 №2
• სამშობლოდან, JB.1:118

ანტონინ დვორჟაკი - სლავური ცეკვა №2 მი მინორი, თხზ. 72 №2

• ოთხი რომანტიკული პიესა, თხზ.75
• სონატინა სოლ მაჟორი, თხზ.100 - IV ნაწილი
• იუმორესკები, თხზ.101

ლეო იანაჩეკი - რომანსი ვიოლინოსა და ფორტეპიანოსთვის

გიორგი შავერზაშვილი - ჯაზ ხორუმი

წლევანდელი ფესტივალი, საზეიმოდ გაიხსნა ქალაქ ბორჯომში, სასტუმრო ბორჯომი ლიკანში. 21 აგვისტოს, ღია ცის ქვეშ გაიმართა დიდი გალა კონცერტი, რომელზეც აჟღერდა მსოფლიო კინოკლასიკის შედევრები, ანტონიო ვივალდის, ასტორ პიაცოლას ნაწარმოებები, რევაზ ლაღიძისა და ვაჟა აზარაშვილის სიმღერები.

„ღამის სერენადების“ შემდეგი ორი კონცერტი ბათუმის ილია ჭავჭავაძის სახელობის სახელმწიფო დრამატულ თეატრში ჩატარდა. კონცერტებში მონაწილეობდნენ ცნობილი იტალიელი ბანდონეონისტი მარიო სტეფანო პიეტროდარკი და ვირტუოზი მევიოლინე, მრავალი საერთაშორისო კონკურსის ლაურეატი ელვინ ხოჯა განიევი.

15 სექტემბერს, თბილისის სახელმწიფო კონსერვატორიის დიდ დარბაზში პუბლიკამ მოისმინა იტალიური სიმფონიური მუსიკის ერთ-ერთი გამორჩეული ნაწარმოები - ოტორინო რესპიგის „რომის პინიები“ და სერგეი რახმანინოვის მესამე საფორტეპიანო კონცერტი. იტალიელი დირიჟორის ბეატრიჩე ვენეცის, სანდრო ნებიერიძისა და ეროვნული სიმფონიური ორკესტრის შესრულებით.

17 სექტემბერს კონსერვატორიის დიდ დარბაზში კი ბრაზილიური მუსიკის საღამო გაიმართა. ფესტივალის საბაზო ორკესტრი საქართველოს ვირტუოზები და ახალგაზრდა წარმატებული ქართველი მუსიკოსებმა სხვადასხვა ეპოქისა და სტილის, ბრაზილიელი კომპოზიტორების ქართველი პუბლიკისთვის ნაკლებად ცნობილი ნაწარმოებები შეასრულეს.

„ღამის სერენადების“ დასკვნითი საღამო 20 სექტემბერს თბილისის სახელმწიფო კონსერვატორიის დიდ დარბაზში ჩატარდება. ბაროკოს მუსიკის წამყვანი შემსრულებლები მევიოლინე ანდრეს გაბეტა და ბლოკ-ფლეიტისტი მორის შტიგერი, ფესტივალის საბაზო ორკესტრთან, საქართველოს ვირტუოზებთან ერთად წარმოადგენენ პროგრამას „ვივალდი და მეგობრები“.

წლევანდელი ფესტივალში მონაწილეობენ საერთაშორისოდ აღიარებული შემსრულებლები და ახალგაზრდა წარმატებული მუსიკოსები:

ბეატრიჩე ვენეცი - დირიჟორი, იტალია; სანდრო ნებიერიძე - ფორტეპიანო, საქართველო; ანდრეს გაბეტა - ვიოლინო, საფრანგეთი; მორის შტიგერი - ბლოკ ფლეიტა, შვეიცარია; მარიო სტეფანო პიეტროდარკი - ბანდონეონი, იტალია; ელვინ ხოჯა განიევი - ვიოლინო, აზერბაიჯანი / თურქეთი; ლიზი რამიშვილი - ჩელო, საქართველო; მარიამ როინიშვილი - სოპრანო, საქართველო; გიორგი ოიკაშვილი - კლარნეტი, საქართველო; მარიამ კიკალეიშვილი - მეცო-სოპრანო, საქართველო; ეროვნული სიმფონიური ორკესტრი; ანსამბლი „ბორჯომი“ (ხელმძღვანელი გიორგი ბუგიანიშვილი) და სხვ.

სოლისტებს ტრადიციულად თანხლებას უწევს ფესტივალის საბაზო ორკესტრი „საქართველოს ვირტუოზები“ (პირველი ვიოლინო ლელა მჭედლიძე).

საერთაშორისო ფესტივალი „ღამის სერენადები“, რომელიც მსოფლიოში სახელგანთქმულმა მევიოლინემ და დირიჟორმა ლიანა ისაკაძემ 1982 წელს დააარსა საქართველოს უმშვენიერეს მხარეში – აფხაზეთში, ჩვენი ქვეყნის ყველაზე ხანგრძლივი ისტორიის მქონე ტრადიციული ფესტივალია. 1991 წელს განვითარებული მოვლენების გამო ფესტივალმა დროებით არსებობა შეწყვიტა და 2002 წელს, აღდგა „ხელოვნების ზეიმის“ სახელით ქალაქ ბორჯომში, ხოლო 2009 წლიდან დაუბრუნდა შავიზღვისპირეთს, გადაინაცვლა ულამაზეს ქალაქ ბათუმში ისევ „ღამის სერენადების“ სახელით. 2023 წლიდან საფესტივალო ქალაქებს დაემატა ბორჯომი. წელს ფესტივალი აღდგენიდან მეთექვსმეტედ ჩატარდება და მას ლიანა ისაკაძის სახელი მიენიჭა.

ფესტივალის ორგანიზატორია კომპანია არტ ალიანსი, ფესტივალის დირექტორი - ნინა ცაგარელი, 2018 წლიდან ფესტივალის სამხატვრო ხელმძღვანელია გიორგი ისაკაძე - მუსიკოსი და პედაგოგი, ინგოლშტადტში მუსიკისა და ცეკვის აკადემიის და სკოლის დამფუძნებელი და დირექტორი, ლიანა ისაკაძის ძმისშვილი.

ფესტივალის მხარდამჭერები არიან: საქართველოს კულტურის და სპორტის სამინისტრო,აჭარის განათლების, კულტურისა და სპორტის სამინისტრო, ქალაქ თბილისის მერია, ქალაქ ბათუმის მერია, ქალაქ ბორჯომის მერია, იტალიის საელჩო საქართველოში, ბრაზილიის საელჩო საქართველოში, ჩეხეთის საელჩო საქართველოში.

მასპინძელი სასტუმრო: ჰილტონ გარდენ ინნ თბილისი.

ფესტივალის პარტნიორები: ეროვნული სიმფონიური ორკესტრი, სასტუმრო ბორჯომი ლიკანი.

ფესტივალის მხარდამჭერი კომპანიები: “ჯიპისი აფთიაქი”,მცენარეული კოსმეტიკის ფუძემდებელი საფრანგეთიდან „ივ როშე“, პრემიუმ კოსმეტიკის ვეგანური, ქართული ბრენდი “პიელ ნატურალსი”.ძმები ხუციშვილების „ღვინის მარანი“, ღვინის კომპანია „GEORGIAN LEGEND”.

ფესტივალის საინფორმაციო მხარდამჭერები:აჭარის საზოგადოებრივი მაუწყებელი, საქართველოს პირველი არხი, ტელეკომპანია „რუსთავი2“, ტელეკომპანია „იმედი“, “პოს ტვ”, “ევრონიუს ჯორჯია“, Billboard Georgia, მედიაჰოლდინგი „ჯორჯიან ტაიმსი“, საპატრიარქოს ტელევიზია „ერთსულოვნება”, მედია და ციფრული კომუნიკაციების სააგენტო“კლიპ არტი“, საინფორმაციო პორტალი „ambebi.ge” და „ipn.ge”, საინფორმაციო სააგენტო „პრაიმ ტაიმი“, “ჯორჯიან პრესი“, ინგლისურენოვანი გაზეთი „Georgia Today”, ინგლისურენოვანი ყოველდღიური გაზეთი “Messenger”, ჟურნალი „სარკე“, გაზეთი „აჭარა“, ონლაინ მედია “აჭარა თაიმსი”, რადიო „ფორტუნა“ და ვებ პლატფორმა „ფორტუნა.ჯი“.

R