"მე და თინას საქმე გვაკავშირებს, ორივე სახელმწიფო სამსახურში ვიყავით... მალე შვილს ველოდებით" - რას ჰყვება დეპუტატი პირად ცხოვრებაზე?
"ქართული ოცნების" დეპუტატი რატი იონათამიშვილი 2021 წელს დაოჯახდა. დეპუტატის რჩეული თინათინ მგელაძეა. თინათინი წლების მანძილზე თბილისის მერიის პრესსამსახურში მუშაობდა.
რატის და თინას სიყვარულის ისტორია რამდენიმე წელს ითვლის. წყვილმა ჯვარი ქაშვეთის ტაძარში დაიწერა. რატი იონათამიშვილის მეჯვარე ყოფილი დეპუტატი ვანო ზარდიაშვილი გახლდათ.
დეპუტატმა "ნოესთან" სტუმრობისას მეუღლესთან პირველი შეხვედრა გაიხსენა და საზოგადოებას სასიხარულო ამბავიც გაუზიარა. აღმოჩნდა, რომ წყვილი მალე შვილს ელოდება.
"მოხდა ისე, რომ საქმე გვაკავშირებს. ორივე სახელმწიფო სამსახურში ვიყავით. არის კავშირში პარასპორტთანაც. სპორტული კომპლექსის გახსნაზე მოხდა ჩვენი გაცნობა, მაქვს შეგრძნება, რომ დიდი ხნით ადრე გავიცანი. თინა მერიაში მუშაობდა.
ჩვენი შეხვედრა, ერთი შეხედვით, რომანტიკული არ ყოფილა, არც მე ვარ რომანტიკული, უფრო რეალისტი ვარ. ჩემი აზრით, სიყვარული პირველ რიგში, არის პასუხისმგებლობა. როცა ოჯახს ქმნი, დიდ პასუხისმგებლობას იღებ.
ველოდებით სექტემბრის ბოლოს შვილს. როდესაც გავიგეთ, რომ შვილს ველოდით, ძალიან დიდი ემოცია იყო. უკვე მეცხრე თვეა. საოცარი განცდაა. ვხვდები, რომ ჩემს ცხოვრებას აქამდე დიდი აზრი ჰქონია", - ამბობს დეპუტატი.
რატი იონათამიშვილი პარალიმპიური კომიტეტის პრეზიდენტია. პარალიმპიელებმა წლევანდელ ოლიმპიადაზე რეკორდული რაოდენობის მედლების მოპოვება შეძლეს. წელს ის პრეზიდენტმა ღირსების ოდრენით დააჯილდოვა.
"ბედნიერი ვარ, რომ ვარ წარმატებული ჩემს ორივე საქმეში - პარაოლიმპიურ მოძრაობაში და პოლიტიკაშიც; რომ ძალიან გამიმართლა ჩემს მეგობრებში, გუნდშიც და თანამებრძოლებშიც; რომ მყავს ძლიერი და სიყვარულით სავსე ოჯახი და მეუღლე, ვისაც ცხოვრებაში ყველაზე მეტად შემიძლია ვენდო და დავეყრდნო და ჩვენ ზუსტად ვიცით, რომ ყველაზე ბედნიერი დღეები კიდევ წინ გვაქვს... ეს ისე, უბრალოდ. იმათთვის, ვისაც წარმატება "ფეისბუკზე" სიძულვილის ნთხევა, კლავიშების ცვეთით თითებზე მაზოლების გაჩენა, ცილისწამება, უზრდელობა და კიბერბულინგი გონია", - ამბობდა რამდენიმე კვირის წინ გამოქვეყნებულ პოსტში იონათამიშვილი.
წაიკითხეთ ასევე: