ანჯელინა ჯოლი ხვეული თმით - ჰოლივუდის ვარსკვლავი განსხვავებული იმიჯით გამოჩნდა (ფოტოები)

ანჯელინა ჯოლი გამოცემა CR Fashion Book-ის უახლეს ნომერს განსხვავებული იმიჯით - ხვეული თმით ამშვენებს.

ფოტოგადაღებებისთვის 49 წლის მსახიობი თავისი ახლადდაარსებული ატელიეს სხვადასხვა დიზაინის სამოსით გამოჩნდა.

ფოტოებში ანჯელინას Atelier Jolie-ს საღამოს კაბა აცვია და დახვეული თმითაა.

თანდართულ ინტერვიუში მსახიობი Atelier Jolie-ს შესახებ საუბრობს:

"მინდოდა სივრცე შემექმნა, სადაც შემოქმედი ხალხი შთაგონებას მიიღებდა და სიამოვნებით იმუშავებდა", - თქვა მსახიობმა.

ანჯელინამ "ატელიე ჯოლი" 2023 წელს დააარსა. ის მთელი მსოფლიოდან აერთიანებს მხატვრებსა და დიზაინერებს, რათა, როგორც ანჯელინა ამბობს, "მოდის ინდუსტრიაში სიახლეები შეიტანონ".

ჯოლიმ გამოცემასთან მის უახლეს ტატუებზეც ისაუბრა, მათ შორის ჩიტზე, რომელიც მან მკერდზე დაიხატა.

სუპერვარსკვლავი ჰოლივუდსა და მოდას ოფიციალურად დაუბრუნდა. ის სულ ახლახან ტომ ფორდის ახალ სახედ გამოცხადდა. ანჯელინა ჯოლი აგრეთვე Netflix-ის ბიოგრაფიულ ფილმ "მარიაშიც" თამაშობს, რომელიც ოპერის მომღერალ მარია კალასის ცხოვრებასა და კარიერაზე მოგვითხრობს.

წყარო: pagesix

მოამზადა: ანა სიბოშვილმა