"სადაც არ უნდა იყო, შეჩერდი! შესაძლოა, ამ დღემ სამუდამოდ შეცვალოს შენი ცხოვრება უკეთესობისკენ" - რას წერს ასტროლოგი
შემოდგომის ბუნიაობასთან და ამ დღის განსაკუთრებულ ძალასთან დაკავშირებით, ასტროლოგი ქეთი ოდიშელი სოციალურ ქსელში წერს და აღნიშნავს, რომ შესაძლოა, ამ დღემ სამუდამოდ შეცვალოს თქვენი ცხოვრება უკეთესობისკენ.
"ბუნება ემზადება ზამთრის ძილისთვის და საძირკველი ეყრება ახალ ენერგიას მომავალი ცხოვრების, სიცოცხლის ციკლისთვის.
ბევრი ტრადიცია დავიწყებას მიეცა, დაიკარგა ცოდნა ძველი რიტუალების, მაგრამ ამ დღეს, სადაც არ უნდა იყო შენ, შეჩერდი! გაიაზრე დედაბუნების ნაჩუქარი ყველა სიკეთე და მადლობა უძღვენი მზეს, გარემომცველ სამყაროს!
არ აქვს მნიშვნელობა ვინ ხარ შენ, ქრისტიანი თუ მუსულმანი, ათეისტი თუ კერპთაყვანისმცემელი, რადგან ასეთ დღეს, როდესაც მოდის ძლიერი კოსმიური ენერგიის ნაკადი, ბრძენი სამყარო აუცილებლად მიიღებს შენი მადლიერების სიტყვებს, შეისმენს შენს სურვილებს.
ძალიან კარგია ასეთ დღეებში ენერგეტიკულად ძლიერ ადგილას შეკრება (ძალის ადგილები) ასევე დღეს ჩვენი ძალა, ნიჭი, ოცნება, სურვილები უნდა გავაერთიანოთ და მივმართავთ სწორი მიმართულებით, ჩვენი ერთიანი სასიცოცხლო ნაკადისკენ.
შესაძლოა ამ დღემ სამუდამოდ შეცვალოს შენი ცხოვრება უკეთესობისკენ! ამ დღეს აცხობენ ვაშლის, კომბოსტოს ღვეზელს, სუფრას ამშვენებენ სხვადასხვა ხილითა და კენკრით.განსაკუთრებულ სასმელს მიართმევენ ღვთაება სურიას, (მზის ღვთაებას) თაფლი და სამკურნალო ბალახების ნაყენი, ხილის ნაყენი, რომელსაც მოაქვს ჯანმრთელობა, მდედრობითი სქესისთვის მომხიბვლელობა, სექსუალობა, ხოლო მამაკაცებისთვის სიმტკიცე და წარმატება.
* სასურველია მიწაზე ფეხშიშველა სიარული.* სიმდიდრის, კეთილდღეობის თილისმების დამზადება.
* საყვარელი ადამიანებისთვის მნიშვნელოვანი საჩუქრების გაკეთება.* დასკვნების გაკეთება, შეფასება განვლილისა, ეს არის მოსავლის აღების დრო", - წერს ასტროლოგი.