მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"მივდიოდით უდიდეს დათმობაზე, მზად ვიყავით, პარტია დაგვეთმო... ერთადერთი, რაც მეორე მხარის ლიდერს უნდა მოეტანა, იყო ის, რომ..." - ჩაშლილი მოლაპარაკებების დეტალები
19:39 / 19-09-2024
ჩვენ მივდიოდით უდიდეს დათმობაზე, მზად ვიყავით, პარტია დაგვეთმო. ერთადერთი, რაც მამუკა ხაზარაძეს უნდა გაეკეთებინა, უნდა მოეხდინა შეთანხმება პარტნიორებთან პარიტეტთან დაკავშირებით , - ამის შესახებ პარტია “გახარია საქართველოსთვის” წევრმა ანა ბუჩუკურმა პალიტრანიუსის გადაცემა “რეზიუმეში” განაცხადა.
როგორც ბუჩუკურმა განმარტა, კარგია, რომ ორ ოპოზიციონერ ლიდერს შორის დისკუსია შედგა, რადგან ეს სამომავლოდ პარლამენტში პარტნიორობის შესაძლებლობას აჩენს.
“მესმის, რომ მოლოდინები გაჩნდა, ტემპერატურამაც აიწია, მაგრამ შეთანხმება რომ ვერ შედგა, ეს დრამა ნამდვილად არ არის. სამწუხაროდ, სხვადასხვა სპეკულაცია მოვისმინე და ეს სპეკულაციები მინდა, რომ გამოირიცხოს. მოვისმინე, რომ თითქოს 16:00 საათზე გიორგი გახარია უნდა ყოფილიყო შეხვედრაზე და ეს ასე არ არის - არანაირი შეხვედრა მას ჩანიშნული არ ჰქონია. ასევე მოვისმინე, რომ თითქოს მეორე მხარისთვის მოულოდნელი იყო ჩვენი პოზიცია მაშინ, როდესაც ჩემი თანდასწრებით გახარია ტელეფონით ესაუბრა მამუკა ხაზარაძეს.
შესაძლოა, მათ შიგნით, სხვა წარმომადგენლებმა არ იცოდნენ, რომ ეს საუბარი შედგა. მე მოვისმინე “ლელოს” ლიდერისგან, რომელიც საუბრობს ერთიანად ამ 9 ნომრის, ერთიანი კოალიციის სახელით, რომ ის მზად არის, ხელი მოაწეროს დოკუმენტს, ოღონდ არ ვიცით, რა დოკუმენტზეა საუბარი, ამიტომ ჩვენ მოვუწოდებთ მათ, რომ გამოაქვეყნონ ეს აღნიშნული დოკუმენტი.
ძალიან მნიშვნელოვანია ის, რომ ეს დისკუსია რომ შედგა, ჩემთვის ეს არის პოზიტივი, აქედან გამომდინარე, მინდა მადლობა ვუთხრა ქალბატონ პრეზიდენტსა და “ლელოს”. პირველად მოხდა, რომ დისკუსია შედგა ამ ორ სუბიექტს შორის. ეს სამომავლოდ პარლამენტში პარტნიორობის შესაძლებლობას აჩენს.
რაც შეეხება, ზოგადად, პროცესის მიმდინარეობას - ერთის მხრივ, ბატონი მამუკა ამბობს, რომ კოალიციის ლიდერია და საუბრობს კოალიციის სახელით და მოლაპარაკებებზე ზის და ამის პარალელურად მისი პარტნიორები ზუსტად იმავე დროს საერთოდ კითხვის ნიშნის ქვეშ აყენებენ ჩვენი შესაძლო პარტნიორობის საჭიროებას, ეს უბრალოდ წარმოუდგენელია. ერთადერთი, რაც “ლელოს” უნდა გაეკეთებინა, უნდა მოეხდინა შეთანხმება მის პარტნიორებთან და სამწუხაროდ, ეს შეთანხმება მან ვერ მოახერხა.
მინდა ხაზი გავუსვა იმ უდიდეს დათმობას, რა დათმობაზეც ჩვენი გუნდი წავიდა. გიორგი გახარია არის ადამიანი, რომელიც არა მხოლოდ ახლა, ოპოზიციიდან, არამედ ხელისუფლებაში ყოფნის დროსაც, და მომავალშიც სულ ასე იქნება ჩვენი გუნდი, პირად და პარტიულ ინტერესზე წინ ყოველთვის ვაყენებდით, ვაყენებთ და მომავალშიც დავაყენებთ სახელმწიფო ინტერესს. ამ ყველაფრის გათვალისწინებით, ჩვენ მივდიოდით უდიდეს დათმობაზე, რასაც ჰქვია პარტიის დათმობა. მზად ვიყავით, დაგვეთმო ჩვენი პარტიის სახელი, პარტიული ნომერი. ერთადერთი, რაც მეორე მხარის ლიდერს უნდა მოეტანა, იყო ის, რომ უნდა მოეხერხებინა შეთანხმება მის პარტნიორებთან პარიტეტთან დაკავშირებით და ეს მან ვერ შეძლო”, - განაცხადა ბუჩუკურმა.
ცნობისთვის, პარტია "გახარია საქართველოსთვის“ ინფორმაციით, "ძლიერ საქართველოსთან“ შეთანხმების მიღწევა ამ ეტაპზე ვერ მოხერხდა.
როგორც განცხადებაშია აღნიშნული, მათ პარტიასა და "ლელოს“ შორის დაწყებული დისკუსია აჩენს პოზიტიურ მოლოდინებს, მომდევნო მოწვევის პარლამენტში თანაშრომლობასთან დაკავშირებით.
"ჩვენ გვერდზე გადავდეთ ჩვენი პარტიული ინტერესები და ყველაფერი დავთმეთ, სანაცვლოდ მეორე მხარემ ითხოვა ვადა შიდა კოალიციური შეთანხმებისთვის. ჩვენდა სამწუხაროდ, როგორც ჩანს, მეორე მხარემ შიდა კონსენსუსს ვერ მიაღწია", - ნათქვამია "გახარია საქართველოსთვის" განცხადებაში.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
