"მათ დაევალათ უკრაინის წინააღმდეგ რუსეთის სტრატეგიული დამარცხების უზრუნველყოფა" - FSB ბრიტანელ დიპლომატებს ჯაშუშობაში ადანაშაულებს და აკრედიტაციას უუქმებს
რუსული მედიის ცნობით, მოსკოვმა ექვს ბრიტანელ დიპლომატს აკრედიტაცია გაუუქმა. FSB მათ ჯაშუშობაში ადანაშაულებს.
"მათი საქმიანობა საფრთხეს უქმნის ქვეყნის უსაფრთხოებას", - ნათქვამია სახელმწიფო უსაფრთხოების სამსახურის განცხადებაში
- მათივე ცნობით, აქვთ დოკუმენტები, რომლებიც აჩვენებს, რომ ბრიტანეთის საგარეო საქმეთა დეპარტამენტი ლონდონში კოორდინაციას უწევს "პოლიტიკური და სამხედრო სიტუაციის ესკალაციას" და მათ დაევალათ უკრაინის წინააღმდეგ ომში რუსეთის სტრატეგიული დამარცხების უზრუნველყოფა.
"გამოვლენილი ფაქტები იძლევა იმის საფუძველს, რომ დირექციის მიერ მოსკოვში გაგზავნილი ბრიტანელი დიპლომატების საქმიანობა რუსეთის ფედერაციის უსაფრთხოებას საფრთხის შემცველად მივიჩნიოთ“, - ნათქვამია FSB-ის განცხადებაში.
რუსეთის სახელმწიფო ტელევიზიით დასახელდა ასევე ექვსივე დიპლომატის ვინაობა, გამოაქვეყნეს მათი ფოტოებიც.
"ჩვენ გადავწყვიტეთ, რომ ექვსივე მათგანი გავაძევოთ", - აცხადებს რუსეთის უსაფრთხოების სამსახურის წარმომადგენელი.