"ცეცხლოვანი დებატები", მწვავე კამათი - ჰარისი-ტრამპის პირველი ტელედებატები, ურთიერთბრალდებები და მთავარი მესიჯები: ვის მიანიჭა უპირატესობა მაყურებელმა
ამერიკის შეერთებული შტატების პრეზიდენტობის კანდიდატები, კამალა ჰარისი და დონალდ ტრამპი დებატების სცენაზე პირველად შეხვდნენ ერთმანეთს. მათ ხელი ჩამოართვეს და 90 წუთის განმავლობაში, როგორც დასავლური მედია უწოდებს, "ცეცხლოვანი დებატი" მიმდინარეობდა.
ამ 90 წუთის განმავლობაში კამალა ჰარისმა არაერთხელ შეაჩერა დონალდ ტრამპი და მიუთითა, რომ პირად თავდასხმაზე გადადიოდა, რითაცდ თავს არიდებდა რეალურ პრობლებმეზე საუბარს. კამალა ჰარისი აიძულებდა რესპუბლიკელ მეტოქეს ესაუბრა თავის წარსულ გადაწყვეტილებებზე, ნაბიჯებზე, მათ შორის კაპიტოლიუმში ადამიანების შეჭრის შესახებ.
- როგორც დებატების დროს დონალდ ტრამპმა თქვა, მას პრეზიდენტად ხელახლა არჩევის შემთხვევაში, რუსეთ-უკრაინის ომის 24 საათში დასრულება შეუძლია.
"დემოკრატების“ საპრეზიდენტო კანდიდატთან, აშშ-ის ვიცე-პრეზიდენტ კამალა ჰარისსთან სატელევიზიო დებატების დროს მოდერატორ დევიდ მიურის კითხვაზე, როგორ დაასრულებს ის ომს და სურს თუ არა, რომ ომი უკრაინამ მოიგოს, ტრამპმა უპასუხა: "მინდა, რომ ომი შეწყდეს, მინდა გადარჩნენ ადამიანები, მილიონობით ადამიანს კლავენ”.
მისი მტკიცებით, კარგი ურთიერთობა აქვს როგორც უკრაინის პრეზიდენტ ვოლოდიმირ ზელენსკისთან, ასევე რუსეთის პრეზიდენტ ვლადიმერ პუტინთან. ”მე მოვაგვარებ ამას მანამდეც კი, სანამ პრეზიდენტი გავხდები”, - აღნიშნა ტრამპმა.
- როდესაც სთხოვეს, განემარტა თავისი პოზიცია იმის თაობაზე, არის თუ არა აშშ-ის საუკეთესო ინტერესებში უკრაინის მიერ ომის მოგება, ტრამპმა უპასუხა:
”ვფიქრობ, აშშ-ის საუკეთესო ინტერესშია, რომ ეს ომი დასრულდეს და უბრალოდ დასრულდეს - შეთანხმებაზე მოლაპარაკება, რადგან ჩვენ უნდა შევაჩეროთ ყველა ამ ადამიანის სიცოცხლის განადგურება".
- კამალა ჰარისი განცხადებით კი, "დონალდ ტრამპი რომ პრეზიდენტი ყოფილიყო, პუტინი ახლა კიევში იჯდებოდა".
"გასაგებია, რატომ არიან ევროპელი მოკავშირეები და ჩვენი ნატო-ელი მოკავშირეები ასე მადლიერები, რომ თქვენ აღარ ხართ პრეზიდენტი და რომ ჩვენ გვესმის მსოფლიოში უდიდესი სამხედრო ალიანსის, ნატო-ს მნიშვნელობა და რაც გავაკეთეთ იმისათვის, რომ შეგვენარჩუნებინა ზელენსკის და უკრაინელების უნარი, თავიანთი დამოუკიდებლობისთვის ებრძოლათ. წინააღმდეგ შემთხვევაში, პუტინი კიევში იჯდებოდა და თვალი დანარჩენი ევროპისკენ ეჭირებოდა, დაწყებული პოლონეთიდან“, - აღნიშნა ჰარისმა.
მისი თქმით, ვლადიმერ პუტინი დიქტატორია.
- "ის დიქტატორია, რომელიც ლანჩზე შეგჭამთ", - მიმართა ჰარისმა ტრამპს.
დებატების დროს უკრაინის ომთან დაკავშირებით საუბრისას, დონალდ ტრამპმა განაცხადა, რომ ვიცე-პრეზიდენტმა კამალა ჰარისმა ვერ უზრუნველყო მშვიდობა მას შემდეგ, რაც გაგზავნეს უკრაინისა და რუსეთის ლიდერებთან მოლაპარაკებისთვის, რაზედაც ჰარისმა უპასუხა, რომ ის შეხვდა არა ვლადიმერ პუტინს, არამედ უკრაინის პრეზიდენტს, ვოლოდიმირ ზელენსკის.
"რეალობა ისაა, რომ ამერიკა ყოველთვის უნდა დადგეს, როგორც ლიდერი, რომელიც იცავს საერთაშორისო წესებსა და ნორმებს. როგორც ლიდერი, რომელიც ავლენს ძალას, გვესმის, რომ ალიანსები, რომლებიც ჩვენ გვაქვს მთელს მსოფლიოში, დამოკიდებულია ჩვენს უნარზე, გავუფრთხილდეთ ჩვენს მეგობრებს და არ მივცეთ უპირატესობა ჩვენს მტრებს, რადგან თქვენ ეთაყვანებით ძლიერებს, ნაცვლად იმისა, რომ ზრუნავდეთ დემოკრატიაზე,”- განაცხადა ჰარისმა დონალდ ტრამპის საპასუხოდ.
კამალა ჰარისმა განაცხადა, რომ დონალდ ტრამპის პრეზიდენტობამ შეერთებულ შტატებს დაუტოვა "დიდი დეპრესია და უმუშევრობა.“
აღსანიშნავია, რომ CNN-მა გამოაქვეყნა მონაცემები - ვინ მოიგო პირველი ტელედებატები. CNN-ის ცნობით, მაყურებლებმა გამარჯვებულად ჰარისი დაასახელეს ამომრჩევლებმა. CNN-ის და კვლევითი კომპანია SSRS-ის მიერ ჩატარებულ გამოკითხვის მიხევდით, 63%-ის აზრით, ჰარისმა გაიმარჯვა, 37%-ის აზრით - ტრამპმა. ცდომილება +/- 5,3%-ია.