"ვეცდები, ბევრი მაგარი საქმე გავაკეთო და შევუერთდე ამ მაგარ გუნდს... ყველა ადამიანს აქვს უფლება, მიიღოს ეს გადაწყვეტილება" - გენო პეტრიაშვილი
"ქართული ოცნება - დემოკრატიული საქართველომ" 2024 წლის საარჩევნო სიის პირველი ოცეული წარადგინა. ღონისძიებაზე “ქართული ოცნების” საპარლამენტო სიის ოცეული პრემიერ-მინისტრმა , “ქართული ოცნების” საარჩევნო შტაბის ხელმძღვანელმა, ირაკლი კობახიძემ წარადგინა.
პრემიერმა სიის პირველ ნომრად ქართული ოცნების” საპატიო თავმჯდომარე, ბიძინა ივანიშვილი დაასახელა.
უნდა აღინიშნოს, რომ სიის ოცეულში არიან ოლიმპიური ჩემპიონები ლაშა ტალახაძე და გენო პეტრიაშვილი.
როგორ პეტრიაშვილმა თქვა, ეცდება სამომავლოდ ბევრი "მაგარი საქმე გააკეთოს" და აქვე დასძინა, რომ გადაწყვეტილებით კმაყოფილია.
"მე, როგორც გენო პეტრიაშვილმა ბევრი მაგარი ემოცია შევძინე ჩემს გულშემატკივარს და ახლაც ვეცდები, ბევრი მაგარი საქმე გავაკეთო და შევუერთდე ამ მაგარ გუნდს. ძალიან მიყვარს სამშობლო და ყველა ადამიანს აქვს უფლება მიიღოს ეს გადაწყვეტილება.
სპორტი ყოველთვის იქნება ჩემს ცხოვრებაში, უბრალოდ, ახლა ისეთი პერიოდი მაქვს, დიდი დრო დამჭირდება ტრავმის მოსაშუშებლად" - თქვა პეტრიაშვილმა.
წაიკითხეთ ასევე: