"მოგმართავთ ყველას, ვინც საკუთარ "კიბოს მოგზაურობას" აგრძელებს: დაე სიბნელეში გამოჩენილმა სინათლემ იკაშკაშოს!" - ქეით მიდლტონი ქიმიოთერაპიის დასრულების შემდეგ ოჯახთან ერთად გამოჩნდა
უელსის პრინცესამ, ქეით მილდტონმა ქიმიოთერაპიის კურსი დაასრულა. ამის შესახებ ის ვიდეოში აცხადებს, რომელიც კენსინგტონის სასახლემ, გამოაქვეყნა.
- როგორც ქეითი აღნიშნავს, “გეგმავს, რომ თანდათან საზოგადოებრივ ცხოვრებას დაუბრუნდეს.“
მისი დიაგნოზის შესახებ ცნობილი მარტში გახდა. მას შემდეგ, რაც უცნაურად გაუჩინარებული ქეითის შესახებ, უამრავი ჭორი და მითქმა -მოთქმა გაჩნდა. მალევე პრინცესამ ვიდეომიმართვა გაარცელა, სადაც მისი დიაგნოზის შესახებ საუბრობდა.
ოპერაციის შემდეგ ის ქიმიოთერაპიის კურსს გადიოდა.
“მიუხედავად იმისა, რომ დავასრულე ქიმიოთერაპია, ჩემი გზა განკურნებისა და სრული გამოჯანმრთელებისკენ გრძელია. ბოლო 9 თვე წარმოუდგენლად მძიმე იყო ჩვენთვის, როგორც ოჯახისთვის. ცხოვრება, შეიძლება მყისიერად შეიცვალოს და ჩვენ მოგვიწია გვეპოვა გზა მღვრიე წყლებში და უცნობ გზაზე ნავიგაციისთვის.
- "კიბოს მოგზაურობა" რთული, საშინელი და არაპროგნოზირებადია ყველასთვის, განსაკუთრებით კი ყველაზე ახლობელი ადამიანებისთვის. ამ დრომ, მე და უილიამს შეგვახსენა, დავფიქრებულიყავით ყველაფერზე. მადლიერები ვყოფილიყავით იმ მარტივი, მაგრამ მნიშვნელოვანი ცხოვრებისეული რაღაცებით, რასაც ბევრი ჩვენგანი ყურადღებას არ აქცევს. უბრალოდ გიყვარდეს და უყვარდე“, - ამბობს ქეითი ვიდეო მესიჯში, სადაც ნაჩვენებია კადრები, თუ როგორ დასეირნობს პრინცესა ქმართან და შვილებთან ერთად ბუნებაში.
მან თქვა, რომ მოუთმენლად ელის სამსახურში დაბრუნებას. ქეითი აღნიშნავს, რომ ქიმიოთერაპიის დასრულების მიუხედავად, ბოლომდე გამოსაჯანმრთელებლად, ჯერ კიდევ გრძელი გზა აქვს გასავლელი, თუმცა, ცხოვრების ახალ ეტაპს იმედით ხვდება.
"ყველა იმ ადამიანს ვინც ახლა საკუთარ "კიბოს მოგზაურობას" აგრძელებს - თქვენთან ვარ, თქვენ გვერდით. სიბნელეში შეიძლება გამოჩნდეს სინათლე, დაე ამ სინათლემ იკაშკაშოს." - წერს მიდლტონი.
ამერიკის კიბოს საზოგადოების მთავარი მეცნიერის დოქტორ უილიამ დაჰუტის თქმით, ქიმიოთერაპიის შემდეგ პირველი 6-დან 24 თვემდე, იყო “ყველაზე კრიტიკული პერიოდი“.
მან ასევე აღნიშნა, რომ ქიმიოთერაპიას ჰქონდა გვერდითი მოვლენები, რომლებიც დამოკიდებულია პაციენტის ასაკზე და მკურნალობის ტიპზე.
იხილეთ ასევე:
- "ეს იყო შოკი, მაგრამ...." - ქეით მიდლტონი გამოჩნდა და საზოგადოებას მიმართა: რას ამბობს პრინცესა გამოქვეყნებულ ვიდეოში გაუჩინარების მიზეზებზე
- უწყვეტი ოვაციები და ფეხზე წამომდგარი სტუმრები - პრინცესამ ტრადიციას არ უღალატა: მძიმე დიაგნოზის მიუხედავად, ქეით მიდლტონი უიმბლდონის ფინალს დაესწრო