"ვიცით, რომ ყველა ბილეთი გაყიდულია და მეტოქეს დიდი მხარდაჭერა ექნება, მაგრამ...“ - როგორია მამარდაშვილისა და სანიოლის განწყობა ალბანეთთან შეხვედრამდე ერთი დღით ადრე

ხვალ, 10 სექტემბერს, ერთა ლიგის მეორე ტურში, საქართველოს ეროვნული საფეხბურთო ნაკრები ალბანეთს დაუპირისპირდება. ქართველი ფეხბურთელები ალბანეთის დედაქალაქში უკვე ჩავიდნენ და შეხვედრისთვის ემზადებიან.

ერთი დღით ადრე, მოლოდინების შესახებ კომენტარი გიორგი მამარდაშვილმა გააკეთა:

“ვიცით, რომ ყველა ბილეთი გაიყიდა და ტრიბუნაზე საფეხბურთო ატმოსფერო იქნება. მაგრამ, ჩვენ წარმატების მისაღწევად მაქსიმუმს გავაკეთებთ...

• საქართველოს ნაკრების კარის "მშრალად" შენახვა პირველად სწორედ ალბანეთში მოვახერხე. მაშინ ევროპული კარიერა ახალი დაწყებული მქონდა. ამის შემდეგ, ვფიქრობ, საკმაოდ დიდი გამოცდილება შევიძინე. იმედია, ისე ვითამაშებთ, როგორც ჩეხეთთან, გავიმარჯვებთ და ამ სტადიონიდან ხვალაც კარგი მოგონებები გამყვება...

ეს მხოლოდ ჩემი აზრი არ არის - წინა მატჩებში სიამოვნებას ვიღებდი იმით, თუ როგორ თამაშობდნენ ბიჭები შეტევაში, ამ რესურსის გათვალისწინებით, ლოგიკურად, მსოფლიოს ჩემპიონატზე გასვლაც შეგვიძლია.

რატომ გადავედი ქომაგებში ჩეხებთან მატჩის შემდეგ? ეს მადლობის ჟესტი იყო. ვფიქრობ, მათ გარეშე ვერ მივიდოდით იმ დონეზე, სადაც ამჟამად ვიმყოფებით. ქომაგები ჩვენთვის განსაკუთრებით მნიშვნელოვანია, რადგან ჩვენ ერთი გუნდი ვართ", - დასძინა გიორგი მამარდაშვილმა.

ვილი სანიოლის თქმით, ალბანელ ფეხბურთელებს შესანიშნავი გულშემატკივრები ჰყავთ:

• “კარგად ვიცნობთ ალბანეთის ნაკრებს, მათთან ორი წლის წინ ფრედ ვითამაშეთ. ჩემს ფეხბურთელებს ყოველთვის ვეუბნები, რომ მაქსიმუმი გააკეთონ. ალბანეთის ნაკრებმა, ისევე, როგორც ჩვენ, ევროპის ჩემპიონატზე თავი კარგად წარმოაჩინა. ვიცით, რომ ძალიან ძლიერ გუნდს ვხვდებით, რომ სტადიონზე შესანიშნავი ატმოსფერო და რომ რთულ გარემოში თამაში გველის. ეს ფეხბურთელებისთვის დამატებითი მოტივაციაა, რომ ფხიზლად ითამაშონ...

ორი წლის წინ ალბანეთთან ამხანაგური მატჩი 0:0 დავასრულეთ და მეტოქე კარგად შევისწავლეთ. შევეცდებით, ისეთი ფეხბურთი ვაჩვენოთ და ისეთი კონცენტრაციით ვითამაშოთ, როგორც თბილისში ჩეხეთის ნაკრებთან მოვარხერხეთ...

მიუხედავად ანგარიშისა, ვერ ვიტყვი, რომ ჩეხეთთან იოლი მატჩი გვქონდა - უბრალოდ ფეხბურთელებმა ამ დღეს საუკეთესო თამაში აჩვენეს. მოკლე პერიოდში მეორე მატჩის ჩატარება გვიწევს, დასვენებისთვის ერთი დღე გვქონდა, მაგრამ ვეცდებით, რომ მაქსიმალურად კარგად მოვემზადოთ...

ვინ არის პენალტისტი? პენალტებს კარგად ბევრი ასრულებს - კვარაცხელია, მიქაუტაძე, გველესიანი... ამ მხრივ, არჩევანის თავისუფლება გვაქვს. სხვადასხვა მატჩების წინ, არის რაღაცები, რასაც წინასწარ ვგეგმავთ, მაგრამ კონკრეტულ შეხვედრაში გადამწყვეტი ის არის, თუ ვინ აიღებს პასუხისმგებლობის საკუთარ თავზე...

უკრაინასთან მატჩში ალბანეთმა ძალიან კარგად ჩაატარა. როდესაც გუნდი იგებს, მისი შეფასება გაცილებით მარტივია. ვფიქრობ, ჩვენსა და ალბანეთის ნაკრებს შორის ბევრი საერთოა", - განაცხადა ვილი სანიოლმა, როლის კომენტარსაც lelo.ge ავრცელებს.

იხილეთ ასევე:

• "აწი მშვიდად ვიქნები. ეს მინდოდა მენახა... ბაბუაჩემისთვის ერთი თამაშის გაგზავნა რომ შემეძლოს ცაში, ამას გავუშვებდი" - რას წერს ქართველი კომენტატორი
• "დაიმახსოვრეთ, ევროპის საკვალიფიკაციო მატჩებში სახლში გოლი არ გაგვიშვია... კეთილი იყოს თქვენი მობრძანება ჯოჯოხეთში" - ალბანელი ქომაგები ქართველ ფეხბურთელებს