13
მაისიდღის ზოგადი ასტროლოგიური პროგნოზი
საქართველოს ეროვნულმა საფეხბურთო ნაკრებმა ჩეხეთი გაანადგურა. საბოლოდ შეხვედრა ანგარიშით 4:1 დამთავრდა. შეიძლება ითქვას, რომ დღეიდან იწყება შანსი, რომ 2026 წლის მსოფლიო ჩემპიონატზე ჩვენი ნაკრები ვიხილოთ.
- გუნდის მთავარი შემადგენლობა ასე გამოიყურებოდა: მამარდაშვილი, კაკაბაძე, გველესიანი, კაშია, დვალი, ლოჩოშვილი, კიტეიშვილი, ქოჩორაშვილი, ჩაკვეტაძე, კვარაცხელია, მიქაუტაძეთა
მატჩის პირველ ტაიმში ნათლად გამოჩნდა, რომ ჩეხეთის დაცვა საიმედოდ არ გამოიყურება, რამაც ჩვენი მოწინააღმდეგეები ცოტა არ იყოს დააბნია. თამაშის შეიძლება ითქვას, რომ დაწყებიდან 15 წუთის შემდეგ ქართველებმა "მასიური შეტევა" დაიწყეს ჩეხების წინააღმდეგ. მოწინააღმდეგეების კარში თითქმის ყოველ 5 წუთში ერთხელ ხდებოდა შეტევა, თუმცა უშედეგოდ. ბურთის ფლობაშიც ჩვენები აქტიურობდნენ.
31-ე წუთზე კი ანგარიში ჩვენს სასარგებლოდ გაიხსნა. ხვიჩა კვარაცხელიამ გაიტანა მსაჯის მიერ დანიშნული 11-მეტრიანი, რომელიც თავად მოიპოვა. საბოლლოოდ პირველ ტაიმში ანგარიში 1:0 დამთავრდა.
მეორე ტაიმშიც ქართველების უპირატესობა შესამჩნევი იყო. ქართველებმა ტემპი "დაიჭირეს" და ტაიმის დაწყებიდან მალევე საქართველო წინ წაიყვანა ჩაკვეტაძის გოლმა და ანგარიში 2:0 გახადა. აქვე უნდა აღინიშნოს, რომ იმდენად შესამჩნევი იყო ქართველების მიერ ბურთის ფლობა და თამაში ძირითადად ჩეხების მხარეს მიმდინარეობდა, რომ გიორგი მამარდაშვილი "უსაქმოდაც" კი იყო დარჩენილი.
ქართველების მიერ გატანილი გოლების სერია აქ არ დასრულებულა. 62-ე წუთზე ანგარიში 3:0 გახადა გიორგი მიქაუტაძე, 65-ე წუთზე კი ჩაკვეტაძის პასით ჩეხების კარში მეოთხე ბურთი შეაგდო გიორგი ქოჩორაშილმა.
ჩეხებმა ანგარიშის გახსნა 78-ე წუთზე შეძლეს. ჩვენს კარში გოლი კალვახმა გაიტანა. საბოლოოდ ანგარიში 4:1 დამთავრდა.
ფოტოები: ინტერპრესნიუსი
იხილეთ ასევე:
რომ არა მამარდას შეცდომა, რომელიც ამ ბოლო დროს ძალიან ფანტაზიორობს ლამაზი სეივების შესრულების მცდელობით, ჩეხები მშრალად წავიდოდნენ აქედან. მოგერიების დროს მამარდაშვილს ბურთი წინ რომ არ დაეგდო ჩეხებისათვის ისინი გოლსაც ვერ ეღირსებოდნენ.
ამ გუნდს დიდი მომავალი აქვს