ბელარუსის ცნობით, ქვეყნის საჰაერო სივრცე 8 “კამიკაძე“ დრონმა დაარღვია, ქალაქ გომელში დაზიანდა ინფრასტრუქტურა და გაჩნდა ხანძარი - რა დეტალები ხდება ცნობილი

საჰაერო სივრცეში ბელარუსის რესპუბლიკის სახელმწიფო საზღვრის უპილოტო საფრენი აპარატების მიერ დარღვევის ფაქტი 5 სექტემბრის ღამეს დაფიქსირდა. ინფორმაციას ბელარუსის შეიარაღებული ძალების გენერალური შტაბის უფროსი, საჰაერო ძალების და საჰაერო თავდაცვის ძალების მეთაურის პირველი მოადგილე, პოლკოვნიკი სერგეი ფროლოვი ადასტურებს.

საჰაერო თავდაცვის სისტემებმა ყველა სამიზნე გაანადგურეს. თუმცა, ფროლოვს დრონების წარმოშობასა და მათ შესაძლო სამიზნეებზე არ უსაუბრია.

Беларускі Гаюн-ის ინფორმაციით, ქვეყანაში ღამის განმავლობაში სულ მცირე 8 “კამიკაძე“ დრონი შეფრინდა.

ტელეგრამარხებზე ვრცელდება ფოტოები, სადაც ჩანს, რომ ბელარუსის ქალაქ გომელში დრონის ნამსხვრევები შენობას მოხვდა. დააზიანა სახურავი და შედეგად გაჩნდა ხანძარი. მაშველებმა ცეცხლის ლიკვიდაცია მალევე შეძლეს. მსხვერპლი არ არის.