“არა მხოლოდ ოქროს მედალი, არამედ მსოფლიოს ახალი რეკორდიც დაისაკუთრა!“ - კიდევ ერთი წარმატება: ქართველმა პარამძლეოსანმა, გიგა ოჩხიკიძემ ბირთვის კვრაში საუკეთესო შედეგი აჩვენა

გიგა ოჩხიკიძემ პარიზის პარალიმპიადაზე ოქროს მედალი მოიპოვა.

მან ბირთვის კვრაში 9,66 მეტრი დააფიქსირა და ამით მსოფლიო რეკორდიც დაამყარა!

აქამდე 9 მეტრიანი ზღვარი აქამდე გადაკვეთილი არავის ქონია. მან მსოფლიოს რეკორდი, რომელიც აქვე პარიზში მაროკოელმა აბდელილაჰ განიმ დაამყარა, 44 სანტიმეტრით გააუმჯობესა.

საქართველო პარალიმპიურ თამაშებზე სპორტის ექვს სახეობაში 14 პარაათლეტით ასპარეზობს.

• “არის! გიგა ოჩხიკიძე პარალიმპიადის ოქროს მედალოსანია! ბირთვის კვრაში მანდ ტოლი არავის დაუდო და 9,66 მეტრის დაფიქსირებით არა მხოლოდ ოქროს მედალი, არამედ მსოფლიოს ახალი რეკორდიც დაისაკუთრა!“ - წერს Georgian Paralympic Committee.

პარიზის 2024 წლის პარალიმპიური თამაშები 28 აგვისტოს საზეიმოდ გაიხსნა – ტურნირი 8 სექტემბერს დასრულდება.

იხილეთ ასევე:

• გამანადგურებლებით გაფერადებული პარიზის ცა, ნარინჯისფერი მზის ჩასვლა და ქართველები კონკორდის მოედანზე - საფრანგეთში პარაოლიმპიური თამაშები გაიხსნა (ფოტო/ვიდეო)