სომხეთის ატომურ ელექტროსადგურს მეხი დაეცა - რა ვითარებაა ადგილზე
სომხეთის ატომურ ელექტროსადგურს მეხი დაეცა, რის გამოც ის ელექტროსისტემიდან გაითიშა. ამის შესახებ ინფორმაციას სომხური მედია ავრცელებს. შემთხვევა 30 აგვისტოს, ადგილობრივი დროით 21:55 საათზე მოხდა.
სომხეთის ინფრასტრუქტურის სამინისტროს პრესსპიკერის განცხადებით, უსაფრთხოების სისტემის საშუალებით ელექტროსადგური "უსაფრთხო გაჩერების რეჟიმში" გადაიყვანეს.
"ელექტროსადგურზე არსებული უსაფრთხოების სისტემები სუპერ მგრძნობიარეა. ამ დროისთვის ყველაფერი კარგად არის და ეს იმის დასტურია, რომ ბოლო წლებში განხორციელებული ფართომასშტაბიანი მოდერნიზაციის სამუშაოები, მათ შორის უსაფრთხოების სისტემებზე, იყო ეფექტიანი", - აცხადებენ სამინისტროში.