უილიამი და ჰარი ბიძის დაკრძალვას დაესწრნენ, თუმცა იქ მყოფების თქმით, მათ ერთმანეთთან არ უსაუბრიათ - ძმებს შორის ისევ განხეთქილებაა
უილიამი და ჰარი ბიძის დაკრძალვას დაესწრნენ, თუმცა იქ მყოფების თქმით, მათ ერთმანეთთან არ უსაუბრიათ - ძმებს შორის ისევ განხეთქილებაა
სამეფო ოჯახში განხეთქილება გრძელდება - გავრცელებული ინფორმaციით, პრინცი უილიამი და სასექსის ჰერცოგი ჰარი სნეტიშემში, ბიძის, რობერტ ფელოუსის დაკრძალვას დაეწრნენ, თუმცა, როგორც ჩანს, ერთმანეთთან კვლავ უბრად არიან.
ბოლოს ძმები ერთ სივრცეში მეფის კორონაციის დროს იმყოფებოდნენ - ერთ წელზე მეტი ხნის წინ.
თავდაპირველი ცნობებით, სასექსის ჰერცოგი გაერთიანებულ სამეფოში გაფრენას უსაფრთხოების საკითხის გამო არ აპირებდა, ანუ იმის გათვალისწინებით, რომ მან სამეფო დაცვის შენარჩუნებისთვის სამართლებრივი ბრძოლა წააგო.
მიუხედავად ამისა, ახალი ცნობებით, ჰარი ბრიტანეთში საიდუმლოდ ჩავიდა, რომ 82 წლის ბიძის დაკრძალვას დასწრებოდა, რომელიც ძმების დედის, დაიანას ძმა იყო.
სავარაუდოდ, ჰარი ლოს-ანჯელესის საერთაშორისო აეროპორტიდან 27 აგვისტოს გაფრინდა.
დაკრძალვაზე მყოფი სხვა ადამიანების თქმით, მათ ძმები ერთად, საუბრისას არ უნახავთ.
ადგილობრივმა მცხოვრებმა The Sun-ს განუცხადა: "არ ვიცოდი, რომ იქ იყვნენ. ძალიან გასაიდუმლოებულად ჩამოვიდნენ".
სხვამ თქვა: "უილიამი და ჰარი იქ იყვნენ, მაგრამ დისტანციას ინარჩუნებდნენ".
სავარაუდოდ, ისინი წმინდა მარიამის მონასტრის უკანა ნაწილში, ცალ-ცალკე ისხდნენ.
ძმებს ერთმანეთთან თითქმის არ უსაუბრიათ მას შემდეგ, რაც სასექსის ჰერცოგმა და ჰერცოგინიამ სამეფო მოვალეობებზე უარი თქვეს, გაერთიანებული სამეფო დატოვეს და აშშ-ში დასახლდნენ.
განხეთქილება ჰარის მემუარების, Spare-ის გამოქვეყნებით გამწვავდა. წიგნი გასული წლის იანვარში გამოიცა და მასში სამეფო ოჯახის მიმართ არაერთი ბრალდება იყო წამოყენებული.
მათ შორის, ჰარიმ განაცხადა, რომ უილიამმა მის მეუღლეს, მეგანს "რთული", "უხეში" და "აგრესიული" უწოდა.
ჰერცოგი ბოლოს გაერთიანებულ სამეფოს მაისში ეწვია, რათა წმინდა პავლეს ტაძარში გამართულ მსახურებას დასწრებოდა, რომელიც სპორტული ღონისძიების, Invictus Games-ის ათ წლისთავს აღნიშნავდა. სპორტული შეჯიბრი დაშვებულია ჯარისკაცებისთვის და ჰარის დახმარებით დაარსდა.
მანამდე ის გაერთიანებულ სამეფოში თებერვალში, მამის, ჩარლზ III-ის მოსანახულებლად ჩავიდა, მას მერე, რაც მეფემ გაამჟღავნა, რომ კიბოს დაუზუსტებელი ფორმა ჰქონდა.
თუმცა, ლონდონში ყოფნისას მან მამის მონახულება ვერ შეძლო - მიუხედავად იმისა, რომ დედაქალაქის სამეფო რეზიდენციებიდან საკმაოდ ახლოს იმყოფებოდა.
უმცროსი ძმა ასევე დაუკავშირდა უილიამს მას შემდეგ, რაც მისმა მეუღლემ, ქეით მიდლტონმაც კიბოს დიაგნოზის შესახებ ისაუბრა.
უილიამთან დაახლოებულმა წყარომ The Sunday Times-ს განუცხადა: "წელს უილიამის ყურადღება ძირითადად მის მეუღლეზე, შვილებსა და მამაზე იყო მიმართული. ჰარიზე საერთოდ არ საუბრობენ".