“ის გამორჩეულად ნიჭიერი და მეგობრული იყო“ - ცნობილია თერჯოლაში, ხელოვნურ ტბაში ნაპოვნი გარდაცვლილი ახალგაზრდის ვინაობა: რას წერს თეატრალური დასი
ცნობილია თერჯოლის მუნიციპალიტეტში, სოფელ სიმონეთთან ახლოს არსებულ ხელოვნურ ტბაში ნაპოვნი 23 წლის ახალგაზრდის ვინაობა. ადგილობრივი მედიის ინფორმაციით, ის თემო ხადურია.
“აკაკი წერეთლის სახელმწიფო უნივერსიტეტი, უნივერსიტეტის თეატრალური დასი “ლიბერტა" მწუხარებას გამოთქვამს ჩვენი სტუდენტისა და თეატრალური დასის წევრის, თემო ხადურის გარდაცვალების გამო.
ის გამორჩეულად ნიჭიერი და მეგობრული იყო. ვუსამძიმრებთ ოჯახს, დასის წევრებსა და მეგობრებს!“ - წერს უნივერსიტეტი.
თერჯოლის მუნიციპალიტეტში, სოფელ სიმონეთთან ახლოს არსებულ ხელოვნურ ტბაში 23 წლის ახალგაზრდის ცხედარი იპოვეს. მას ოთხი დღის განმავლობაში ეძებდნენ.