"3 წლის წინ ყელი გამოჭრა ცოლს და სახელმწიფომ ვადაზე ადრე გაათავისუფლა. მაინტერესებს, არსებობს თუ არა დასკვნა, რომ პათოლოგი არ იყო" - რას ჰყვება ერთ-ერთი მოკლულის ცოლი სამმაგ მკვლელობაში ბრალდებულზე?
გურჯაანის მუნიციპალიტეტის სოფელ ახაშენში სამმაგ მკვლელობაში ბრალდებული დაკავებულია.
1985 წელს დაბადებული წარსულში ნასამართლევი ზ.ზ. დანაშაულის დამტკიცების შემთხვევაში 16-დან 20 წლამდე ან უვადო თავისუფლების აღკვეთას ელოდება.
გამოძიებით დადგინდა, რომ ბრალდებულმა გურჯაანის მუნიციპალიტეტში სამი პირი: მეუღლე - 1986 წელს დაბადებული ფ.ტ., თანასოფლელები: 1980 წელს დაბადებული მ.მ. და 1985 წელს დაბადებული რ.კ. ცეცხლსასროლი იარაღიდან გასროლით მოკლა და შემთხვევის ადგილიდან მიიმალა.
ერთ-ერთ გარდაცვლილის მეუღლე "ტვპირველთან“ ინტერვიუში ამბობს, რომ ეჭვმიტანილი და გარდაცვლილი ძმაკაცები იყვნენ და მათ შორის არანაირი კონფლიქტი არ ყოფილა.
"ბავშვობის ძმაკაცები იყვნენ, არანაირი შელაპარაკება, ეჭვიანობა, კონფლიქტი. გუშინაც კი გვქონდა კავშირი. გაიკითხეთ ჩემი მეუღლე, წყნარი, მშვიდი და ძალიან მაგარი ადამიანი იყო, მაგრამ რა მოხდა არ ვიცი.
სამი წლის წინ ყელი გამოჭრა ცოლს და სახელმწიფომ ვადაზე ადრე გაათავისუფლა. ორი თვის წინ გამოუშვეს, მაინტერესებს არსებობს თუ არა დასკვნა, რომ პათოლოგი არ იყო.
რომ იცოდა ჩემი მეუღლის ფიზიკური შესაძლებლობები, შორიდან აქვს ნასროლი თავში. ერთი კვირის წინ, თბილისში ბინა დავცალეთ და მაგის მანქანით ჩამოვიტანეთ ბარგი. არანაირი ვერსია არ გვაქვს".
წაიკითხეთ ასევე: