"რა საჭირო იყო მისი ვიტიზი? ბჟანიამ ქართული ინკლუზიის პროგრამა დაიწყო?" - ოკუპირებულ აფხაზეთში ვეტერანი ქართველი ფეხბურთელი იმყოფებოდა: გელა ინალიშვილის სოხუმში ჩასვლას კრიტიკა მოჰყვა
ვეტერანი ქართველი ფეხბურთელი, გელა ინალიშვილი, რომელიც სოხუმის "დინამოში" 1984-1989 წლებში თამაშობდა, დაახლოებით ერთი თვის წინ ოკუპირებულ აფხაზეთში იმყოფებოდა, სადაც სოხუმის "დინამოს" ეწვია. ის კლუბის მოთამაშეებს "დინამოს" პრეზიდენტმა ასტამურ ადლეიბამ გააცნო.
- "როდესაც სოხუმის დინამო პირველ ლიგაში გადავიდა ის შემადგენლობის აქტიური წევრი იყო, პირველ გუნდში თამაშობდა“, - აღნიშნა ადლეიბამ.
ინფორმაცია ინალიშვილის სოხუმში ვიზიტის შესახებ "ფეისბუქში" კლუბის გვერდზეა გამოქვეყნებული, სადაც აღნიშნულია:
"ყოფილ მოთამაშეს, სოხუმის დინამოს ვეტერანს, გელა ინალიშვილს მივესალმეთ, გავცვალეთ საჩუქრები, გელა ირაკლივიეჩმა კლუბს ბურთები გადასცა, ჩვენ კი დინამო სოხუმის შარფი ვაჩუქეთ“.
ინალიშვილის შეხვედრა სოხუმის "დინამოს“ ფეხბურთელებთან "ტელეგრამის" აფხაზურ არხებზე ერთი თვის შემდეგ გახდა განხილვის საგანი. "აფხაზური პორტალი“ წერს, რომ ინალიშვილი საქართველოს მოქალაქეა.
"ასეთი "თბილი“ შეხვედრის ორგანიზატორებს დაავიწყდათ ეთქვათ, რომ გელა ინალიშვილი არა მხოლოდ საბჭოთა დინამოს მოთამაშეა, არამედ საქართველოს ქალთა ნაკრების ყოფილი მწვრთნელი, რომელიც ადრე საქართველოს საფეხბურთო ნაკრებშიც თამაშობდა“, - წერს "აფხაზური პორტალი“. ისინი ვარაუდობენ, რომ ინალიშვილმა აფხაზეთში შესვლის ნებართვა აფხაზეთის სახელმწიფო უსაფრთხოების სამსახურისგან მიიღო.
"აქ სხვა რამ არის მნიშვნელობანი, რატომ იყო საჭირო აფხაზეთში ვიზიტი და რა მიზნით გააცნეს ჩვენი ახალგაზრდა ფეხბურთელები ინალიშვილს? ნაკლებად სავარაუდოა, რომ მათ გაწვრთნის, ის არ არის მსოფლიო ფეხბურთის ვარსკვლავი და კიდევ ერთი რამ, საქართველოს რომელ მოქალაქეს ჩამოიყვანენ შემდეგ ჩვენს ქვეყანაში?! შეგვიძლია ვთქვათ, რომ ასლან ბჟანიამ თავისი მხარდამჭერების ხელით დაიწყო ქართული ინკლუზიის პროგრამის განხორციელება“, - წერს აფხაზური პორტალი.
<script async src="https://telegram.org/js/telegram-widget.js?22" data-telegram-post="apsny_portal/869" data-width="100%"></script>